لا صوت يعلو فوق صوت المعركة

[iwcab]

فيه حاجات وظواهر بتغيظ .. يعنى فى موضوع ذكرى كتبة الصحافة نازلين طعن فى المجتمع .. وآل إيه إكتشفوا إن المجتمع فاسد ، مش عارفين إن المجتمع فاسد إلا دلوقتى ، مجتمع من الألف للياء ومن غفيره لوزيره وقطاع عام وخاص .. مبنى على الرشوة والسرقة والغش والتلاعب ، والسادة الكتبة مش واخدين بالهم إلا دلوقتى !!
وفيه موضوع تانى .. كل شوية واحد يكتب : الفلاح بيزرع البرسيم ليه ومش بيزرع القمح ؟ طيب القمح بتدعمه الدول الغربية وبتدعمه الحكومة .. يعنى بيتباع بأقل من نص سعره ، وبعدين مطلوب من الفلاح يزرع القمح يكلفه جنيه يبيعه بخمسين قرش ، كل ده علشان باشاوات المدن يقولوا إنه فيه إستقلال غذائى ، طيب ترضى إنت ياموظف إنك آخر الشهر بدل مايقولولك خذ 100 جنيه يقولولك هات 50 جنيه ، إذى كنت ترضى كده نخلى الفلاح يزرع القمح وبدل ما يشتغل وياخد فلوس يشتغل ويدفع فلوس