|
|||||||
| المنتدى العام يهتم هذا القسم بالأخبار العامه |
|
|
خيارات الموضوع | طريقة العرض |
|
#1
24-02-2005
|
||||
|
||||
يا مصر يا حبيبتى
بلدي وحبيبتي
غرامك فى دمى سارح والهوي فى قلبي طارح والحنين للحق طايح والنوي جارح ما جارح ياحبيبتى لما أشوف إبتسامه منك يختفى ليلي الحزين يا ندى الصبح اللى سأسأ فوق خدودي الدبلانين بلّ شوقهم صحي لون الورد فوقهم كل خد دبلت ورودهم مين يدوقهم غيرك انتي ومين سواكي يا حياتي يا ملاكي يا نسيم الحب لما هب هز القلب هزه يا هوي الاحلام يا عزه فى الليل جم خدونى يا حبيبتى جوز تنابله ونص دسته من التيران كنت باحلم يا حبيبتي كنت باحلم بيكي انتي بحلم بأرضك بحلم بنهرك كنت بحلم بيك أنتى يا حبيبتى كنت بحلم ببنتى وهى عايشة بالكرامة من غير ندامة تفرح ببوها والسعادة فى عنيها يا حبيبتى كنت بحلم بيوم أطولة يوم نكونة بس الدموع خدعتنى والامانى توهتنى والجميع نيام والعيون بتقول كلام والكلام طاير حمام بينادينا بالاغاني ويهادينا بالسلام كنت بحلم يا حبيببتي كنت با حلم بيكي إنتي أيوه انتي ومين سواكي يا حياتي يا ملاكي يا نسيم الحب لما هب هز القلب هزه يا هوى الاحلام يا عزه وأنطلق فى الجو فجاه يا حبيبتي صوت مفاجاه صوت خلي الدم أصبح جماد إصحي يا صياد إصحي يا صياد وأنتهي الحلم الجميل وابتدا الهم التقيل _ فين الامان _ إنتوا مين - إحنا ناس مكلفين تيجي فاهم مش ح تتعب وأحنا طبعا معذورين - إنتوا دود الارض والافه المخيفه إنتوا ذره رمل فى عيون الخليفه إنتوا كرباج المظالم والماسي إنتوا عله ف جسم بلدي إنتوا جيفه سكتوة أبن الكلا ....ب سففوه من التراب فتشوا كل الآماكن طلعوا رفوف الدولاب كمموني يا حبييبتي كتفوني يا حبيبتي قومونى .. قعدوني كل شعره فى جسمي بالعين فتشوها المخده من جنانهم شرحوها وإنتهي التفتيش ما فيش صدقيني ما تخافيش هو فيه يا حبيبتي ممنوعات غير باحب الناس وباكره السكات؟ بص واحد م التنابله جوا عيني وإنتي عارفه عيونى صافيه وطيبين زي كل عيون بلدنا يا حبيبتي شباكين ع القلب دوغري موصلين كان مناه يلمح علامه خوف بسيطه طب حييجي الخوف منين ابن العبيطه هو مين فينا ال**** ولا مين فينا اللى خان اللى قلبه بالمحبه وبالاماني وبالربيع لاخضر مزهر والاغاني ولا كل..ب الصيد وأسياده الاباطره أكالين لحم البشر فوق الصواني؟ هو مين فينا ال**** ولا مين فينا اللى خان هو بص فى عينى بصه إرتجف وف حلقه غصه واتعوج ومال وقال جملتين مش مفهومين أصله شاف صورتين جمال فى العيون الطيبين مصر فى العين الشمال وبنتي فى العين اليمين 
|
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
|
|
النمط المتطور