خطوبه خطبيتي

سلام المسيح للجميع..........مش عارفة ليه انا فكرت في اللي هقوله رغم انه ممكن يكون بعيد عن الحقيقة وقد يتحامل البعض علي........انا طبعا معرفش بالضبط ايه سبب الخطوبة الثانية لكن مش ممكن يكون ضغط من اهلها او بالاخص من امها وانا مقصدش ضغط يعني اجبار لكن ممكن يكون ضغط نفسي بمعني تخويفها من المستقبل مع واحد معندهوش امكانيات مادية(متزعلش مني اخي ايزاك) ويمكن من كتر الزن البنت تخلت عنك بدليل انها سابتك من غير اي مقدمات تدل علي انها مقتنعة وراضية بكده.......وبعد ما اتخطبت لذو الامكانيات ولكنه في النهاية خيب ظن الاهل يمكن هي فاقت من الصدمة وحسيت انها فقدت الحب الصدق منك وفكرت تسترجعه بسرعة قبل ما اهلها يوافقوا علي واحد تاني ....في حاجة كمان مين عارف في الخطوبة التانية كانت حاسة بايه يمكن كانت بتتالم لكن متقدرش تعمل خطوة جريئة جايز يكون لضعف شخصيتها او تردده لكن مش شرط يكون خيانة لحبك ليها ..........صدقني في انواع كتيرة كده من البنات حتي مهما بلغت درجة تعليمهن وثقافتهن............علي العموم حتي لو تحليلي ده كان صح القرار في الاخر يرجع ليك ومتندفعش ورا شعورك بالانتقام منها او حتي انها صعبت عليك لكن حكم قلبك كويس وصلي بعمق ويا ريت تكتب ورقة علي المذبح وتطلب من ربنا يرشدك