أعيادنا المسيحية وإختلاف التقاويم......(مدموج)

المشاركة الأصلية بواسطة Mrs 2ana 7or

ممكن سؤال وارجو الرد يكون محدد.....

هل اى من الارثوذكس او الكاثوليك او اى شخص يعرف بالتحديد واليوم والسنه تاريخ ميلاد رب المجد ؟؟

ومحدش يقولى دسقوليه ومش دسقوليه انا عاوزة هل بالتاكيد والدليل فى اى شيئ يثبت ان ميلاد المسيح يوم 29 كيهك زى ما الاقباط فى مصر يقولون ؟؟

طبعا السنة معروفة ، لكن التوقيت هو غالبا في أواخر الربيع أو في الصيف
لأن ده الوقت الوحيد اللي يكون فيه الرعاة قاعدين مع رعيتهم يحرسوها بالليل في الخلاء
و كان في تلك الكورة رعاة متبدين يحرسون حراسات الليل على رعيتهم. ( لوقا 2 : 8 )
الدسقولية هي تعاليم وأوامر الآباء الرسل ، وهم من أمروا ( المصريين ) بأنهم يحتفلوا بهذا العيد في التاسع والعشرين من الشهر الرابع ( كيهك )
لكن دي مش النقطة ، النقطة ان الموضوع مفتوح يطالب الأقباط بالاحتفال بعيد الميلاد المجيد في يوم 25 ديسمبر ، وده يخالف التقليد الرسولي ، وفي نفس الوقت ما نقدرش نحتفل بيوم احنا عارفين انه كان مكرس للاحتفال بميلاد اله وثني Sol Invictus ( الشمس التي لا تُقهر )
بس ... ده كل الموضوع.

المشاركة الأصلية بواسطة Mrs 2ana 7or

اما عن شجرة الكريسماس يا ساويرس فده رمز مش اكتر وهدفها لا شيئ الا فرح الاطفال فانا وانت والى شخص كبير سنا ميهموش الشجرة فى شيئ

رجاءا بلاش تزمت مش حنقلد المسلمين اللى كل حاجه حرام وحلال
الامور ابسط وافضل من كده فى المسيحيه

لا ده مش تقليد للمسلمين ولا حاجة
بس مش هناخد رمز وثني نفرح بيه الأطفال!! تعرفي ان في عهد الوثنية في أوروبا ، كانوا متعودين يدبحوا ذكور الحيوانات والعبيد ويعلقوهم على الشجرة دي؟!! فرح ايه بقى ده؟
يا مدام كمسيحيين ، احنا خلعنا الانسان العتيق ، مش هنرجع نجيب رموز للوثنية نحتفل بها في المسيحية !! ... غلط!!

المشاركة الأصلية بواسطة Mrs 2ana 7or

شيئ تانى من راى الشخصى ان التعدد ده مش عيب خطير حقول ليه
من اهم ما يميز المسيحيه انها لما جت مجاتش عشان تلغى هويه اى شعب بمعنى ان القبطى يعتمد على التقويم الشرقى تمام وكل شخص فى اى بلد حول العالم المسيحيه لم تلغى هويته والدليل الافارقه على سبيل المثال نلاقى اسلوبهم فى الترانيم مشتق من عاداتهم والصينى والهندى وغيره
المسيحه ليست كالاسلام جه فرض لبس موحد وعادات موحده وطريقه صلاه موحده واكن العالم كله لازم يكون نسخه من شبه الجزيرة العربيه والست تلبس ايه وشكلها ايه وحاجه تقرف
بمعنى لو حصل ان حتى التوقيت لم يوحد فده معانا مش ضدنا والدليل ان كل شعب له عاداته وتقويمه واسلوبه وحسب نظرتى ده من عظمه المسيحيه مش العكس

صدقيني عارف ، ومتفق معاكي جدا ، لذلك لن أحتفل أبدا بعيد الميلاد المجيد الا في التاسع والعشرين من كيهك حتى وان كنت في بلوتو ، لأني لست قبطيا بالأرض ، أنا قبطي بالدم ، وهفضل قبطي ماشي بالتقويم القبطي لحد ما ربنا يسترد وديعته .

المشاركة الأصلية بواسطة Mrs 2ana 7or

المسيح لازم يتولد كل يوم جوانا وجوه بيوتنا

عشان كده اتمنى لا نسطح الامور ولا نعقدها الهدف من العيد اعمق واسمى من يوم او شجرة او اى شيئ

بالظبط يا مدام ده هو غرض الأحتفال بعيد الميلاد المجيد أصلا ، مدى محبة الله وتواضعه وسكناه بين البشر
وأسمى من يوم كان مخصص لعبادة وثنية
وأسمى من شجرة كانت بتستخدم في العبادات الوثنية
وأسمى من أي شيء غير مسيحي يعتمد على خرافات وأساطير
وأشكرك على تعب محبتك وتفضلك بالرد الجميل ده