إنضحك عليا من مَسيحي هذا المنتدى ..

[زائر بسيط]

انا مسلم مصرى .. اقرب اصحابى يبقى مسيحى مصرى ..

انا مش متدين بشكل كبير ..

بس اعرف اهم الحاجات فى دينى واساسيتها

مشكلتى انى بحب افكر بعقلى .. وعقلى بيرفض كل ماهو ملوش معنى ويرتبط بالدين

دى نبذه بسيطه ماتهمش حد بس هيا للعلم بالشئ ليس الا ..

....

تابعت المنتدى ده من اكتر من 9 شهور

عجبنى اراء الاعضاء المسحين فيه فى كتير فى الدين بشكل عام

قريت عن الدين المسيحى ومانكرش ان عجبنى فيه كتير من اللى اتقال

كونت اوقات اشوف مسيحى المنتدى بيكلمو المسلمين بشكل حاد فى موضوع مثلا ان ازاى فى الدين الاسلام الى يخرج عن الدين يحلل دمه .. وكانت بتحصل اوقات تطاول فى الالفاظ كونت بعديها علشان المبدا اللى بيتكلم بيه العضو انا معاه فيه .. انا مسلم واشهد ان لا الاه الا الله وان محمد رسول الله .. بس هل من العقل ان التفكير فى الدينات الاخرى ومعرفتها حرام شرعا عندنا وان اعتناق اى دين اخر يوجب القتل.. مش مقتنع بعداله الموضوع وبحثت فى دينى عنه كتير يمكن اصحاب دينى فاهمينه غلط وبزاويه تانيه ..

المهم انى غيرتى على دينى او تعدى واحد عليه بالسب او على مسلم زى بالسب متحركتش كتير من الموضوعات .. فى انى اشوف ان المسيحى المعتدى هوه معتدى ومش على حق ..لانى كونت بحكم عقلى قبل مااقرا الردود ..

وحتا اتكلمت مع اقرب اصحابى المسحى فى الموضوع ده والراجل استغرب!! وفكرنى انى هعتنق المسحيه مثلا .. بس انا كونت فى حاله تامل من دينى ومن المسحيه وللعم فكرت فى قرايه اليهوديه .. يمكن علشان افكر اكتر واشوف مين الى على صح وليه احنا تقريبا بنعبد نفس الرب بس دينتنا مختلفه

اعتناق المسحيه او اليهوديه او تمسكى وعشقى للاسلام كان هيكون بدايته دخولى فى القرايه والالمام بحجج الاخر وحجتى وفى اخد المعلومات الصح من الاماكن الصح ومقرنتها والتفكير فيها بالمنطق وبى مكارم الاخلاق .. واخيرا بهدايه الرب للقلب وكرمه وحنيته على عباده الى اتمنى انى اكون منهم ويهدينى للطريق الصحيح

....

عدت الايام وللامانه انشغلت فى شغلى التجارى.. وشغلى فى اخر فتره اخد كل وقتى واتوقفت شويا عن القرايه وكمان للاسف من الخوف فى انى لو اتعمقت اكتر اكتشف حقايق يمكن تكون عواقبها مش تمام بالنسبه ليا وخصوصا انى فى بدايه حياتى ومينفعش اكرس حياتى للبحث ورا حقيقه اختلف عليها كل العالم .. ووصولى ويقينى بيها جايز يكون سبب فى اسارت المشاكل ليا سواء من المسلمين او المسحين او اليهود ..

...

وجه اليوم الى قريت فيه عن مقتل المسلم بيد مسيحى اخته اعتنقت الاسلام علشان تتجوز او علشان مقتنع او او او .. لا انا ولا انتم هنكون ادرى والله وحده الادرى

فاقريت التعليقات فى مواقع زى موقع العربيه وغيره .. فا استغربت ان المسحين مش مقتنعين ان الى حصل غلط .. وان كل واحد ليه الحق فى اعتناق الدين الى يحبه ادام كان فى كامل قواه العقليه وحب ده ولو حتا بقا ملحد .. ولو كانت نيته انه ميسلمش وانه يكسب فلوس او او اوغيره ... فاهوه حر مع ربه احنا لينا الهدايه ملناش اننا نتهجم على نوايا الناس ..

قولت ادخل هنا مكانى المفضل الى فيه قريت لى ناس انا اذكر اساميهم واعرفهم وهما اكيد مايعرفنوش .. حبيت اعرف رأيهم .. لانهم هما من طالبو الاسلام بحريه العقيده .. وهما الى قالو ان الاسلام انتشر بالقوه .. وهما الى اسرو فيا من كلام انجلهم عن سماحه المسحيه .. من صفعك على خدك الأيمن فأدر له خدك الأيسر.. وكل الكلام الى يدخل القلب من ده ..

هنا شوفت الناس بتطالب الاسلام باانه يبعد عن البلطجه والارهاب .. وغيره

ولما جه مسيحى قتل واستخدم نفس اسلوب المسلمين من وجهه نظر المسحين
ادا لنفسه الحق فى انه يقتل لان اخته خرجت عن دينهم او علشان اتجوزت مسلم
وفضلو المسحين يهينو البنت بكلمه زانيه وعاهره .. وبابشع الالفاظ

وانتا ايه عرفك؟!.. اديت لى نفسك انك تكون الحاكم على نوايا الناس ليه ؟!

مايمكن زانيه فعلا .. او مسمله عن يقين تام .. او فكرت فى كسب فلوس .. او غيره ..

حسيت انى انضحك عليا .. كونتو بتطلبو الاسلام بحاجات وانتم مابتعملهاش
بان الوش التانى .. بان هنا ان فيه اكتريه .. بيمسكو على حاجات من الدينات الاخرى ويغلطوها .. والى يحصل غلط من ناحيتهم يبرورو لنفسهم انهم صح .. تفرقتو ايه عن الاسلام طيب؟!!

لقتنى اخدت المعلومات الدينه من مكان غلط ..

اصل انا ممكن ادخل منتدى اسلامى الاقى اصحابه بيتكلمو عن سماحه الاسلام ويدعون انهم قوم وفئه مفيش فى اخلاقهم وصفاتهم .. ولما حد يدسلهم على طرف .. يبان الوجهه التانى ليهم

للاسف زى مافيه فى الاسلام حاجات واشياء انا رافضها وببحث عن اجبات ليها

عرفت ان المسحيه هيا كمان لفقرى فيها وانتو واجهه ليها ينقصها اجبات كتيره كتيره كتيره

وعرفت انكم فى كل منتدى سواء مسيحى او مسلم كله يغنى على ليلاه ..

محدش بيفكر ولا يناقش التانى بعقل وباسلوب كويس يخلى الى قدامه يجبر على احترامه

واكتر الحجات الى اسرت فيا واحد من احد المسحين هنا فى المنتدى قال لمسلم او ايا كان دينه بص ياروح امك والمساله هتدخل فى الغلط فى الاهل وفى اسلوب بعيد عن اسلوب نقاش دينى وحطو ميت خط تحت دينى

اصلى ممكن ادخل اشتمك وتشتمنى لما نتكلم فى اختلاف رأى او اختلفنا فى فلوس او فى طبع او او .. لكن اشتمك فى نقاش دينى !!.. لا فعلا ونعم الواجه للمسحين

وحابب اقول لاى حد ممكن يعمل ده معايا فى رده عليا او لى غيرى
ان مش من الرجوله انك تشتم اى حد من ورا شاشات الكمبوتر
الرجوله انك تشتمنى فى وشى وقتها شوف انا هرد عليك ازاى
ومين هيكون راجل وقد غلطه وتهجمه على التانى

ودمتم