الحرية الفكرية والدينية لابد أن تسبق الحرية السياسية

[iwcab]

كتبت فى الموضوع ده قبل كده ، لكن عيب المنتديات هو قلة عدد قراء كل رسالة ، يعنى لو فرضنا إن عدد قراء كل رسالة 20 واحد - يبقى لازم نكتب الرسالة 50 مرة علشان توصل لعدد 1000 واحد
المهم إن الغرب بيقول إنه عاوز ديمقراطية وإنتخابات ، والمسلمين بيقولوا : أيوه إحنا عاوزين إنتخابات وهم عارفين إن المسلمين هينتخبوا الأصوليين المسلمين ، والسبب : إنهم بيعتقدوا إن الإسلام فيه الخير الكبير .. بالإضافة لإهتمام أصحاب الإتجاه الدينى الإسلامى بالذهاب للتصويت بعكس بقية الناس اللى لا يهتموا بالذهاب للتصويت
والحل فى الموضوع ده هو أن تسبق الحرية الفكرية والدينية الحرية السياسية .. يعنى لما يجىء ناس ويقولوا الإسلام هو الحل ولا يستطيع أحد إنه يقول إن الإسلام هو المشكلة أو إن ناس يقولوا : لأ - المسيحية هى الحل .. فالنتيجة إن العجز عن مواجهة الفكر الأصولى فكرياً سيؤدى إلى العجز عن مواجهة الفكر الأصولى سياسياً
فالفكر الأصولى لما يحتكر الساحة الفكرية فلابد إنه سيحتكر الساحة السياسية ، لكن لو تم تحدى الأصولية الإسلامية فكرياً فجزء من الناس سيتحرر من الفكر الأصولى ، وسيصوتوا ضده ، لكن إذا لم يتم تحدى الفكر الأصولى فكرياً فسيصوت كل المسلمين للمرشحين الأصوليين وسيحتكر المؤمنين بالإسلام الأصولى الساحة السياسية