|
|||||||
| المنتدى العام يهتم هذا القسم بالأخبار العامه |
|
|
خيارات الموضوع | طريقة العرض |
|
#11
02-11-2006
|
|||
|
|||
|
حرام ياريس تحرقنا بالنووى
 طالعتنا صحف اليوم ان الريس مبارك يزور روسيا والصين وكازاخستان طلبا لتكنولوجيا نووية لبدء بروجرام طموح ' فى مصر لبناء العديد من المحطات النووية وفى هذا الخطاب الذى اكتبه بلهجتنا المصرية العامية عل الرئيس و مستشارى السوء ان يقراوا ويعوا ,ليست سلعا استهلاكية نستوردها من اى مكان المحطات النووية ستضعنا تحت رحمة من يورد لنا هذه التكنولوجيا المعقدة وقطع الغيار والصيانةوايضا ثمنها سيقصم ظهر اقتصادنا المنهار ولدينا البديل الاسهل والأأمن والارخص وهو الطاقة الشمسية وطاقة الرياح والبيوجاز و الغاز الطبيعى موش معقول ياريس تجيب لنا مصيبة اسمها المحطات النووية ؟؟ علشان تتفشخر بيها على ايران والدول العربية بدون فائدة حقيقية لشعب مصر ؟؟ يا ريس انت عارف انك خليب بلدنا سايبة --لاقوانين ولا يحزنون بلد فهلوة ومصايب محصلتش لدولة موزمبيق احنا عندنا قطر سكة حديد ساب القضبان والمحطة و دخل جوه بلد اسمها كفر الدوار بحيرة اتمشى هناك وقتل حوالى ميت مصرىوجرح المئات وعندنا قطر تانى اتحرق واتشوى جواه اكثر من خمسمائة شخص بقوا كفته مشوية ياريس احنا عندنا ناس بتشرب بول بعير لعلاج السرطان وانفلونزا الطيور تحت سمعك وبصرك وعندنا الاف الشباب هجموا على الستات وسط البلد فى العيد وعروهم وسط الشارع و فعصوا فيهم لما شبعوا فى جريمة لم تحدث فى تورا بورا ياريس احنا عندنا مفتى معاه دكتوراة من الازهر افتى بان مدة الحمل فى الاسلام اربعة سنوات --قالها فى تليفزيونك وصحافتك ومحدش حاسبه ولا طلب احالته لمحاكمة وعندنا محافظة اسمها الدقهلية اتسممت بالكامل -وعندنا بلد كامل اسمه مصر معرفش سمعت بيه ولا لأ مصاب بانفلونزا الطيور المتوطن والوبائى والناس بتموت منه وبيخبوا ويقولوا انهم ماتوا بنزلة برد ياريس الطاعون البقرى خلص على الماشية وانفلونزا الطيور خلصت على الطيور و السوس خلص على الفول يعنى معندناش ناكل ياريس تفتكر لو جبت محطات طاقة نووية والواد المهندس نسى يخللى باله من اللوحة لما سخنت ولا طفاها بطفاية ايد او لو دخل فار قرض الكوابل ولا اتقطعت الكهربا زى ما بيحصل ها نعمل ايه؟ ولو دخلوا الحرامية وسرقوا نص المحطة زى ماعملوا فى ونش مترو الانفاق نعمل ايه؟ ولو المهندسين اللى راحوا يتفقوا على المحطات اخذوا رشوة واستلموا على الورق محطة بنزين ولا محطة سكة حديد بدل المحطة النووية نعمل ايه؟؟ ياترى ها نبقى زى تشيرنوبل ولا العن لما تحصلنا نصيبة ؟؟ و المخلفات النووية ها تدفنها فين ياريس هو احنا ناقصين ؟؟ انا عارف انك قرفان من السبعين مليون ونفسك تخلص منهم النهاردة قبل بكرة بس حرام تحرقنا بالنووى ياريس خللى عندك شوية رحمة http://www.freecopts.net/arabic/arab...t/view/815/29/ |
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
|
|
النمط المتطور