مايكل قلب الاسد ...صائد الذئاب

[وطنى مخلص]

عمرو موجها كلامه للتليفون بلهجة عالية :
*عمرو:اهلا استاذ هانى عزيز من القاهرة إنت من اقباط الداخل مش كدة
-هانى: ايوة و احب اقول لمايكل انكم فى امريكا ما تعرفوش حاجة لأن المعومات بتجيلكم مشوهة و بعدين مالكم و مال اقباط الداخل خليكوا فى نفسكوا انتوا اخترتوا تكونوا مواطنين امريكيين و استراليين OKيبقى بقى مالكومش دعوة بينا
*عمرو موجها كلامه للجمهور: اديكو شايفين دة رأى اقباط مصر الاصلاء فى مايكل و اشباهه
*عمرو لهانى: ايه رأيك يا هانى فى قرار رئيس الجمهورية بتفويض السادة المحافظين بإتخاذ قرارات بناء الكنائس او هدمها[عمرو مازال مصرا رغم توضيحات مايكل على ان القرار بالتفويض بالبناء او الترميم بصفة مطلقة؟]
-هانى: قرار عظيم رغم اننا لم نكن بحاجة اليه و بنقول لمايكل اننى و انت عارف بأشتغل فى بناء الكنائس منذ عشرات السنوات و لم يسبق ان صادفنى اى مشكلة و كل المسلمين فى مصر بيحبوا المسيحيين قوى قوى قوى خالص مالص بالص و بيفضلوهم على نفسهم و علشان كدة التراخيص بدون هذا القرار بتصدر و انت واقف و ما بتحتاجشى اى مجهود و لكن انتوا عايشين بعيد و ماتعرفوشى حاجة خالص مالص بالص
*عمرو بسعادة شكرا للاستاذ هانى عزيز من القاهرة اللى وضح لنا رأى أقباط الداخل ثم توجه بالكلمة الى الى ضيفى الاستوديو الكاتب الشاب سامح فوزى و الانبا مرقص اسقف شبرا الخيمة فقال لسامح
*عمرو: سامح ايه رأيك انت فى القرار بعد ما سمعنا رأى اقباط المهجر و اقباط الداخل
+سامح: قبل ما اعلق على القرار أحب اعلق على كلمة اقباط المهجر التى اصبحتم تطلقوها على كل صوت معارض أليس الاجدى ان تسموهم ابناء مصر بالخارج ؟ ان هؤلاء ثروة قومية و من الممكن ان نعظم استفادتنا منهم بدلا من قصر هذه الاستفادة على الاستفادة الاقتصادية من تحويلاتهم المالية لأهلهم بالعملة الصعبة بإعتبارها اكبر مصدر للعملة الصعبة لمصر و السبيل لهذا التعظيم بإستيعابهم و استيعاب اعتراضاتهم و السماح لهم بالمشاركة السياسية فى الدولة بالانتخاب و الترشيح.._و هنا يقاطع عمرو متدخلا بعصبية شديدة بعد ان أسقط فى يده اذ فوجئ بأن الحوار يسير فى عكس الاتجاه الذى اعده هو من البداية بسبب عدوى الشجاعة التى اصابت سامح و الانبا مرقص فأخجلت الدم القبطى السارى فى عروقهم خاصة عندما هدد عمرو مايكل بالارهاب قائلا انت الان فى مصر و لست فى امريكا فرد مايكل احنا ما بنخافش من حد يا عمرو و بنتكلم فى مصر زى ما بنتكلم فى امريكا_
*عمرو: هو احنا اللى سميناهم كدة هما اللى مسميين نفسهم منظمة اقباط امريكا منظمة اقباط الشرق الاوسط منظمة اقباط متحدين((واضح ان عمرو يتابع بإنتظام المواقع الثلاثة المشهورة على الشبكة))
+سامح: و ان بأشجب ذلك وانا بأشجب ذلك و عايزهم يغيرو التسميات
عمرو يوجه كلامه للانبا مرقص بعد ان يأس من استخراج ما يريد من سامح
*عمرو: أنبا \ مرقص ايه ةرأيك فى القرار مش برضه لازم ننظر لنصف الكأس الممتلئ و نسعد بالتسهيلات اللى قدمها؟
++الأنبا مرقص: المشكلة ليست عندى فى صدور التراخيص و لكن الانكى فى تنفيذها ان لدى ترخيص ببناء كنيسة داخل ابارشيتى صادر منذ عام 1972 و صدر فى خمسة ايام فقط و مع ذلك الجهات الامنية العليا المعنية تمنعنى من تنفيذ ..............................
بقية الموضوع بالاسفل تابعه من فضلك......................