البريد المصري في خطر الحقوه .

[holyspirit]

المشاركة الأصلية بواسطة 3nter

نعمل زملائى(امريكان واجانب) وانا حوالى 15 الى18 ساعه يوميا بدون زياده فى الراتب وماعنديش ساعى ولا عامل نضافه واعمل قهوتى بنفسى
مع ملاحظه الاتى معظمنا يحمل شهاده الدكتوراه فى الهندسه(PHD )ده اذا كنا فى المكتب اما فى الموقع(حفر وانتاج البترول) فلامانع من العمل 24 ساعه يوميا ونشارك غرف النوم وطاولات الطعام مع العمال بدون ان يكون هناك اى فرق بيننا فكلنا ولاد حوا وآدم

لكن عندنا فى مصر بننظر للامور حسب المستوى التعليمى ودرجه الوظيفه
يعنى انا لو ساقط اعداديه وزميلى ابتدائيه فنظرتى اليه ان انسان اقل ولا يستحق اى احترام
ارجو ان اكون وضحت الامور فيا عزيزى عمر العمل ما كان اهانه اوشئ مهين وقلة ادب
تحياتى

يا عم عنتر انت شغال في السعودية يعني مرتب شهر ممكن تعمل بيه حاجات كثيرة ، انما انا بتكلم عن مرتب في مصر ، يا سيدي الفاضل في فرق كبير اديني مرتب كبير وانا اعمل كل حاجة ، انت مرتبك بيوفرلك تشتري عربية وعمارة وحاجات كثيرة مش ناس بتقضي مرتبها في الأكل بس .

المشاركة الأصلية بواسطة 3nter

مش المهم شغال فين ومرتبى كام المهم انه عمل شريف
وبالنسبه للراتب كبير ايوه بس انا عندى مصاريف اكبر وعلى سبيل المثال
ادفع 1700 دولار ايجارمنزل شهرى وانت بالكاد 20 جنيه
500 كهربا 100 مياه 450 تامين سياره ومنزل 4 لتر(جالون) بنزين 3.5 دولار
هذا غير فواتير الاكل والملبس والصيانه الشهريه للمنزل والعلاج يعنى ربك بيدى البرد على قد الغطاء

بزمتك يا اخ عنتر 3nter
انت شايف القياس مظبوط ولا القرينة معادلة .
حرام عليك يا اخي ، اديني مرتبك وانا امسح البلاط مش اكنس المكتب قدام الجمهور .
بقولك مدير المكتب بيكنسه قدام الجمهور ، يا اخي حرام بقي ، هو صحيح الي ايده في الميه مش زي الي في ايده في النار .

وصل إلي علمي قيام السيد وزير الإتصالات و المعلومات السيد/ طارق كامل
بزيارة منطقة بريد الغربية وقد قام سيادته بأمر صرف شهر الا ربع لجميع العاملين .
شهر الا ربع .
شهر الا ربع .
شهر الا ربع .

نفسي اقول لسيادة الوزير المحترم ، يعني ايه شهر الا ربع ؟؟؟؟؟؟؟؟؟
عمرنا ما سمعنا عنها .

لكن نفسي اقولك كلمة في ودنك .
لو في مريض ورايح شخص يزوره المفروض يشتري اتنين ثلاثة كيلوا فاكهة فاصاحبنا بخيل جداً فقال اشتري كيلو ، وهو قدام البياع قالوا اديني كيلوا الا ربع .
كيلوا الا ربع = شهر الا ربع = جليطة وقلة زوق .

احنا ايام المعاشات بنشتغل من الساعة 7 صباحاً الي 7 مساءاً مع الجمهور ، وبعد كده يتم تقفيل االحسابات يعني مش قبل الساعة 9 او 10 وساعات 11 واكثر عقبال من قبل الحسابات و المكتب يظبط النقدية .
وكل هذا بلا مقابل . ببلاش
ببلاش .
ببلاش .

كمان بنروح نوزع معاشات في البيوت ونطلع للناس اعلي الأدوار وندخل جوه شققهم ومنازلهم وكل ده ببلاش .
تصور يا اخ عنتر وانت يا اخ موسي بنروح نودي المعاشات لحد باب البيت وبدون اي مقابل من البريد .
و الناس فاكرة ان موظفين البريد أحسن ناس ، يعني الصيت ولا الغني .
واحنا عايشين في فقر .

المشاركة الأصلية بواسطة 3nter

اخى الروح المقدسه

اخي عنتر جري العرف علي استعمال الروح بصيغة مذكرة وليست مؤنثة .
لأنها تخص الله ، والله بصيغة المذكر يجب أن يكون .

يا عم عنتر انا مش بشتكي من ضعف الراتب فقط .
انا بشتكي من قلة الراتب أمام المجهود المبذول .