المصريين والألقــاب

الجماعة ولاد الهرم والنيل يموتوا في حاجه اسمها ألقاب مـش عـارف ليه أو من غير ليه (على رأي المرحوم عبد الوهاب)
وكـان مـن أهداف انقلاب 23 يوليـو القضاء على الألقــاب ولكن
يبدو أن العكس صحيح كما هو الحـال في الأهداف الخمس الأخرى للثوره
فعندك مثلا لو ناديت على أي واحـد ربنا كرمهُ( وحصل على شهادة عالية او حتى دبلوم صنايع) ب أسمه الذي أعطاه الله إياه يقوم كده يبصلك ويقولك
: هـو فلان ده بيلعب معاك؟ انت مش عارف بتكلم مين؟ إزاي بقي لازم تقوله يا دكتور / يا باش مهندس/يا أستـاذ حتى ولو كان ساقط إعدادية لازم تديـله لقب يا جدع
اُمال فين الاحترام يا عم على مهلك كده وخليك متواضع ساعتها بس يـقوم
(وتلاقيه ما بيركعـهاش) ويقولك ربنا قال وجعلناكم طبقات
… عندك مثلاً اعرف لواء سـابق(وهذه مهنه تنتهي بنهاية الخدمة لكن سيادة اللواء بيزعل أوي لو أي واحد
ام يسبق اسمه بلقب سيادة اللواء طب يا سيادة اللواء هل تسمح بأن أناديك
وأقولك يا سيادة اللواء السابق؟
يا إخوان إذا كان الموضوع موضوع احترام فيكون للشخص
أو السن وليس للمهنة مش يكون يادوب الوله واخدله حته شهادة
ولسه بياخد المصروف من تانت
ويبص كده من البلكونه وينده علي راجل في عمر أبوه (يا فلان روح هات لي كذا)!!!!!!!!!! راحــت روحك يا بعيد و خلى عند البعيد دم واحترم السن
وسلام بقي لو الله لسه متخرج من كليه الشرطة يا سلام سلم
البيه راح والبيه جهه وكمان الباشمهنس لسه متخرج و بابا جاب له
واسطة وأشتغل في شركه عثمان يقوم بقي الواد كده ييجي الصبح
عا المكتب واول حاجه يقولها للساعي الغلبان قهوة مظبوط يافلان
آل أية الواد صاحب مزاج قوي
وه نروح بعيد ليه اذهب كده الى اى كليه طب فى مصر
شوف العيال بتوع سنه اولى طب الواد من دول معلق البالطو الابيض
على دراعه وماش وفاكر ام ماحدش زيه آل يعنى الواد خلاص بقى مجدى يعقوب زمانه
ولعلك يا سيدي الفاضل رأيت الكثير من أمثال هؤلاء
مش كده والا ايه
عنتر