الي كل من يحب المسيح

[Islam_Nour]

سلام
أنا مش عارف أيه السبب في اللي إحنا فيه ...
يا إخواني المسيحيين و خصوصا من يعيش في مصر
ياريت بعيد عن أي عصبية أو تعصب أو إستهزاء أو سباب
ممكن نفكر كناس متعلمين و كشعب ليه حضارة قديمة قدم الزمن
ياتري أيه اللي أنت عايزه لمستقبل أولادك
حياة زي اللي هما عايشينها في العراق دلوقتي
أستنجدوا بالأمريكان ياتري الأمريكان و الأوروبيين عملولهم أيه
تفتكروا
الأمريكان أبتكروا رصاص بيفرق بين مسلم و مسيحي
ياتري لو اليهود حاربونا حيفرقوا بين مسلم و مسيحي
ياتري الطيران اللي ضرب مدرسة أطفال في بحر البقر فرق بين طفل مسلم ومسيحي

ليه كل السباب و الكره اللي موجود هنا
أنا معترف إن فيه تصرفات سيئة بتحصل من بعض المسلمين و أغلبها ناتجة عن الجهل
إنما ده مش معناه إن كل المسلمين سيئين
وحتي هذه اللحظة و بعيد عن كل إدعاءات الإعلام مازالت هناك علاقات طيبة قائمة بين مسلمين و مسيحين علي هذه الأرض
أنا شخصيا إتعاملت مع مسيحيين طيبين ورأيت منهم مواقف غاية في التسامح
لكن دلوقتي بسأل نفسي بعد ما رأيت هنا هل كان هذا خداع

حقيقي يا أخواننا كيف يمكن أن يكون كل هذا السباب لنبي و القرءان الذي أتي به يرفع المسيح ويطهر أمه و يوقرهما
كيف أجد هنا تعاطفا مع اليهود و أنتم تعلمون أنهم كذبوا المسيح وحاربوه وأتهموا أمه بأدنس الإتهامات
هذا ما نقرأه في قرءاننا :
"لَتَجِدَنَّ أَشَدَّ النَّاسِ عَدَاوَةً لِلَّذِينَ آَمَنُوا الْيَهُودَ وَالَّذِينَ أَشْرَكُوا وَلَتَجِدَنَّ أَقْرَبَهُمْ مَوَدَّةً لِلَّذِينَ آَمَنُوا الَّذِينَ قَالُوا إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لَا يَسْتَكْبِرُونَ وَإِذَا سَمِعُوا مَا أُنْزِلَ إِلَى الرَّسُولِ تَرَى أَعْيُنَهُمْ تَفِيضُ مِنَ الدَّمْعِ مِمَّا عَرَفُوا مِنَ الْحَقِّ يَقُولُونَ رَبَّنَا آَمَنَّا فَاكْتُبْنَا مَعَ الشَّاهِدِينَ"

و هذا ما نعلمه من أقوال الرسول: من آذى ذميا فأنا خصمه، ومن كنت خصمه خصمته يوم القيامة

والكثير غيره

المسيحية تأمر بحب الجميع و الإسلام يحض علي التسامح
و مواضع التقارب في الدياناتان أكثر بكثير من مواضع الإختلاف
إننا نعيش سويا علي هذه الأرض منذ أكثر من 1400 عام
و حروب كثير حارب فيها مسلمي و مسيحي هذه البلد سويا علي جبهة واحدة ضد من جاء غازيا
ياتري هل سأجد صوت عاقل يتحاور معي علي هذه الصفحات أم إني سأجد المزيد و المزيد من الشتائم
أنتظر ردودكم
شكرا
إسلام