حيرة الاعلام المصرى بين النفاق والتطرف

[Mena0064]

الأخ معتز، إذا ماكانش لينا فى الحروب أمال مين إللى بنى مصر و دافع عنها قبل دخول الإغريق؟ وبعدين مين قاللك إن الأقباط مقاوموش الإغريق و الومان و العرب؟ حصلت ثورات كثيرة ضد كل هؤلاء و لكنها فشلت. و بعدين إنت مارديتش على سؤالى
لية عمرو بن العاص إحتل مصر؟الرومان يا عزيزى كانوا فى إضمحلال و لا يشكلوا أى خطر على العرب و حتى لو تختلف معى لماذا لم يترك عمرو البلد لأصحابها بعد أن أباد الرومان؟ما هى فائدة حكم مصر؟
لأن إجابة السؤال دة تعنى الكثير عن كيفية إنتشار الإسلام.

اما عن موضوع إضطهاد المسلمين فى إيطاليا فليس لك مفر، لو كلامك صحيح هاتلى الرابط لهذا الخبر؟ لاحظ إنك قلت إن التعنت موجة ضد المسلمين فقط و ليس غيرهم.
يعنى مش مثلا تضييق الخناق على اللاجئين الغير قانونيين و غالبيتهم من المسلمين- لأن من حق أى دولة تحمى نفسها من اللاجئين و مش ذنبها إن غالبيتهم مسلمين أو خلافة-، لأ إنت بتقول إن المسلمين فقط هم إللى هيطبق عليهم تشريع معين.
يللا بقى ورينى شطارتك و هات الرابط من البى بى سى أو السى إن إن أو حتى الجزيرة، أنا فى الإنتظار.
أما عن تغيير الإيمان قليلا فلا تتلاعب بالكلام إنت فاهم قصدى من غير المنطقى أن يموت إنسات حتى لا يجبرة أحد على الصلاة أربع مرات فى اليوم بدل خمسة و بعدين تانى يوم يتحول لدين آخر، فاهمنى دلوقتى ولا أجبلك مثال أبسط؟
نقطة آخرى إحنا ما عندناش حاجة إسمها دولة مسيحية، الصحيح هو دولة يدين أغلب سكانها بالدين الفلانى، يعنى مصر دولة يدين أغلب سكانها بالدين الإسلامى لذلك نحن ننادع بإسقاط تعبير دولة إسلامية من الدستور، هى يعنى مصر دى نفس و هتموت وربنا هيحاسبها؟ مصر بدون المصريين هى جماد، يعنى ذى الكرسى و الكوب، هو فى كرسى مسلم و كرسى كافر؟

المشاركة الأصلية بواسطة معتز

واخيرا اوجه كلامي للأخ مينا، واقول لك اشكرك على انك تدافع عن حقي، و اريد ان اقول لك ان مشاكل مصر كثيرة جدا، ونحن جميعا و الحمد لله نملك القدرة على التفكير، تعالى نفكر في مشاكل بلدنا افضل من هذا الكلام الذي لن نجني من وراءه الا ضياع الوقت، سترجع و تقول لي ان الاسلام لسبب، اقول لك ان جميع التجار الاقباط لم يشكي احد منهم من موضوع الاضطهاد لأنهم لا وقت عندهم للكلام في تفاهات غير موجوده، وان كنت تفكر ان اهم ما عندي من هو مؤمن ومن هو كافر تكون غلطان، فأنا لا وقت عندي للكلام في هذا الكلام الفارغ، فاذهب و اعبد ما تشاء لكن بدون ان تحرض اخوانك على الفتنة داخل مصر

و آخيرا أتفق معك أنا عن نفسى لا أظن إن الإسلام هو سبب التخلف لمصرلأن ببساطة كان لمصر أوقات نعيمة فى ظل الإسلام مثل أيام محمد على باشا بينما دول مسيحية منذ الأزل مثل أثيوبيا للأسف فى قمة الفقر. طبعا فية مشاكل يواجهها المسيحيين و المسلمين معا و إحنا نفسنا كل مشاكل مصر تتحل بدون إستثناء، لكن شركائنا فى الوطن مش عايزين يعطونا الفرصة نساهم، أنتم تقيدوا أيدينا و تطلبوا منا أن نساعد، يعنى لما أكون أنا مثلا طالب متفوق فى الجامعة و لى ميول أكاديمية لكن شايف إن مفيش رئيس جامعة واحد مسيحى دة هينعكس إذاى عليا؟ كل إنسان يطمح أن يصل للقمة لكن لما يلاقى أقفال لن تفتح هيطمح فى إية؟ و إذا ماكنتش إنت حاسس بإن فيى إضطهاد فدة يمكن لأنك لا تعانى منة و لا تمارسة لكن دة لا يعنى إنة غير موجود.
و زى ما قلت لك نحن ننتدى بالمســــــاواة التــــــامة للفقير و الغنى، للأبيض و الأسود، للسنى و الشيعى و المسيحى و الملحد. و أظن الجميع لا يختلف إن فى بلدنا إضطهاد و إحتقار لشراح عديدة غير المسيحيين، مثل إضطهاد النوبيين و إحتقار البدو و ذى البشرة السوداء طبعا غير إحتقار الفقير ماديا. كل هذا إضطهاد يجب القضاء حتى نجدف جميعا فى نفس الإتجاة، فى رآيى الإصلاح يبدأ من هنا.