الدراسة وتأشيرة الطلاب لامريكا ...

[pharon d'egypte]

المشاركة الأصلية بواسطة sammy

أولا حكاية ان الواحد يشتغل ويصرف على دراسته ده كلام خيالى ومش متوفر. ممكن تشتغل وتعمل مصروف ايد ومعيشة لكن صرف على الدراسة كلام فارغ.
ثانيا: الدراسة مش صعبة أبدا فقط اعطيها حقها واعملها شغلتك 40 ساعة فى الإسبوع على الأقل.
ثالثا: اللغة, اللغة, ثم اللغة... ومن غير لغة قوية مافيش فلاح.
رابعا: ان كان لك قريب ممكن يضمنك فى سلفة تغطى كل مصاريف دراستك ومعيشتك وزيادة شوية خلال اى عدد من سنوات الدراسة حتى لو كانت سبعة لكن طبعا لازم تثبت لقريبك انك كفء للنجاح وبغير كده طبعا يخاف انه يتحمل مسؤلية سلفة تفوق $150 ألف دولار. وطبعا لازم يثق فيك او يكون مستعد انه يضحى بالقيمة المذكورة اعلاه ان لم تنجح او نجحت ولم تدفع.

أى إجراءات فيزا وطلبات قبول للدراسة وبخاصة لخريجى الحقوق ممكن أساعد فيها متبرع بدون مقابل بشرط التمكن من اللغة والحصول على 213 الى 250 فى مسابقة الإنجليزى المعروفةبال "TOEFL "ولأى خدمة ممكن مراسلتى هنا.

ده انت جيتلى من السما

انا مش محتاج تاشيرة امريكا لانها مش مشكلة بالنسبة ليا واللغة كمان معايا يعنى مافيهاش مشكلة

معايا ليسانس حقوق جامعة القاهرة حلو كدة؟

ومعايا دبلوما من بلد تانية

المشكلة انى مش عايز احضر دراسات انا عايز اعرف ايه المطلوب عشان اعمل المعادلة ويكون ليا الحق فى ممارسة القانون فى امريكا
انا حاولت كتير وكل مرة الاقى معلومات مختلفة وشروط تعجيزية تحرق الدم زى انه المفروض ابداء دراسة من اول جديد فى امريكا

المهم اى شروط فى الاقامة او دخول امريكا محلولة ماعنديش فيها مشكلة فياريت لو تعرف ايه المطلوب دراسته لاجراء المعادة ومدتها

لو كدة هاكتبلك اليميل بتاعى وياريت نتكلم لان الموضوع ده يهمنى جدا

وشكرا