غلاباوي جه ..... اسمع احلا سلام وتحية

السلام عليكم ورحمة الله وبركاته .....
.......

طب ردوا السلام طيب .. دة السلام لله ...

عموما انا فايت كدة بالصدفة ومعدي قلت اسجل بالمنتدي واسمع اراء النص التانى بتاع البلد ..
وعلى فكرة لقيت كلام حلو اوي لما جيت اشترك ( قوانيين المنتدي )

لكن اللى لقيتة عكس كدة خالص ..... ودة مش مشجع اوي ... لكن اقول اية بقي ربنا رزقكم بيا ورزقنى بيكم ......

والواضح يا شباب طبعا اننا ناس محترمة اوي اوي اوي شباب وبنات كبار وصغار ... يعنى من الاخر مش متعلمين نت ومصروف علينا اد كدة عشان ندخل نشتم ونجري ... اسمحولي تبقي عبثية اوي ....

ومن مطالعتى لشوية مواضيع عشوائية كدة لقيت الاتى

المنتدي تقسيمتة كالتالي
1- اقباط محترمين جدا وبيردوا بالحكمة والادب والاخلاق وطبعا دة بيعكس بيئة محترمة وشخص بيقبل الحوار والكلام العقلي مش شغل عربجية وصييع

2- اقباط .. محترمين برضة ... بس حاسين ان كل هدفهم في الحياة وربنا -بتاعنا او بتاعهم مش فارقة - خلقهم لهدف واحد بس هو شتيمة المسلمين ونبيهم (صلي الله علية وسلم ) وبس بدون اي وعي او تركيز لا لاشيء الا شتيمة وقلة الادب ومش اكتر ولا اقل ويكون سعيد اوي اوي اوي لما يشتم ويسب و**** وناسيين كلامهم نفسهم ( احبوا اعدائكم ) ودة مش من عندي دة من عندهم هما

3-اقباط ولاد حلال اوي اوي وسميعة خييير من اللى بيقولوا امين وبس مش اكتر ولا اقل بيطبلوا مع كل واحد سواء كان من البند 1 او 2

4- اقباط مضهدين ..... ودول مقدرش اقول عنهم كتير الا ان فعلا ربنا يتولاهم برحمتة زي ما بيتولي المسلمين برحمة قدام ناس مش بتعرف معنى الرحمة

وطبعا مش هنسي المتأمركين بتوع ماما امريكا والرئيس المفدي بوش حفظة الله ورعاه

والنحية التانية نلاقي مسلمين على كل لون يا باطسطا ..... اللى لسانة طويل ويقل ادبة وجيري زي العيال الصغيرة ..... واللى بيتكلم بالعقل والمنطق ودلائل من القرأن والانجيل وربنا فاتح علية من وسع .. وطبعا النوع دة مقص الرقيب بيظبطه رايح جاي
وفية نوع غلاباووووي اوي اوي اوي ( انا منهم ) مش بيتكلم في الدين زي ما بيتكلم في الدنيا رغم ان الاتنين مترابطين ببعض بس مش بعرف اتكلم كلام كبير .. بس بحب احسبها بالعقل والدماغ الصح ... واللى يشغل دماغه ويركز بعقلة هيفهم كل شيء ببساطة ووضوح زي 1 + 1 = 2 ....

عموما مش هطول عليكوا ........ دة اول تعارف ..... وان شاء الله اتمنى ان الاعضاء تعاملنى زي ما هعاملها بالظبط .....من مبدأ النضج العقلي والاخلاقي ... مش خناقة في شارع ونفضل نسب ونلعن في بعض بشتايم طبعا اقل منا يقال عنها انها على مستوي الكتابات على ابواب الحمامات العمومية


ودمتم