شنطة الإسعاف فى مصر دعوة صريحة لحمل سلاح (المقص)

[Maged Morcos]

من الملاحظ فى محتويات شنطة الأسعاف فى مصر انها دعوة رسمية من الحكومة لحمل سلاح بداخل كل سيارة تحت مسمى مقص سواء صغير أم كبير - ما الفرق المهم ان كل سيارة تحمل سلاح رسمى و دعوة صريحة للقتال عند حدوث أى تصادم أو حتى عند محاولة تموين السيارة ببنزين 80
حددت وزارة الصحة رسميا مواصفات حقيبة الإسعافات الأولية التي نصت تعديلات قانون المرور على تواجدها بكل سيارة وأبلغت الإدارة العامة للمرور بها.

وقال الدكتور عبد الرحمن شاهين المتحدث الرسمي لوزارة الصحة في بيان رسمي نشرته كافة وسائل الإعلام إن تلك الحقيبة يجب أن تكون مصنوعة من مادة معدنية غير قابلة للصدأ ، يسهل حملها ، محكمة الغلق ، يمكن غسلها وتطهيرها.

وأشار الدكتور شاهين إلى أن الحقيبة تزن من 2 إلى 5 كيلوجرام وتحتوي على 4 أربطة شاش ، 4 أربطة ضاغطة ، 5 "باكت" شاش معقم للجروح ، 5 "دريسنج" معقم ، 5 "باكت" شاش فازلين للحروق ، 5 شاش معقم للعين و 100 جرام قطن طبي.

كما يجب أن تحتوي تلك الحقيبة على بكرتين بلاستر لاصق ومقص صغير وسائل مطهر بيتادين مطهر للجروح ، 5 أطقم قفازات طبية ، رباطي مثلث لكسور عظمة العضد والترقوة ، وملاية حروق وكيس ثلج ينشط بالفرك وبطارية إضاءة حجم متوسط.

يشار إلى أنه سيتم العمل بقانون المرور الجديد بداية من شهر أغسطس المقبل ، ولن يتم الترخيص لأي مركبة ليست بها هذه الحقيبة.

[mrenie]

بشكل عام قانون المرور الجديد هو فرصه جديدة للشرطه المرتشيه و الفاسده التى تحكم مصر كلها لفتح الايدى بالرشاوى و لكن بالضعف فى القيمه عن سابقتها ...

وزارة الداخليه وزارة عدم الشرف و سلملى على الأنون

[ppppp]

لو حد فيكو غير حارة قدامي هخلي وشه سبعات في تمانيات

[عاطف المصرى]

المشاركة الأصلية بواسطة Maged Morcos

يشار إلى أنه سيتم العمل بقانون المرور الجديد بداية من شهر أغسطس المقبل ، ولن يتم الترخيص لأي مركبة ليست بها هذه الحقيبة.

عزيزى ماجد

تم منح التأجيل لمده ثلاثه شهور . وربنا يفرجها .

[موسي الأسود]

خلاص يا عاطف يا خويا احنا نعمل مصنع لانتاج الشنطة اياها بمشاركة علاء باشا و تبقي الشنطة فرض عين علي كل سيارة زي كدا طفاية الحريق بتاع بفاريا و حزام الأمان و خوذة الموتسيكل .

ومع علاء أنت في أيد أمينة

[عاطف المصرى]

المشاركة الأصلية بواسطة موسي الأسود

خلاص يا عاطف يا خويا احنا نعمل مصنع لانتاج الشنطة اياها بمشاركة علاء باشا و تبقي الشنطة فرض عين علي كل سيارة زي كدا طفاية الحريق بتاع بفاريا و حزام الأمان و خوذة الموتسيكل .

ومع علاء أنت في أيد أمينة

عزيزى موسى بك
ياريت .. بس المشكله ان قبل مايصدر القانون او يناقش او يعتمد .. فأن اصحاب القرار ومن بدعوه هم من اقاموا المصانع واستوردوا المثلثات واحزمه الامان وخوزات الموتوسيكلات .

اما بخصوص علاء باشا .. فأنا لا اؤيدك فى المسمى .. فأن كلمه باشا تطلق على اصغر Dog من دوجات حراسته .. ولكن يجب ان يسبق اسمه لفظ معالى ابن السلطان .

[موسي الأسود]

صدقني يا استاذ عاطف سواء كان هو ابن العمدة العارف باللاه أو ابن فخامة السلطان مش هاتفرق كتير المهم اننا نلحق نشاركه و نعمل مصنع والا اثنين من بتوع الشاش أو القطن أو حتي سرنجات الحقن المصنعة من أكياس الزبالة ... حرام عليك يا حكومة ضيعتي مصر بافعالك السيئة و انهيار مصداقيتك .

[عاطف المصرى]

المشاركة الأصلية بواسطة موسي الأسود

صدقني يا استاذ عاطف سواء كان هو ابن العمدة العارف باللاه أو ابن فخامة السلطان مش هاتفرق كتير المهم اننا نلحق نشاركه و نعمل مصنع والا اثنين من بتوع الشاش أو القطن أو حتي سرنجات الحقن المصنعة من أكياس الزبالة ... حرام عليك يا حكومة ضيعتي مصر بافعالك السيئة و انهيار مصداقيتك .

خلاص انا موافق وكمان معانا اخونا اشرف .. ولكن انا ح اقولك ان الحكومه اول مره يبقى عندها حق

وزاره الصحه النهارده اعلنت عن ان فيه 1200 سياره اسعاف جديده جايه من المانيا - السياره ثمنها 450 الف جنيه مجهزه بأحدث الاجهزه الطبيه .

ولكن كعاده المصريين التى لن يشتروها .. فاذا كان المريض يذهب المستشفى للعلاج يقولوله اشترى قطن وشاش وسرنجات وخلافه .

وطبعا عربيات الاسعاف الخطيره الجديده بعد شهر من الآن ستجدها خاويه من الاسعافات الاوليه .. وستجد ان المصابين بالحادث سيطلب منهم قطن وشاش وسرنجات .

والمصاب بالحادث وهو مصاب بالغيبوبه وارتجاج فى المخ سيقوم بالبحث عن صيدليه فاتحه على الطريق فلن يجد .. فيرجع مره اخرى لمكانه بالحادث ليكمل غيبوبته .

ولكن الان مع شنطه الاسعافات الاوليه .. على الاقل هو ضامن انه يموت وهو مستور .

[ashrafb]

ياجماعة انا مش فاهم ايه المشكلة هنا، الشنطة والمثلث دول موجودين في القانون الاوربي بفارق ان الشنطة ممكن تكون بلاستيك مش لازم تكون معدن لان البلاستك اسهل في التطهير من المعدن وبالرغم من اني عمري مااستعملت الشنطة دي ولا عمري ما شفت حد استعملها قدامي من اكثر من 20 سنة طبعا لان ثقتنا في الاسعاف اكبر من ثقتنا في هذه الشنطة الا ان وجودها من شروط الترخيص. لكن اعتقد ان القانون الجديد لازم يكون مماثل لقوانين الاتحاد الاوربي لو مصر عاوزة تبقى شريكة للاتحاد.

لكن الغريب ان اللي عايشين في مصر وايدهم في المية اكثر مننا مش واخدين بالهم ان كلها كام اسبوع والشنطة دي هاتيجي من الصين وتتباع على الرصيف مع الموبيل الصيني والمشكلة تتحل. ولا انا نسيت الحياة في مصر شكلها ايه؟