حوار حول المنتدى......(مدموج)

[iwcab]

س : أيه أخبار المنتدى ؟
ص : بينطبق عليه المثل اللى بيقول : نشفت البركة وبانت زقازيقها
س : يعنى إيه ؟
ص : كنت فاكر إنه منتدى دينى وسياسى لكن بيقولوا دلوقتى إنه أصلاً منتدى سياسى مش دينى ، وكنت فاكر إنه قبطى يعنى مسيحى ، ودلوقتى بيقولوا إن مش كل الأقباط مسيحيين ، والحقيقة إن كل الأقباط مسيحيين فى البطاقة لكن فعلياً ممكن نلاقى بعضهم بعيد خالص عن الدين
س : لكن فيه فى المنتدى هجوم كتير على الإسلام !!
ص : فيه هجوم على الإسلام لكن مش عاوزين المسيحية تبقى فى المركز لكن تبقى فى الساحة الخلفية
س : يعنى مافيش تبشير ؟
ص : لأ فيه تبشير لكن مش تبشير بالمسيحية لكن تبشير بالأمريكية
س : يعنى تبشير بقيم الحياة الأمريكية ؟
ص : أيوه .. يعنى أمريكا هى المخلص ، وان إسلوب الحياة الصحيح هو الإسلوب الأمريكى أو الغربى عموماً ، وإن السياسة الصحيحة هى السياسة الأمريكية
س : طيب .. والمسيح ؟!!
ص : المسيح عاوزين يحطوه فى الترسو وألا السبنسة
س : لكن المسيح قال : أنا هو الأول والآخر ، وقال لو حد حب شخص آخر أكتر منه فلا يستحقه
ص : هأحاول أعمل رسالة بعنوان : تبشير المنتدى وأبين من الكتاب أن المسيح لازم يكون محور حياتنا وليس أى شىء آخر
س : يعنى هم مش عاوزين الإسلام ولا المسيحية ؟
ص : ممكن .. مش عاوزين الدين ( أو الله على الأصح ) يكون مركز الحياة لكن الإنسان ورغباته

[knowjesus_knowlove]

يايوساب ياحبيبى...
لماذا تفتح مواضيع جديدة وتشتتنا وراك ؟؟؟
لماذا لم تضع ردك هذا فى نفس المواضيع المماثلة ؟؟؟

[iwcab]

أصل حاسس إن الموضوع مهم .. والرسالة لما بتتحط فى عنوان لوحده بتجذب إهتمام أكتر

[Mirage Guardian]

فعلا يا يوساب معاك حق..
لعلمك.. مواضيعك اللى زى دى تنفع تتحط فى (اهم أحداث المنتدى) لأنها نقد لأوضاعه بأسلوب أدبى
بس مشكلتها انها حوار بين نفسك ونفسك.. يعنى مش كلها تنفع نتناقش فيها.. فى حاجات (زى دى مثلا) الواحد بيشوفها ويضرب كف بكف ومايلاقيش حاجة يقولها.. غالبا ده اللى قصده أخونا نو جيزس بانك تجمعهم فى موضوع واحد

محبة وسلام

[knowjesus_knowlove]

كاتب الرسالة الأصلية : iwcab
نشفت البركة وبانت زقازيقها

[iwcab-11]

علشان نعرف إيه أزمة المنتدى لازم نرجع لأصلها .. والأصل إن فيه ناس زى النسر ونيومان عاوزين حوارات هادئة مع المسلمين ، وفيه ناس ( تانية ) بيخشّوا فى المسلمين جامد ، وبعدين حصل شد بين حارس السراب ونو جيسيس ( أعتقد بسبب إختلاف التوجهات فى معاملة المسلمين ) وبعدين حصلت مشادة بين حارس السراب وبوش ( على نفس الخلفية ) ، وفيه مشكلة بين بوش وانبريكابل وريمون بسبب أمور حصلت خارج المنتدى
فنقدر نقول فيه 4 إتجاهات
اتجاه الحسنى مع المسلمين
واتجاه الشدة مع المسلمين
وإتجاه دينى مسيحى
وإتجاه سياسى عالمى ( أى إتباع سياسة من العالم وليست من الدين )
فبأقول لتقليل الإحتكاك وتوفير حرية الرأى .. ممكن يبقى فيه 4 أقسام
قسم الحوار الدينى الهادىء
وقسم الحوار الدينى المفتوح
والقسم المسيحى
والقسم العالمى
وكل مسئول عن قسم معين ممكن يرفض الرسائل التى تخرج عن إختصاص القسم التابع له أو يحولها إلى القسم الملائم لها

[GOD SAVE US]

الاخ الاستاذ / تيمو
ربنا يساعدك ويعطيك نعمة ونحن في انتظار كل جديد منك
واطلب من الله ان تكون ناجحا في كل اعمالك

[sammy]

س:هو فيه إيه؟
ج: ابدا ناس دخلت القهوة عشان يشربوا سحلب.
س:وايه المشكلة ما يشربوا اللى يشربوه.
ج:هم طلبوا السحلب وبيشربوا فيه لكن بيقولوا ريحة الشيشة مضايقاهم وانها مضرة بالصحة.
س:طب وصاحب القهوة رأيه ايه؟
ج:صاحب القهوة فاتحها زى سبيل, المشروبات ببلاش يعنى, وعنده مشاغل أخرى فاتحة بيوت ناس ياما.
س:ومين اللى ممشى أمور القهوة؟
ج:فيه شاب متبرع اسمه تيمو احتار يراضى مين ولا مين.
س:ما كل واحد يشرب على كيفه هو تحكم وخلاص؟
ج:هما بيقولوا اليافطة مكتوب عليها كافتيريا,ولما دخلوا يشربوا السحلب لقوها قهوة, وكمان بيقولوا انها لم تعد قهوة بل غرزة.
س:كافتيريا قهوة غرزة, مافيش أماكن تانية فى المنطقة وكل واحد يروح الحتة اللى يستريح فيها؟
ج:لأ, هنا المكان الوحيد وكل واحد بيجى هنا, اللى عايز سحلب مع اللى بيشرب قهوة ,كمان اللى عاوز يضرب حجرين شيشة.
س:طيب ما القهوجى يعمل امكنة مختلفة لكل صاحب مزاج.
ج:موجود غرف مخصوصة للسحلب والكاكاو والميلك شيك, لكن هما عاوزين يستقبلوا صحابهم هنا فى مكان الشيشة, وبيطالبوا بمنع الشيشة.
الحكاية تحير وانا كنت فاكرها سهلة.
سلام

[knowjesus_knowlove]

حرام عليك يا أبو السام أنا وقعت من على الكرسى من كتر الضحك ...

آآآآآآآه يااانى ياقلبى

[CrocodileTearz]

Dear brother iwcab,
u r thinking like the muslim people.

From what i understand u just want to give christian copts their right, but people who do not believe in God do not derserve their human right?

The best thing about The Lord Jesus Christ is that he didn't impose himself on people, who refused them.


I say give everyone their rights, not just because they r christians, but because they are the creation of God

Everyone has the right to decide his/her own destiney.

If u see that i'm saying something wrong please tell me

[sammy]

هاهاهاهاهاهاه.... بيرجوا عليك دلوقت يايوساب ياخويا!!! موضوع يوساب ياحضرة كان من سنة وأكتر خد بالك من التاريخ... لكن الظاهر التاريخ بيكرر نفسه... شىء مضحك لو فكرت فيه...

[iwcab]

الأخ سامى .. صباح الفل

الأخ التمساح .. الدنيا دول .. المسلمين أخذوا وقت ، والملحدين أخدوا وقت ، والعلمانية أخدت وقت ، وهيجىء وقت المسيحيين يشكلوا حكومات ودول ويحكموا بمبادئهم وإقتناعتهم

----------------
حبيت أحط سمايلز وردة لقيتها غير متوفرة ، وبعدين السمايلز الموجودة تحت المساحة اللى بنكتب فيها المفروض تكون متوفرة لوضعها فى النص وليس كشعار للعنوان فقط
فنظرة ياإدارة يافنية

[CrocodileTearz]

My bad for not looking at the date

الأخ التمساح .. الدنيا دول .. المسلمين أخذوا وقت ، والملحدين أخدوا وقت ، والعلمانية أخدت وقت ، وهيجىء وقت المسيحيين يشكلوا حكومات ودول ويحكموا بمبادئهم وإقتناعتهم

It already did, in europe by Catholics, but what it did, like all other things with politics, it was curropt and it drove people away from Christ rather than bringing them to him.

In my opinion, Christianity came to plant the seeds of spirituality in individuals, not to rule them with politis.

ur liitle brother croc

[صائد الذباب]

ألى مستر مايكل

ألى أسيادنا أصحاب ومراقبى المنتدى الكرام


ألى كل مفكرى....وألى كل فجلاوى.....وألى كل أقباط هذا المكان

أسألكم سؤال لا لبس فية ولا مداورة ولا لف ولا دوران

ماذا تريدون من هذا المكان أن يقدم للاقباط؟؟؟

بل ما الهدف الاكبرلنا هنا؟؟؟

فأذا كان الهدف من المنتدى هو السعى لاسترجاع ولو شىء من حقوقنا فى المواطنة العادلة على ارض اجدادنا الاقباط....

فطريقتنا غلط فى غلط

أولاً حتى نكسب أصوات المعتدلين من أخواتنا فى الوطن من المسلمين ...لا يجب ان نتكلم فى اى شىء يخص الاديان ....يعنى بالعربى ....الغاء منتدى حوارات الاديان...لانة لايعطينا اى شىء يفيد القضية الاساسية بل بالعكس نخسر بسببة كل من يحاول ان يفكر ان يتعاطف معنا

واذا كان هدف هذا المنتدى هو تعريف الغير بالمسيح الحقيقى الذى يخطىء فى حقة المسيحى قبل غير المسيحى....فأيضاً طريقتنا غلط فى غلط....لاننا بدون ان نحس ونشعر وأنا كنت أولكم ....قدمنا المثل الشنيع والقدوة المريعة للجهل بمسيحنا.....انا اعرف ان كل ما نكتبة عن الغير هو حقيقى بل اقل من الحقيقى ....ولكن هل بطريقتنا هنا نستطيع ان نصل لشىء لا أظن....فنحن مثل الدبة التى قتلت صاحبها بدون ان تشعر.....يجب ايضاً فى هذة الحالة الغاء منتدى حوارات الاديان.....لانة هو القنبلة التى تنفجر فينا بدون ان نشعر....فلا نحن قدمنا المسيحية الحقيقية....ولانحن تقدمنا خطوة فى المطالبة بحقوقنا.....أنا أقول هذا الكلام وأنا اعلم ان اول الخاسرين من الغاء هذا المنتدى هو صائد الذباب...أنا....فافضل لنا ان نخصر الصياد على ان نخصر القضية كلها

عندما دخلت أول مرة هنا ....كان كل هدفى أن أحارب لينال الاقباط واهلى وبيتى الكرامة والحق والحياة الضائعة لناعلى ارض مصر ...ولكن مع مرور الوقت وعندما جلست مع نفسى وجدتنى قد تباعدت عن هدفى وهو كسب الناس لقضيتنا العادلة والحقيقية

صدقونى ليس بطريقتنا تلك سنربح شىء بل سنخسر كل شىء....

اريد ان اسمع الجميع ......القديم منكم والجديد

كاف كاف وسامى وابو الفوانيس وسويرس وناسا ويوسف وجوزيف وزولين وتشرشر وويكا....الجميع

انتظر الردود...حتى نعرف ما نحن مقدمين علية فى الايام القادمة
ملحوظة

أرجو من الاخ الغالى والعزيز يوساب أن يمتنع عن المشاركة ...لا لشىء بل لاننى لا افهم منة شىء او لا اعرف ماذا يريد ومع من اتكلم ...واذا اراد المشاركة فأرجوا منة ان ينزل من عليائة ويتكلم معنا مثل باقى مخاليق ربنا

انا لا اكرة احد بل بالعكس احب يوساب جداً ولكن ....حبوب الضغط خلصت من عندى

تحياتى للجميع

صائد الذباب

[Eng.Junior]

klamak sa7 100% ya hunter

3shan keda tela2eny mabshareksh fe el issues elly feha tahakom we tarya2a

we are here to get our rights,
but that doesn't mean get our rights in a wrong way

Love you Man