pls. help and pray

[ofgeorgy]

اكيد كلنا سمعنا عن كنيسة القديس يوليوس الأقفهسي

أنا كنت هناك إمبارح 1/4/2005 كنت فيى زيارة لهذه الكنيسة (الفتاه التى ارسلت لى هذه الرساله و ايميلها sweet_maro12@yahoo.com لمن يحب التاكد من هذه القصة)......

الكنيسة هناك على اسم القديس الشهيد مارجرجس الروماني والقديس يوليوس الأقفهسي . ويوجد هناك أجساد شهداء أخميم وكف القديس يوحنا الفصيح الطفل الذي استشهد وهو عمرة ثلاث أعوام . وبينما أبونا يرينا كف القديس ظهرت بنت في الـ 17 من عمرها تقريبا على بابا الكنيسة أبونا أبونا وهي تبكي إلحق بيضربوا بابا بره إلحق يا أبونا . في نفس اللحظه كل الرجال الذين كانو بالكنيسة خرجوا بسرعة لينقذوا الموقف وأبونا كمل وضع الكف في مكانه بسرعة وذهب ورائهم وشعب الكنيسة كلها خرج وإذ بصراخ سيدات واصوات عراك وبعد 5 دقائق أبونا جه ومعاه الناس وبعد ما دخل على بابا الكنيسة الخارجي قعد يزعق أنت بتيجوا تهدوا الدنيا علينا هيجتوا البلد أنتوا حتمشوا والبلد هاتقيد نار ليه كده مانتوا كده بتشتمونا برده ليه كده . اللي حصل إن البنت وهي ماشية( البلد بسيطة جداً وريفيه) البنت كانت مشمئزة من المكان ولفظت لفظ وهي تتكلم مع أمها وسمعها واحدة وبنتها من البلد بس راحت الدنيا ولعت سوري خلعت الأم الريفيه وبنتها احذيتهما وضربوا وقامت خناقة ستات وبالطوب ودخل فيها الرجال وبعد كده لما جه أبونا سكتوا أهل البلد بيحبوا أبونا يوليوس وبيحترموه . ولمت الرحلة ناسها على فكرة الرحلة من إسكندرية للأسف المهم أبونا خرج وصلهم لحد برة وروحوا ودخل لبيته علشان يتصل بالتليفون وبعد شويه يعني ربع ساعة تقريبا كان فاضل ثلاث رحلات فقط في الكنيسة فقامت رحلتين لمرواح وقالت الثالثة نمشي بالمرة علشان مش كل شوية أبونا ها يخرج يوصل رحلة . وفعلا أتجمعنا علشان خارجين جالنا خبر إن الناس واقفه بعصي وبعصى حديديه صدقوني وبدون مبالغة أنا شفت بعيني محدش حكالي وطبعا على كل بيت لضرب ومنع أي حد من الزوار من المرور بالشارع طبعا أبونا قام خرج أمامنا وكان يتكلم بصوت عالي متخا فوش أهل البلد كويسين مش خناقة بسيطة حتعمل مشكلة كلنا هنا بنحب بعض وكانوا واقفين مجهزين نفسهم بس ساكتين خالص مش قادرين يتحركوا وفي نصف الشارع والدنيا هادية مفيش نفس من أي حد لا مسلمين ولا مسيحين مع إن اهل البلد كلها في الشارع وعدد مهول من الناس ومفيش نفس خالص . وكام واحد كان بيسلم على أبونا وأنا كنت بسلم عليه وف لحظة وأنا واقفة جانبه هياج وصوت عالي جدا واحد في العشرينات تقريبا من عمره جاي بقوة دفع عاليه وبصراخ وفي يده حديه لها زاوية حادة وسمك وطولها حوالي مترونص وحاجة في يده الأخرى مأخدتش بالي من الخضة المهم . قال ( محدش ها يعدي دي ناس .... وشتم أبونا بصلوا وكان ساكت لأن فعلا صوته وسط الهدوء خض الناس كلها فعلا فضل أبونا باصص له راح الولد قاله أنت على راسي من فوق لكن الناس دول مش ها يعدوا دول ناس .... وشتم تاني دول شدوا النقاب بتاع مراتي وعروها وشدوا هدومها وهاج والدنيا ولعت واحنا في وسطها وهو بيزعق الأطفال اللي منهم يسفروا بأفواههم ويصفقون ويقولون هــــــا أحسن ويضحون وفي لحظه لقينا البلد كلها بتجري ورانا وأشتباك فظيع وضرب طبعاً معانا أطفال وأمهات وبنات وكانوا الشباب والرجال يشودنا أحنا والأطفال وكانوا بياخدوا هما الضربات وجري برعب وضر بكل حاجة بأه سوري سامحوني ( بالشباشب , والطوب , والعصي . بالحديد ) وأبونا معانا بينضرب وبيتزق كان كل همه الناس الضيوف يحميهم ومحدش كان شايف حاجة البلد كلها وبدون مبالغة علينا بدون مبالغة وضرب وصويت من المسيحين من الضرب والأشتباك . ودخلنا لحد الكنيسة وكان فية لسه فيه شباب لسه ممسوك من الكنيسة برة في الضرب . خرج تاني حبة من الشبابا علشان يحاولوا يجيبوهم وجابوهم بأه الدم سايل من أنفهم وفمهم واللي رجلة متبهدلة دم واللي رجله أتكسرت ومناظر أنا عمري ما كنتش أتخيل أن لسه في حاجة كده اللي عينه واللي واخد كذا ضربه بهدله . والأطفال كلهم جالهم ذعر من المنظر. والأشتباك وهما في النص . فضلنا واقفين في حوش الكنيسة وجه ناس منها على ما سمعت أنهم كبارات البلد والعمده بتاعها وشيخ البلد . واقفين يتكلمون مع معه ويعتذرون لأبونا وأبونا كان ثائر ثورة مش عادية قعد يزعق فيهم ويقولهم ( أنا بحكي كل اللي شفته وسمعته بنفسي بس) الناس دول يهموني أنت ترضى أن ناسك يتعمل فيهم كده أنت بتقول أيه أنا مش حسكت على اللي حصل ده مش ها تعدي على خير تطلعوا علينا بالسيوف والحديد والعصى حصّلت لكده (أكيد أبونا شاف كده لأني مشفتش غير الموقف بتاع الحديده بس) اللى أنتوا عملتوه ده مش هايعدي على خير وقعد يتكلم ويرد عليه وكان كل الشباب هايج هياج مش طبيعي لأنهم هم اللي شافوا بالأكتر اللي بره في الشارع . الخناقة بدأت الساعة 4تقريبا إلى الساعة 5 وأحنا واقفين وكل شويه يحصل أشتباك ويتفك وفي لحظة الكنيسة أتملت ناس وراح جم كبارات البلد كما يقولون أهل البلد عنهم قالو لأبونا هات ناسك وأحنا هانعديهم بنفسنا راح أبونا قال لهم الناس اللي كانت ماسكه السيوف والحديد تيجي بنفسها هي تاخد الناس وتطلع بهم بره وتعتذر عن اللي عملوه في ضيوف البلد وشويه ودخل أبونا يعمل أتصالاته تاني وخرج وخل كل الناس في الكنيسة ساعه الأشتباك يصلون تقريبا وقاموا بعمل التماجيد الصلا كان مستمر في الكنيسة بدموع في ساعة الضرب في الخارج لمده ساعتين أ أكثر تحدث اشتباكات وتهدي واشتباكت وتهدا تاني . وسمعت أن الشرطة وأمن الدوله جه وزي ما بيقولوا رتب كتير قوي جت كانوا برة مع أبونا ودخل واحد الكنيسة يقول كل اللي اتئذى أو جت له ضربه يجي برة علشان المحاضر اللي كانت بتتكتب مش عارفة غير أن ابونا كان معاهم برة ووصلت الساعة إلى الساعة 10 وإحنا لسة في الكنيسة وشويه وطلبوا مننا نجهز نفسنا علشان هايمشونا . يمشونا الناس طبعا كانت مرعوبه من اللي حصلها الأمهات كلها خايفة على أولادهم أوي وفي حالة رعب من اللي حصل . المهم قالوا إن فيه ناس من الشرطة واقفين على طول الشارع ماتخافوش . وفعلاً خرجنا وكانت رجال الشرطة هما لابسين جلاليب ممكن يكونوا بيلبسوا كده في بلدهم بس كلهم مسلحين ببنادق وكان النور قاطع في البلد كلها الدنيا ضلمة أوي أنا كنت مستغربة مع إن الكنيسة كانت نور عادي المهم خرجنا وركبنا وروحنا بس مش مهم إحنا المهم النهارده وبكرة في الكنيسة دي الموضوع إتلم في ساعتها لكن حيحصل إيه للرحلات اللي جايه بكرة من غير ما تعرف حيسيبوهم يعدوا كده ولا هايبهدلوهم وبلاش الرحلات أهل البلد إحنا ماشينا والدنيا شايطة لسه أنا بحكي علشان اللي يقدر يتصرف يتصرف منكم ومكنش هاهحكي لولا إني سمعت أبونا بيقول لازم الموضوع ده يوصل لكل الناس وتعرفة ويوصل على النت اللي يقدر يعمل حاجة يعمل وأهم حاجة لازم نصلي علشان ربنا يحمي بيته وكنيستة دي لأن الموقف فعلا مش ساهل كنا بنسمع عن الكشح لكن محسيناش بيهم لما شفت بعيني عرفت إننا لازم نصلي واللي يقدر يعمل حاجة مادية يحاول بسرعة لأن الهياج مكانش طبيعي تصدقوا إن الكبار كانو بيضربوا والأطفال الصغيرين منهم كانو بيعضوا الشباب في رجليهم ما شفتوش أمهات الشبابا وهي بتبكي ولادها الأتنين برة والتالت قدامها مرمي عمال بينزف دم من فمه وأنفة متعور وعينه مزرقة ربنا العالم إني مش ببالغ الأمهات عمالة بتبكي وأسرة أبونا كمان من المنظر جالهم زعر ولادة الأطفال وتاسوني زوجته المنظر مش عادي عارفين ازاي البلد كلها بتجري ورا كام واحد عماله ماسكاهم وبتضرب فيهم وهما لا حولا ليهم ولا قوه أمال اهل البلد المسحين اللي قاعدين أكيد هاتحصل اشتباكات تاني اللي يقدر يعمل حاجة يعملها بسرعة واللي ما يقدرش أرجوكوا صلوا للناس دي والكنسية دي ربنا يحميهم