اوكى هاحاول ابسط شوية
إقتباس:
كاتب الرسالة الأصلية : kermina
ثانيا: عندى استفسار بسيط , ألا وهو انى لما نزلت ترنيمه ram
|
انتى هنا مانزلتيش الترنيمة فعلا.. ده مجرد ملف بيشاور على مكان الترنيمة الأصلى على النت
لما بتشغلى الملف ده.. بيبعت للبرنامج مكان موقع الترنيمة الأصلى (اللى هوه على النت) وبيسيب البرنامج يشغلها من هناك..
نتيجة لكدا.. لو انتى متصلة بالنت.. البرنامج هايوصل لملف الترنيمة الحقيقى وهاتشتغل.. لو انتى مش على النت البرنامج مش هايقدر يوصل لملف الترنيمة لأنه مش عندك ده على النت
ده باختصار اللى بيحصل معاكى وبالتالى مافيش عيب عندك فى البرنامج أو الملفات أو النت أو أى حاجة.. كل ده طبيعى وعادى
طيب انتى عايزه تسمعى الترنيمة وانتى مش على النت.. نحل المشكلة دى إزاى؟
افتحى الملف اللى نزلتيه (اللى كنتى فاكره انه الترنيمة وأنا قلتلك لا ده مجرد وصلة ليها) افتحيه بالمفكرة (نوت باد) عن طريق انك تفتحى النوت باد وبعدين تسحبى الملف اياه عليها بالماوس
هاتلاقى سطرين تلاته بكتيره.. واحد منهم فيه موقع ملف الترنيمة الحقيقى وده هاتعرفيه بسهولة من
http://www فى الأول وra فى الآخر.. ده ملف الترنيمة بجد.. نزليه عندك هاتقدرى تسمعيها من غير ما تكونى على النت
لو فى حاجة غامضة قولى تانى وهاشرح من جديد
تحياتى
05-12-2003
النمط المتطور