حملة لأستخراج البطاقات الانتخابية (أعمل اللى عليك و الباقى على ربنا)

[The_Lonley_Wolf]

رحت النهارده القسم و قلت أعمل بطاقة انتخابية عشان مابقاش زى اللى بعيب عليهم و سلبى زيهم

دخلت القسم و سالت عالاوضة بتاعة البطايق الانتخابية و دخلتها اول مادخلت سمعت موظفة بتقول للتانية : "قوليلها يلعن دين امك" (واضح انهم بيتكلموا عن واحدة زملتهم مسيحية) و بعدين قعدوا يكلموا على مسلسل ريا و سكينة اللى بتعاد كذا مرة

المهم الاجراءات مشيت بمنتهى السهولة فى أقل من عشر دقايق دبسلى صورة البطاقة فى الاستمارة اللى ملتها فى 5 ثوانى و اتمضت من نقيب كده سمعته و انا مروح بيقول "ياعسكرى كل واحد اقول على أسم ** أمه تجيبهولى هنا"

كان معايا أتنين كمان بيعملوا البطاقة دى و صدقوا او لا تصدقوا الأتنين كانوا بدقون طويلة واضح ان الاخوان المسلمين شادة حيلها و أتشجعت بموضوع حماس ده و عاوزة تاخدها شرعى المهم واحد من الأتنين الهبل دول بصلى و سألنى "الا قوللى لو سمحت صحيح بيوقعوا غرامة على اللى عنده بطاقة ومش بينتخب؟" قلتله "ماعرفش الصراحة بس ماظنش"

و خلصت و مشيت و انا مروح لقيت فرخة ماشية فى الشارع منظرها مش مظبوط كده قمت خفت و بعدت عنها

ياريت ياجماعة نروح كلنا نطلع بطايق انتخابية و نبقى ايجابيين لاننا لو استموتنا فى دى كمان هانبقى فعلا ضعنا