‏10‏ قتلي في مذبحة مروعة وغامضة في بني مزار

[deedy]

تم القبض علي سفاح بني مزار المريض نفسيا

http://www.ahram.org.eg/Index.asp?Cu...4.htm&DID=8721

[Safnat_Fa3nash007]

ايه الحلاوه ديه







انا شايفوا شايفوا بس فين مش متذكر





اه افتكرت في النحي نحي نام
قصدي في جنينه الحيوان هههههههههه

اللهم لا تؤاخنا عما فعله السفهاء منا يا رب العالمين هههههه

[baby]

احلى نكته ان واحد عنده فصام ارتكب جناية يفتكر هو عمل اه بعد الحادثه بالتفاصيل اه الحلاوة دى
شوية شويه هيخلوا المجنى عليهم ينطقوا من الاخره ويقولوا هو ائلى عملها يا عالم يا هو بلاش ضحك على الناس الناس مش غبية انتو شايفين الختم على اقفا الناس والا اه

[mena_hot]

بس غريبة يا صفصف قفاه مش وارم ولاحاجة وكل حاجة تمام

[elmafdy]

لا يا بيبى , الارجح أنه هو اللى عمل العمله دى , بس ما عندوش فصام ولا نيله , فصام دى بتتقال لما الجريمه يكون فيها حاجه مش عاوزه تتقال , أو مكسوفين يقولوها , عموما مش ها نفتى , و ها نستنى لما نعرف تفاصيل اكتر .

اللى عاوز اقوله بس انه ما طلعش مسيحى زى ما بعض الهمج افتوا بكده و بنوا كلامهم و قلوا ادبهم على اساس ان وهمهم ده حقيقه , طلع مسلم و مربى دقنه و مكتوب فى الجرايد انه صلى العشا فى الجامع الاول قبل ما يروح يقتلهم .

مش عارف ازاى واحد متدين و مربى دقنه و بعد ما يصلى فى الجامع يروح يعمل الجريمه البشعه دى , معلش , ما هو عنده فصام

و ربنا يرحمنا جميعا

المفدى

[Mrs 2ana 7or]

حسب تقرير الطب الشرعى ان القتل تم بطريقه سليمه من حيث فتح البطن واستئصال الاعضاء وغيرة
وقالوا انه تم بكل هدوء كما لو كانت عن خبرة بالجراحه

طب واحد معاه اعداديه عمل كل ده ازاااااااى
وازاى يدخل البيوت بكل سهوله ويدبح اسر كامله باطفالها ومافيش ست صوتت وقالت يالهوتى اللى كانت كافيه تلم البلد عليه وترعبه

فى شيئ غامض
احساسى ان القضيه اتكلفتت ولبسوها لواحد عيان يعنى ولا يوم سجن ودم الناس راح وخلاص

الله يرحمنا من الشرور دى يا رب

[para`o]

الموضوع يا جماعة فى كثير من الغموض و القيل و القال
محدش هيحس بالموضوع إلا ناس وسط الصعيد المنيا و أسيوط الموضوع فى ريحة كدة مش عارف
تقريبا سحر أو سحر أسود كمان لفتح مقبرة ما و قد يكون هذا الشاب مشترك مع من هم أكبر منه قوة و نفوذا
صدقونى الموضوع فيه حاجة تخوف أنا من صغرى و بسمع عن المواضيع و الأساطير دى حتى من المتعلمين
هنحاول فى الأسابيع القادمة تقديم تقرير مفصل عن أستخدام السحر و الشياطين فى وسط الصعيد لفتح الكنوز و التخلص من الأعداء و أسلمة البنات المسيحيات

الموضوع أكبر من سفاح مجنون بكتيييييييير و الحكومة مش عارفة تقول للناس أيه
طيب ليه تم القبض على جميع الشيوخ و السحرة فى محافظة المنيا بعد الحادث مباشرة ؟؟؟؟؟؟؟؟؟؟
أنتظرونا فى كيميت ساجى فى تقرير مفصل يصدر خلال الأسابيع القادمة

[zaki]

هو فعلا الموضوع اساسة سحر يا باروا

لكن اللى يفقع انهم يجيبوا واحد ويقولو ان هو اللى قام بالموضوع كلة لوحدة
بقا فية واحد لوحدة يقتل 3 اسر لاء واية كلة من غير حس يعنى ولا عيل جرى ولا ولية رقعت بالصوت ولا راجل قاوم

وكمان يؤلو علية مريض نفسيآ علشان تسقط من علية العقوبة الجنائية

كان لازم وزير الدخلية يعمل كدة . يجيب اى عبيط يعملة شماعة لان شعبيتة بقت زى الزفت ومش عارف ازاى متنيلش واتغير فى التعديل الوزارى اللى فات
خصوصآ ان مظاهرات كتير اوى طالبت بأقالتة ومفيش فيدة


وكمان انا شامم رأحة مغاربة فى الموضوع دا
هما بالذات اللى عباقرة السحر فى كشف الاثار فى مصر

[Miro]

فعلا انا كمان عندى احساس انه مش لوحدة او ممكن كمان يكون حد تانى

[fanous2102]

مش محتاجه مغاربه
بتوع سوهاج بالذات الخمايمه لهم في السحر الاسود
و موضوع فتح الكنوز ده معروف لكل اهل الصعيد
الموضوع فيه سر كبير و الحكومه مش عايزه تتكلم

[pharon d'egypte]

طب قتل عشرة فى ساعتين وهاعديها

مافيش اى مقاومة من الضحايا وهاعديها

الطريقة المتماثلة لقتل جميع الضحايا ومش مشكلة نعديها

برود اعصاب من الجانى بانه يقتل زكور حمام ووضعه امام الضحايا الزكور وزبح اناث حمام ووضعه امام الضحايا الاناث كل ده مش مشكلة

انا عايز اعرف الحمام زنبه ايه عشان يدبحه المجرم ده؟

ههههههههههههههههههههههههه انا ممكن اقتنع ان الشمس تشرق من الغرب لكن مستحيل اقتنع ان الجريمة دى يقوم بيها واحد بس ومن غير اى تجهيزات مسبقة

زمن الهنود الحمر انتهى يا وزارة الداخلية

[tarekmounir]

حكاية القاتل اللى قبض عليه رجالة "حبيب امه" مش داخلة دماغ اى واحد من الشارع المصرى والكل حاسس ان الحكاية دى من تأليف "حبيب امه" عشان يدارى خيبته ويكفى على الخبر ماجور ... بس ياخوفى احسن يلاقوا المختل ده هرب منهم او شنق نفسه فى زنزانته عشان الموضوع يموت خالص.

مختل بني مزار فشل في تمثيل الجريمة 1/5/2006 8:01:00 PM


المنيا- وجهت نيابة بني مزار تهم القتل العمد والتمثيل بالجثث لمحمد علي عبداللطيف الذي اعلنت اجهزة الامن مسئوليته عن مذبحة قرية شمس الدين بالمنيا.

كما قررت النيابة الإفراج عن شقيقته التي اعترفت بغسل جلباب ملوث بالدماء يخص المتهم.

كان فريق من أعضاء النيابة قد اصطحب المتهم للمنازل الثلاثة التي شهدت المذبحة لتمثيل ارتكاب الجريمة وبدا خلال المعاينة التصويرية كأنه فاقد للذاكرة ولم يفسر كيفية ارتكابه الجريمة او مكان اخفائه الاعضاء التناسلية التي قطعها من جثث الضحايا .

http://masrawy.com/News/2006/Egypt/C...benimazar.aspx