المسيحية ليست سراب

[iwcab]

يظن البعض أن المسيحية سراب وأنها غير قابلة للتحقيق ، والحقيقة إن المسيحية ( الكاملة ) يمكن تحقيقها لكن بشروط صعبة .. يعنى اللى عايز يعيش كمسيحى كامل لازم يكون مستعد يعيش كما عاش سيدنا المسيح ، يعنى يرتضى إنه يعيش بدون بيت ( وأين يسند رأسه ) ، وإنه لا تكون له ممتلكات مادية .. لكن العوض عن كده بيكون معيشته فى ملكوت السموات ( وهو على الأرض ) وممكن يأخذ مواهب قوية وتأثير قوى فى الحياة ، ولا يعنى الوضع ده إن المسيحى ( الكامل ) هيعيش فى عوز أو عدم بشكل مستمر .. لكن معناه إنه بيكون مستعد للتخلى عن الماديات وإنه يستعمل المادة بدون أن يكون مقيد بها ، وفيه المسيحى ( غير الكامل ) اللى بيمتلك ولا ينفذ كل الوصايا ( حرفياً ) وده برضه مسيحى ومخلص لكن لن يصل لدرجة الكمال ، لأن الوصول لدرجة الكمال واضحة فى قول سيدنا المسيح : إن أردت أن تكون كاملاً إذهب بع كل مالك وتعالى إتبعنى ، فاللى مش بيعمل كده بيكون من درجة ال 30 أو ال 60 لكن لا يصل إلى درجة ال 100
فيه بعض الدلائل الأخرى اللى بتقول إن المسيحى العادى ممكن يصل لدرجة الكمال زى السيدتين اللى زارهم أبو مقار وربنا قاله إنهم فى درجته الروحية ، وفيه سير معاصرة عن علمانيين كانوا فى حالة روحية عالية ولم يتركوا كل شىء ، لكن الدلائل دى أقل من اللى تركوا كل شىء ليتبعوا المسيح
السراب الفعلى هو الوحدة المسيحية الإسلامية ، أو الوحدة بين المسيحية وأى هرطقة ، يعنى فيه مملكة الخير ومملكة الشر .. مملكة الخير موحدة حتى لو كانت تظهر منقسمة ، ومملكة الشر موحدة حتى لو ظهرت إنها منقسمة ، لكن وحدة النور والظلام والمسيح وبليعال فهى مستحيلة واللى بيحاول ينفذها بيضيع وقته