آراء

[iwcab]

موضوع التوريث الجمهورى ليس جديداً .. أول مرة حصل فى كوريا الشمالية وبعدين حصل فى الكونغو ( كابيلا ) وبعدين حصل فى سوريا ، وحالياً فيه 3 دول وهى مصر وليبيا واليمن مرشحة للتوريث الجمهورى ، وحصل توريث ملكى مؤخراً فى الأردن والمغرب والبحرين ، وطبعاً الرؤساء عايشين زى الملوك بس مش واخدينها بالتوريث ، وبالتالى بيقولك وليه ما أورثش ؟ وطالما أنا عايش زى الملوك طيب ليه ما آخدش حقوق الملوك ؟ ، تحويل الجمهورية لملكية هو إفراط من الرؤساء فى إستغلال قدراتهم ، فالأصل فى الجمهورية الفترة المحدودة .. فعملوها فترة متصلة وبعدين عملوها مدى الحياة وبعدين عملوها حتى بعد نهاية الحياة يستمر الناس فى تكريمهم ومراعاتهم لأنهم آباء الرؤساء القادمين مما يعنى إمتداد الحماية السياسية لأنفسهم طالما أولادهم فى الحكم
المسئولين ( الصف التانى ) عاوزين التوريث لأنه هيتم على أيديهم ومطلوب من الإبن رد الجميل بمراعاتهم وتنفيعهم طالما أنهم ساعدوه ، لكن لو جه رئيس عن غير طريقهم فلن يكون ممتناً لهم وممكن يتنكر لهم ويخلعهم أو يحاكمهم ( وبتحصل )