دعوه الى الشباب القبطى

[nosha]

نندمج وسط مين إذا كانوا بيرضعوهم الكراهية من و هم أطفال، فى مناهج التعليم و فى الإعلام و فى المساجد و فى البيوت و فى كل حتة
يا عزيزتى الكرة ليست فى ملعبنا الآن ، الكرة فى ملعب الدولة اللى عاملة ودن من طين و ودن من عجين
الحلول بسيطة و معروفة لكن هم الذين لا يريدون و عاجبهم الحال على كدة

• لما سعد الدين ابراهيم قدم لهم نموذج معدل لمناهج التربية و التعليم قالوا خائن و عميل
• لما نطلب قانون موحد لبناء دور العبادة يطلع مفيد شهاب يقول ما انتوا عندكم كل التسهيلات و مفيش أحسن من كدة
• لما ولادنا يتقتلوا فى ليلة عيد على أبواب الكنيسة يقولوا حادث فردى
• لما رهباننا يتخطفوا و يتعذبوا يقولوا صراع على الأرض و يطلعوا أكاذيب و إشاعات مغرضة لتشويه صورة الرهبان
• لما أقباط يرشحوا تفسهم فى مجلس الشعب يسقطوا كلهم، يعنى مكروهين مش بس من الحكومة لكن كمان من العامة

و علشان تعرفى بنفسك المعاناة اللى بنعانيها و رفض المجتمع لينا أقول لك جربى فى يوم إتك تخلعى الحجاب و تعلقى صليب فى رقبتك و انزلى الشارع و اركبى مواصلات و اذهبى للمصالح العامة و للسوق و لمختلف الأماكن و جربى تتعاملى على إنك مسيحية و شوفى كمية المضايقات و السفالة التى ستتعرضين لها
لما نسمع شتيمتنا بآذاننا و الدعاء علينا فى المترو و من ميكروفونات المساجد و شرائط الكاسيت نندمج إزاى
لما تصدر فتاوى تحرم معايدة المسيحيين فى أعيادهم و تكفر التعامل معهم و تكفر محبتهم بدعوى أن "المرء يحشر مع من يحب" و هذه أنا سمعتها بأذنى و كنت جالسة وسط زملاء مسلمين، و واضح أن هذا الكلام حقيقى بدليل أن أحدا منهم لم يعترض و لم يقل أحد أن المتكلم يخرف أو يأتى بأشياء من عنده
و الغريب إن المسلمين اللى بيقولوا عن نفسهم إنهم معتدلين بييجوا عندنا إحنا فى منتدياتنا و يقولوا لنا إن احنا معتدلين جدا و الإسلام دين معتدل جدا و بيحث على المحبة و السلام و قبول الآخر و اندماج الآخر فى المجتمع وووووو......
و أنا أقول لهم أن مكانكم ليس هنا، مكانكم فى المنتديات و المواقع الإسلامية التى تحرض على قتل و سرقة و استباحة الآخر، و تقولوا لهم عيب الإسلام مش كدة
لكن انتوا مش بتعملوا كدة طبعا لأنكم عارفين إن دة كلام غير حقيقى و إن المتطرفين ها يردوا عليكم بآلاف الآيات و الأحاديث الإرهابية و لو قلتم لهم أى آية من آيات السلم ها يردوا عليكم و يقولوا لكم " اتنسخت من زمان"