ونعوذ بالله من طريق "الضالين": "ال*****":

[gaoun]

المشاركة الأصلية بواسطة ZeibaQ

هاتفق معاك فى نقطه واحده ياسى أمير
وهى إن "الإرهاب لاينتج من فراغ"
بس لى إضافة صغيّرة وهى إن كمان الإرهاب لاينتج من الدين
إنت بتقول إن الدين الإسلامى بيدعو للعنف -طبعا فيه كتير بيقولوا معاك الكلام ده مش إنت لوحدك ! -
بسبب طبعا الجماعات الإرهابيه وأشهرها حاليا القاعده
وده لأنهم بيقولوا إنهم بيتبعوا تعاليم دينهم اللى بتحرّضهم على قتال الكفره و.. و... و....
وهم طبعا بيعتمدوا على تفسيرات بعض المشايخ لبعض الآيات أو الأحاديث
طيب وياسيدى إذا قلت لك أنا إن الجماعه دول مايهمّهمش الدين ولاصالح الدين
وإن التفسيرات اللى بيلجؤولها دى خطأ شرعا
وإن مافيش حاجه فى الدين الإسلامى بتقول إنّ أى مسلم يعتدى على أى حدّ مهما كانت ديانته إلا إذا كانوا فى حالة حرب !
وإن حتى فى حالة الحرب مافيش اعتداء على من لايحارب
يعنى الشيوخ أو النساء أو الأطفال
يعنى مثلا الكام حادثة الأخيره اللى حصلت فى مصر
ديننا الإسلامى بيقول إن اللى عملوه الإرهابيين ده حرااااااااام
لكن طبعا مش ده اللى اتقال للشباب دول
ومش ده اللى اتقال للى فجّر البرجين فى نيويورك
ومش غلطة الدين الإسلامى إن ناس تحرّف معانى وأغراض الآيات علشان يحقّقوا مصالحهم
زى ماهى مش غلطة المسيحيّة إن الحروب الصليبيه قامت باسم الدين المسيحى
وإن الكنيسه فى عصور الظلام كانت بتحرق العلماء !!
ماأقدرش أتهم المسيحيه بالجهل أو الضلال لأن بعض القساوسة ورجال الدين المسيحى استخدموا الدين وتفسيرانه غلط علشان مصالحهم .
وطبعا لازم أتكلّم عن اليهودية كمان
وإننا مانقدرش نقول إن اليهودية كدين بتدعو للإرهاب لأن دولة زىّ إسرائيل بتستخمها كحجه لمذابح غير مسبوقة فى التاريخ البشرى رغم امتلاؤه بالحروب والفظائع !!

فيه فى المنتدى ده أفراد كتير مقتنعين بإن الإسلام دين إرهابى وجميع أتباعه إما إرهابيين أو لسّه بس مستنيين الفرصه !
ومهما قلت أو كتبت ماأعتقدش إنّهم هيسمعونى أو هيقتنعوا
مش لأنى بادافع عن قضيّة خاسرة لكن بسبب التعصّب للرأى
زيّهم فى كده زى الإرهابيين اللى برضه مهما قلتلهم وعيدتلهم أنا أو شيوخ كتير من المسلمين بيدافعوا برضه عن الإسلام الحقيقى مش هيسمعونا
ومش هيقتنعوا إن مش من حقهم الاعتداء على الغير بدون سبب عادل

يا عزيزي يجب ان نميز بين شغلتين وهي القتل والحرب بدافع الاجبار وليس بالخاطر وبين القل العفوي لنيل شهاده ولان الدين يدعوا لهذا .....

الاخ العزيز البابلي كتب موضوع عن الحروب الصليبيه يري به الاسباب لهذه الحرب ارجوا ان ترى الموضوع على صفحات المنتدى وبعدها قلي ان الاسلام لا يدعوا الى العنف ......


انا معجب بإسلوبك في الكلام وانا احترم كل شخص يتحدث بنفس الصيغه
ارجوا ان نتابع الحوار لاوريك انك خاطئ في ما تظن