ونعوذ بالله من طريق "الضالين": "ال*****":

[ZeibaQ]

جميل !!
يعنى فى رأيكم مافيش حاجه اسمها تعصّب أو تطرّف أو عنصريه ؟!!
فيه مسلم شتم .
طبيعى ماهم كلّهم كده!
لكن مسيحى يشتم الإسلام وللا يهودى حتى اللى يشتم؟
لامؤاخذه ياكابتن , دى مش شتيمه ده وصف واحنا مابنكرهش المسلمين لأن ديننا محبّه وسلام
ده احنا كمان بنشفق عليهم من الضلال اللى همّ فيه!
وياسيدى لمّا واحد إرهابى يضرب له مجموعه من السيّاح شىء طبيعى جدا ومتوّقع من المسلمين وتعالوا شوفوا الإرهاب اللى على أصله
لكن لمّا حدّ مسيحى هو اللى يعمل كده نتكلم بقى عن المشكلات الاجتماعيه والنفسيه وعن الضغوط الصعبه فى عالمنا المعاصر !!
نفس المنطق - كمثال- بتاع أوكلاهوما ..
بعد التفجير كلّه هاجم العرب والمسلمين لكن بعد مانكشف إن القائم بالعمليّه كان أمريكى ومسيحى ماحدّش اتكلّم .

شويّة عقل وضمير ياجماعه لو سمحتم

لما تعتبرنى مجرم وإرهابى ووضيع الأخلاق لأنّى مسلم حتى لو اتعاملت معايا ولقيتنى إنسان عادى - مش هاقول كويّس وللا ممتاز - وأخلاقى مش بطّاله يبقى ده لأنى بادارى حقيقتى !!

تفرق إيه النظره دى عن النظره العنصريه من البيض تجاه السود أو الهنود الحمر ؟

مش محتاج طبعا أهاجم نفس النظره العنصريه الموجوده عند بعض من - وللا حتى كثير من - المسلمين !