مزهقتوش...تعالوا نعمل حاجه بقي(رجاء التثبيت)

[مار مينا]

سلام المسيح معاكم

بذمتكم مزهقناش ؟؟؟؟؟
عمالين نقول المفروض نعمل كذا وكذا وبنعملش حاجه
بننتقد قداسة البابا انه بيمثلنا سياسيا وفي نفس الوقت لو دورنا علي نفسنا هنلاقي مفيش حد فينا مهتم بحاجه وملوش دعوة بالسياسه الا ناس قليلين جدا ومعدودين

ايه رايكم نسيب قداسة البابا في حاله ونعمل احنا حاجه بقي
صدقوني لو فيه تمثيل لينا سياسيا وصوتنا مسموع عن طريق حزب يؤيد ارائنا الحكومه لواحدها هتتجه الي هذا الحزب وتتكلم معاه

المفروض نعمل ايه تعالوا نتكلم بايجابيه
اولا : ماهي مطالبنا
ثانيا : هنعمل ايه علشان ناخدها
ثالثا : هنعمله ازاي

مثلا
من مطالبنا تدريس الحقبه القبطية في المدارس
هنخلي حد بتاع تاريخ يؤلف لينا كتاب عن الحقبه القبطية بكل جوانبها
ندرس الكتاب ده في مدارس الاحد وننشره تباعا في الجرائد (انشاله بفلوس )
عقد ندوه عن ذلك في مجلس الكلمة لحقوق الانسان مثلا ونطالب الحكومه بذلك
نرفع دعاوي ضد وزارة التربية والتعليم لاجبارها علي تدريس تلك الحقبة
نتقدم بشكاوي ضد من يزورون في تاريخ الحقبة القبطية في الكتب المدرسية في حاله تناولهم لقشور منها
مثلا كان فيه في كتاب مدرسي ان عمرو بن العاص لما دخل مصر كان الاقباط بيرموا عروسة النيل امراة حية وهو الذي ابطل تلك العادة طبعا هذا كلام سخف لان الاقباط استعاضوا عن ذلك برمي عروسه من الخشب ولم يعودوا يفعلون العادات الفرعونية كما هي .

وهكذا


فيه حد عنده مطلب ويقول لينا الحل وازاي ننفذه
فلنتحد