بسرعة فى العاشرة مساءا على دريم تو

[nabilms]

.



سبقتنى يا The_Lonley_Wolf انا كنت داخل اكتب عن الحلقة الدكتور راجل زى العسل ربنا يحرسه لان ال**** عليه كتير هو بيقول الموضوع مش موضوع دينى بس الدكتورة تستحق التعيين ترد المذيعة المثقفة خريجة الجامعة الامريكية وتقول له بس رئيس الجامعة قال انها لا تستحق لان تقديرها جيد فقط يرد ويقول جيد فى اخر سنة فقط لكن التقديرات بتتحسب بمجموع السنوات وليس على اخر سنة فقط تقوله بس انت متهم بانك ممكن تشعل فتنة طائفية قاللها الموضوع مش أول مرة لان من اربع سنوات كانت هناك نفس المشكلة مع طبيب اخر ومن اسمه باين عليه انه مسيحى و كان هناك رأى فى الجامعة انه لا يجب على المسيحيين ان يعينوا فى الاقسام الرئيسية كالباطنة والتناسلى والقلب وخلافه لكن ممكن تعيينهم فى الاقسام الثانوية كالاشعة وهو بعت لمفتى الجمهورية إنذاك وهو الشيخ محمد سيد طنطاوى ورد وقال الكفائة تحكم وليس الدين "هى دى حاجة محتاجة فتوى" بس هو بعت يسأل علشان يختشوا على دمهم لكن تقول لمين بعد اربع سنوات بيكرروا نفس الحكاية طيب اشمعنى الفتوى دى لم يعملوا بها والا هى مش على الكيف المهم المذيعة اللبقة والمثقفة والتى كانت خجلانة من نطق كلمة المسيحية عدتها ولم تعقب بشىء
وضرب لها السيد الدكتور المحترم مثلا بالدكتور مجدى يعقوب قائلا

الدكتور مجدى يعقوب نجح بالخارج ويحضر سنويا وفى أجازته السنوية يقوم باجراء عمليات دقيقة فى القلب والمرضى يفترشون الارصفة أملا فى ان يتم الكشف عليهم بواسطته ويتسائل الطبيب المحترم جدا ماذا لو كان تم تعيين الدكتور مجدى فى القصر العينى بعد تخرجه ألم تكن مصر ستستفيد منه الان ويقوم باجراء عملياته الدقيقة يوميا وليس اسبوعان فقط سنويا وقالت له المذيعة عموما الموضوع رهن التحقيق وسوف تظهر الحقيقة اذا "وحط خطين تحت اذا" كانت الطبيبة تستحق التعيين.


بصراحة عجبنى جدا الدكتور الشهم ولو كل الناس بقت زيه وبصوا للكفائة وليس الدين فى معاملاتهم مع الناس مصر هتبقى حاجة تانية خالص وعلى فكرة هو مقدم استقالته تضامنا مع الدكتورة بس الحركة دى لم تعجب السيدة المذيعة واللى بيعمل التحقيق المستشار القانونى لرئيس الجامعة يعنى انسوووووووووووووو




.