حرام عليكم ما تولعوش فيها

[El-Basha]

الى الاخ الباشا انا مش مخبي ديانتي علشان خايف منك و لا حاجة انا بس حبيت الحوار ما يكونش في الدين زي مانا وضحت قبل كده انا حبيت الكلام يكون بين مصريين و بس من غير ما عرف ديانتك و لا انت تعرف ديانتي و هو دا اللي اتمناه في المعاملات

الأخ مصر وردة الروح

وأنا قلتلك أنها نقطه فرعيه ... أنا عن نفسي لا أهتم لا بشكل أو لون أو دين أي شخص محاور وأنا كنت أتمني لو أنك لم تذكر بند الديانه لأنه ليس شرط الحوار هنا .......... أنا حسيت أنك بتقلل من ذكاء من يتحاور معك أو بالعربي ...... بتستنصح علينا أو ماشابه لسمح الله.... لكن حضرتك وضحتك أسبابك بصراحه تشكر عليها ... ما علينا نقطه فرعيه وعدت بسلام

بعدين انت بتقول وسيلتك غير نبيلة بالمرة ليه بس هو انا دخلت عليكم شايل كيس جوافة و بعدين بتفتحوه لقيتم فيه قنبلة و لا مؤاخذة؟

هوه فين ياعم الجوافه وله البرتقال أللي بتقول عليه ... المره الجيه متنسناش في البطيخ و الشمام...... معليش القافيه تحكم

أستاذ ورده ... أنت بتنط ليه بين السطور ... أنا بأقولك أن هدفك نبيل وكل أقباط مصر والمهجر بيطالبوا بيه من زمان "الدين لله والوطن للجميع".... لكن الطريقه والوسيله والأسباب غلط ....الفرق كبير ... أنت عايز تستخدم أسلوب المسكنات من نوعيه أن أحنا كلنا بنعاني بس ده.... نص الحقيقه المسيحين بيعانوا من فساد الحكومه + أضطهاد ديني من معظم المسلمين ... أنت تقول أن

ان فيه ناس مش كويسة و بتسعى لقتل المسيحيين لكن انت تنكر ان فيه ناس مالهاش اي عداوة معاكم؟ و كمان بيحبوكم و هم اكتر من اللي بيكرهوكم و الله كل حاجة مش كويسة بتحصل ليكم من اي واحد مسلم دا بيبقى جاهل و ربنا هايحاسبه حسب العقيدة الاسلامية

وأنا بأقولك أن كلامك بدون أي دليل ... مين من المسلمين وشيوخ الأزهر المتعلمين قال أن ذبح الأقباط في الكشح أو الأسكندريه مثلا أرهاب ديني ليس في الأسلام ... طبعا لو كان حد عنده الجراءه يقول كده.... كان أغلبيه المسلمين أللي "بتقول عليهم بيحبونا ومعتدلين" كانوا كفروا هذا الشيخ و أحلوا دمه .....هل هذا صحيح أم لا في أنتظار رائيك وبرضه الكلام بصفه عامه وليس محدد بحادثه واحده لكنه ... القاسم المشترك في كل الحوادث التي تحدث ضد الأقباط

أول العلاج يا عزيزي هو تشخيص المرض ... ماندفنش راسنا في الرمل ذي النعامه في مواجه الخطر....أنت أعتبرت أن الحكومه الفاسده هيه المشكله فقط.....

وأنا بأقول لحضرتك أن علاج الدمل لا زم من فتح الجرح وتطهيره كويس " بمحاكمه منفذي ومنظمي وممولي الفتنه الطائفيه ضد أهل البلد الأصلين الأقباط ..." لعلاج المشكله لا تطالب الضحيه تستحمل تضحيات أكتر .علشان القاضي يتأكد قبل ما يحكم بالعدل ..... فده ليس علاج بل مسكنات لمشكله أكبر ....ولو حضرتك فكرت في العامل المشترك بين العراق, لبنان, فلسطين ,الجزائر ... حتلاقي السبب واحد هو الهوس الأسلامي بين السنه والشيعه في العراق ولبنان.... والهوس السلفي السني في الجزائر و فلسطين حماس ....

أنت بتقول خلينا عملين و أبداء بنفسك ..... يا أستاذ ورده الروح... بتقولوا العيب في الحكومه ...مارائيك أنت ... أنا بأطلب منك بصفتك ... الشخصيه كفرد يحب الخير لمصر و تدعوا بالأتحاد ضد الطغيان والفساد بين المسيحين والمسلمين ... ما هو رائيك الشخصي في هذه القضيه ... قضيه الغلبانه بهية السيسي ......القبض علي بهية السيسي شقيقة شادية السيسي بنفس التهمة ..... http://www.copts.net/forum/showthread.php?t=28374

و انا رأيي ان مصر في اسوأ حال لها على مر التاريخ

أتفق معك بنسبه 100% ...متفقين علي النتائج ونختلف علي الأسباب

و احب ااكد ليكم اني و الله باكلمكم لخير مصر و بس و لا يهمني دينكم ايه و ربنا يشهد على كلامي

وأنا معك و أوافقك علي هذا الأتجاه العملي

لك كل أحترام سعدت بالحوار معك .....