لحظة حب وود وإخاء ورحمة ونظرة للمستقبل

[honeyweill]

welcom
اهلا بيك في منتداك
حماده المصري

[FiberOptics]

انا اي نعم عندي امتحان بكرة .. بس يلا ححاول ارد برضه .. عشان بس انبسطت لما ملقتش حد بيستهزا زي ما شوفت في اغلب المواضيع هنا ..

الصديق موسى : انت كتبت

ولماذا الصدمة أخي !
وماذا نفعل نحن فقد صدمنا منكم و بافعال اخوانك المسلمين من اعتداءات علي الكنائس و هدم وحرق و قتل و خطف بنات و اضطهاد في كل مكان في المدرس - العمل - التعيين - حتي وسائل المواصلات وجدنا هناك الاضطهاد فلماذا لم تصدم من ذلك ايضا .
لماذا لم تصدم ونحن في عام 2006 ولا نستطيع بناء دورة مياة بكنيسة الا بتصريح من معالي الرئيس . لماذا لم تصدم و قد كثر المتخلفين عقليا يهددون الكنيسة و المصلين الأمنين العزل من السلاح . لماذا لم تصدم و الدولة تعامل المسيحيين بالكبت الاعلامي .
احكم بنفسك هل هناك مساواه بين القبطي و المسلم في مصر .

انا معاك ان كل الي بتقول عليه ده صدمات بس هل الصدمات دي حنصلحها ونحلها بالصدمات الي انا شوفتها وقصدي عليها هنا .. احنا مش المفروض دلوقت على النت .. هل انا جيت وسبيت او شتمت هنا هل جيت انا هديت المنتدى مثلا .. عشان الاقي مواضيع وردود بعيدة كل البعد عن البناء والإصلاح
انا معاك ان الي بيحصل في شوارعنا المصرية هو صدمة ومهزلة .. ولكن اريد ان انوه الى نقطة هامة ارجو ان لا تحاول ان تتجاهلها ..
الأخطاء الموجودة انا كمان كمسلم بعاني منها ومستاء منها .. فمش معنى انها موجودة اننا كمسلمين راضيين بها ومقتنعين بها .. كما قلت هناك جزء من الشعب المصري بشقيه المسلم والقبطي غير راضي عن ما يحصل واصحاب السطلة هم السبب مش عشان لانهم مسلمين الافعال السيئة لا ترتبط بدين صديقي .. الافعال السيئة حاجة موجودة كل البشر .. واحنا كبشر عاقل وواعي لازم نواجهها هي ..

انا على فكرة بشتغل في مجال الكمبيوتر واول شركة اتعلمت فيها وفهمت فيها كان شركة لناس أقباط بحبهم ومتاكد من انهم بيحبوني وبنعيد على بعض لحد دلوقت وبزورهم ومينا صديقي كان شغال معايا برضه ووالله انا مش بفتعل أكاذيب عشان اقنعكم بصداقات حقيقة ليا بس انا بحاول اقول ان مش بالاستهزاء او السخرية حنقدر نحل مشاكل مجتمعنا كله بيعاني منها احنا كلنا في مركب واحد يا نغرق كلنا يا نعيش كلنا .. ومستحيل حندي فرصة لمجموعة تقتل الباقي على حساب فرض رأيها او تنفيذ إرهابها الفكري

انت كتبت

وماذا يقول الاسلام في الكتاب المقدس الذي توصفونه بالتحريف ان مجرد الدفاع عن الكتاب المقدس هو هدم للعقيدة الاسلامية . اخي لا تحزن فهذه حقيقة مؤكدة ولابد من الاعتراف بها انتم تدعون علينا مثل هذا و من حقنا الدفاع فلا تعتبر ذلك اهانة والا اعتبرنا ادعائك اهانة موجه لعقيدتنا .

انا زي ما قلت غير مطلع وغير مثقف دينيا بطريقة تسمح لي بان افتي او اقول افترا بس الي اعرفه اننا بنؤمن بالديانة المسيحية وبنؤمن بالمسيح عليه السلام اما اذا كان هناك تحريف عندكم فهذه شيء تعالجونه انتم بنفسكم وانا مليش اي دخل في اني اقول محرف او لا .. مش من حقي يعني اقول كده .. وانا مش بقول كده دلوقت انا بس بخلي ذمتي من الي انت بتقوله لاني مش بقول كده كمسلم مش بقول ان الانجيل


انت كتبت

اخي انت كما أعلمتنا انك جديد بمنتدانا فمن اين لك ان هناك كلام لهو وعبث ان الكلام الذي تدعي عليه بذلك موثق بالكتب و الادلة المادية الاسلامية فحدد اللهو و العبث من فضلك و لا يكون كلامك عائما .

انا تصفحت المنتدى .. وفيه ناس كتير بتفضل تضحك خلال المواضيع في امور لا تدعو الى الضحك ابدا .. انا ده الي شوفته .. وانا مش جديد على المنتديات يعني بقالي سنين مقضيها بكتب في منتديات ومش شايف اي داعي للضحك والسخرية من أمور نحن كمسلمين وأقباط المفروض منضحكش فيها واحنا بنتكلم عليها بالمرة ومفيش داعي اجيبلك وصلات عشان تشوف انت اتصفح وشوف ولو عجزت انا رؤية ذلك .. انا حجبلك وصلات تشوف بنفسك .. ده غير ان فيه اهانات ناس كتير بتقولها عن الرسول الكريم محمد وعن معتقداتنا احنا كمسلمين
والدفاع عن دين او عقيدة او فكر .. لا اعتقد انه بيكون بتفنيد الرأي الاخر والفكر الاخر .. يعني الدفاع لا يحتاج لهجوم لأثبات الحقائق


انت كتبت

قصة جميلة فعلا وماذا فعل صديقك مينا بعد حرق كنيسة العصافرة لسه بيضحك علي خيبته . المتعصبين والاغبياء المسلمين هم اللذين يعرفون امور دينك ودنياك وانت اعترفت انك غير مطلع كليتا علي امور دينك اذن فلست متعصب فهل سياتي يوم لك لتطلع علي امور دينك و تقرأ سورة التوبة آية 29 لتتعلم امور دينك السمح .

قرأت الاية يا صديقي الاية لا يوجد فيها اي تعدي على الديانة القبطية او المسيحية الاية تفيد او تحثنا في رايي على مقاتلة من لا يؤمن بالله وانتم تؤمنون بالله وايضا تحثنا على مقاتلة الذين لا يؤمنون باليوم الاخر ( يوم القيامة يعني ) وانتم تؤمنون باليوم الاخر
وعايز اقولك برضه على حاجة حاول تقرا الاية السابقة لهذه الاية فالايه الي بتقول عليها نزلت في سياق احداث تاريخية اقرا الاية السابقة لها وانت حتفهم قصدي ايه تحديدا

انت كتبت

استاذي الفاضل هات لي مسيحي ارهابي .. هات لي مسيحي حرق مسجد .. او قتل شخصا داخل المسجد .. هات لي مسيحي يضطهد مسلم . لن تجد . أتعرف لماذا لأن ايماننا ليس كذلك بل ايماننا محبة الآخر بل محبة الاعداء فهل ايمانك مثل ايماننا .

صديقي اجبلك ازاي مسيحي بيعمل كده .. عارف ليه مقدرش اجبلك عشان مش حينفع يبقى مسيحي ويعمل كده مش حقول عليه انا قبطي او مسلم .. حقول عليه متخلف او غبي الي يعمل كده

انت كتبت

صدقني انا نفسي كل مصر تعيش في سلام ومحبة و اخوية لكن أتضمن ان الحكومة المصرية تعطي حق الاقباط لهم مستقبلا و تلغي الخط الهمايوني . اتضمن ان لا يظهر متخلف مسلم آخر و يقتل شيخا مسنا وهو يقول فداك ابي وامي يا رسول الله .
اخي فلنتكلم بالعقل و القلب معا و ليس بالقلب فقط فالقلب لغة احادية لا تنتظر منها سوي الكلام فقط بدون فعل
فماذا فعلت انت بعد احداث الاسكندرية وبحسب كلامك انك اسكندراني .

وانا كمان نفسي مصر وكل الشعوب العربية تعييش في سلام وأمن وحرية ومساواة
ولكن مش مش حيحصل طول ما احنا بنتقاتل على النت .. يعني على الاقل احنا دلوقت على النت عشان على الاقل نتفاهم ونتكلم بلاش نحل مشاكل على الاقل نعزز حبنا لبعض ولـ وطنا مصر ..
المسلم الي حيقتل دون ده مش مسلم يا صديقي .. متقولش عليه مسلم ..
المفروض ان فيه قضاء هو الي يحكم دلوقت .. ومفيش اي حق لاي حد انه يحلل دماء انسان ويقتله
وعايز اقول كمان ان يوم الي حصل في الكنيسة في محرم بك صديقي مينا كان مستاء من الي حصل من اخوانا المسيحيين في الكنيسة ( المسرحية ) ( وهي مش موضعنا دلوقت ) وانا كنت مستاء من الرد الفعل الغير عاقل من الي قامو بتهديد الكنيسة يعني اانا وصديقي كان مش عاجبنا الطرفين واحنا مقعدناش نضحك طول الوقت اتكلمنا شوية عن الي حصل وبعدين هو قالي وهو بيضحك متيجي توصلني يا ابني لحد البيت انا خايف حد يطلعلي بسيف ولا حاجة .. قلتله متخفش ابقى رنلي وضحكنا وكل واحد روح على بيته

الصديق موسى في النهاية :انا بعرض عليك صداقتي .. كمسلم وقبطي واتمنى ابقى اشوفلك مواضيع تحث على الحب والإخاء والحرية والمساواة زي ما كلنا عارفين ان سيدنا المسيح عليه السليم كان بيدعو وزي ما سيدنا محمد كان دايما برضه بيقول ويدعو الناس كلها لذلك

وححاول ارد على باقي الاصدقاء ان شاء الله

[موسي الأسود]

انا اي نعم عندي امتحان بكرة .. بس يلا ححاول ارد برضه .. عشان بس انبسطت لما ملقتش حد بيستهزا زي ما شوفت في اغلب المواضيع هنا ..

اخي و حبيبي اهلا بك مرة اخري

انا معاك ان كل الي بتقول عليه ده صدمات بس هل الصدمات دي حنصلحها ونحلها بالصدمات الي انا شوفتها وقصدي عليها هنا .. احنا مش المفروض دلوقت على النت .. هل انا جيت وسبيت او شتمت هنا هل جيت انا هديت المنتدى مثلا .. عشان الاقي مواضيع وردود بعيدة كل البعد عن البناء والإصلاح

تريد البناء و الاصلاح وكاننا من نهدم نحن نريد مصرنا اجمل بلد نريدها خالية من التعصب الأعمي نريدها بلد الأمان و لكن هل نحن من نزرع عدم الامان بين الناس . هل نحن من نرهب الناس و نقتلهم داخل كنائسهم .

انا معاك ان الي بيحصل في شوارعنا المصرية هو صدمة ومهزلة .. ولكن اريد ان انوه الى نقطة هامة ارجو ان لا تحاول ان تتجاهلها ..
الأخطاء الموجودة انا كمان كمسلم بعاني منها ومستاء منها .. فمش معنى انها موجودة اننا كمسلمين راضيين بها ومقتنعين بها .. كما قلت هناك جزء من الشعب المصري بشقيه المسلم والقبطي غير راضي عن ما يحصل واصحاب السطلة هم السبب مش عشان لانهم مسلمين الافعال السيئة لا ترتبط بدين صديقي .. الافعال السيئة حاجة موجودة كل البشر .. واحنا كبشر عاقل وواعي لازم نواجهها هي ..

انت كمسلم لا تعاني كما اعاني .. أنت كمسلم لم يدخل عليك احد بالمسجد يوم العيد و يقتل شيخا بريئا . انت كمسلم لم يقم الناس عليك ليعتدوا علي كنيستك كما حدث في العديسات او العياط أو غيرها . أنت كمسلم لا تاخذ تصريح من الباب العالي لبناء دورة مياه بكنيسة .

انا على فكرة بشتغل في مجال الكمبيوتر واول شركة اتعلمت فيها وفهمت فيها كان شركة لناس أقباط بحبهم ومتاكد من انهم بيحبوني وبنعيد على بعض لحد دلوقت وبزورهم ومينا صديقي كان شغال معايا برضه ووالله انا مش بفتعل أكاذيب عشان اقنعكم بصداقات حقيقة ليا بس انا بحاول اقول ان مش بالاستهزاء او السخرية حنقدر نحل مشاكل مجتمعنا كله بيعاني منها احنا كلنا في مركب واحد يا نغرق كلنا يا نعيش كلنا .. ومستحيل حندي فرصة لمجموعة تقتل الباقي على حساب فرض رأيها او تنفيذ إرهابها الفكري

وماذا يمكنك فعله و الدولة تساعد علي نشر الارهاب و اعطت حرية اكثر للإخوان المسلمين !

انا زي ما قلت غير مطلع وغير مثقف دينيا بطريقة تسمح لي بان افتي او اقول افترا بس الي اعرفه اننا بنؤمن بالديانة المسيحية وبنؤمن بالمسيح عليه السلام اما اذا كان هناك تحريف عندكم فهذه شيء تعالجونه انتم بنفسكم وانا مليش اي دخل في اني اقول محرف او لا .. مش من حقي يعني اقول كده .. وانا مش بقول كده دلوقت انا بس بخلي ذمتي من الي انت بتقوله لاني مش بقول كده كمسلم مش بقول ان الانجيل

اذا رددنا علي شبهة تحريف الانجيل نثبت تحريف القران و اذا قلنا ان القران محرف تقولون يسبونا . فلما لا تراعي مشاعر الآخر كي يراعي هو مشاعركم . اين كنت حين كان الشعراوي يسب السيد المسيح و يتهم الانجيل بالتحريف في التلفزيون المصري يوميا و المسيحي المفروض عليه ان لا يرد ووسائل الاعلام اغلقت ابوابها امامه ! فهل تسبوا مقدساتنا و لا تريدونا حتي ان ندافع عن مقدساتنا .

انا تصفحت المنتدى .. وفيه ناس كتير بتفضل تضحك خلال المواضيع في امور لا تدعو الى الضحك ابدا .. انا ده الي شوفته .. وانا مش جديد على المنتديات يعني بقالي سنين مقضيها بكتب في منتديات ومش شايف اي داعي للضحك والسخرية من أمور نحن كمسلمين وأقباط المفروض منضحكش فيها واحنا بنتكلم عليها بالمرة ومفيش داعي اجيبلك وصلات عشان تشوف انت اتصفح وشوف ولو عجزت انا رؤية ذلك .. انا حجبلك وصلات تشوف بنفسك .. ده غير ان فيه اهانات ناس كتير بتقولها عن الرسول الكريم محمد وعن معتقداتنا احنا كمسلمين

اخي نحن لا نحكر الحرية عن احد وعندنا هنا المنتدي ديمقراطي جدا بدليل اننا نبقي سباب الاعضاء الغير محترمين ( أسف في اللفظ ) لنا
فاذا جاء احد الأعضاء بموضوع معين كحديث رضاع الكبير مثلا و كتبت لزمة غير جارحة و مثبته بالادلة و البراهين الاسلامية فلا تعتبر هذه سباب لأنا مبرهنة .

والدفاع عن دين او عقيدة او فكر .. لا اعتقد انه بيكون بتفنيد الرأي الاخر والفكر الاخر .. يعني الدفاع لا يحتاج لهجوم لأثبات الحقائق

في هذا انا مختلف معك اذا كان هناك اثنان و اتهم الواحد الآخر بالسرقة فمن حق الآخر الدفاع عن نفسه عسي أن يكون الأول هو السارق و ليس الأخر . هكذا تمشي الأمور .

قرأت الاية يا صديقي الاية لا يوجد فيها اي تعدي على الديانة القبطية او المسيحية الاية تفيد او تحثنا في رايي على مقاتلة من لا يؤمن بالله وانتم تؤمنون بالله وايضا تحثنا على مقاتلة الذين لا يؤمنون باليوم الاخر ( يوم القيامة يعني ) وانتم تؤمنون باليوم الاخر
وعايز اقولك برضه على حاجة حاول تقرا الاية السابقة لهذه الاية فالايه الي بتقول عليها نزلت في سياق احداث تاريخية اقرا الاية السابقة لها وانت حتفهم قصدي ايه تحديدا

يا أخي كمل الأية ( ولا يدينون دين الحق ) و لا تنسي أن تقرأ التفسير من كتب التفسيرات كالبخاري و القرطبي ..

صديقي اجبلك ازاي مسيحي بيعمل كده .. عارف ليه مقدرش اجبلك عشان مش حينفع يبقى مسيحي ويعمل كده مش حقول عليه انا قبطي او مسلم .. حقول عليه متخلف او غبي الي يعمل كده

صدقني مش ها تلاقي

وانا كمان نفسي مصر وكل الشعوب العربية تعييش في سلام وأمن وحرية ومساواة
ولكن مش مش حيحصل طول ما احنا بنتقاتل على النت .. يعني على الاقل احنا دلوقت على النت عشان على الاقل نتفاهم ونتكلم بلاش نحل مشاكل على الاقل نعزز حبنا لبعض ولـ وطنا مصر ..

اخي ربنا يكثر من امثالك

المسلم الي حيقتل دون ده مش مسلم يا صديقي .. متقولش عليه مسلم ..
المفروض ان فيه قضاء هو الي يحكم دلوقت .. ومفيش اي حق لاي حد انه يحلل دماء انسان ويقتله

يا اخي قول يا باسط قضاء مين القضاء الموالي للإخوان الآن القضاء الذي برأ جميع المتظاهرين في احداث الاسكندرية و حرق كنيسة العصافرة القضاء الذي برأ متهمي الكشح جميعا بعد ان قتل الكثير و اصابة الكثير و تدمير الكنيسة . كل اللي بيدخلوا للقضاء من المسلمين في مثل هذه القضايا أبرياء لأن القاضي يضع امام ذهنه آية التوبة و أمثالها من الآيات التي تحض علي قتل المشركين . و بما ان القبطي يؤمن بالمسيح الها و مخلصا يبقي القبطي مشرك و يجب قتله . و لذلك يسموننا كفارا .

وعايز اقول كمان ان يوم الي حصل في الكنيسة في محرم بك صديقي مينا كان مستاء من الي حصل من اخوانا المسيحيين في الكنيسة ( المسرحية ) ( وهي مش موضعنا دلوقت ) وانا كنت مستاء من الرد الفعل الغير عاقل من الي قامو بتهديد الكنيسة يعني اانا وصديقي كان مش عاجبنا الطرفين واحنا مقعدناش نضحك طول الوقت اتكلمنا شوية عن الي حصل وبعدين هو قالي وهو بيضحك متيجي توصلني يا ابني لحد البيت انا خايف حد يطلعلي بسيف ولا حاجة .. قلتله متخفش ابقى رنلي وضحكنا وكل واحد روح على بيته

هههههههههههه ربنا يخليكوا لبعض .
الصديق موسى في النهاية :انا بعرض عليك صداقتي .. كمسلم وقبطي واتمنى ابقى اشوفلك مواضيع تحث على الحب والإخاء والحرية والمساواة زي ما كلنا عارفين ان سيدنا المسيح عليه السليم كان بيدعو وزي ما سيدنا محمد كان دايما برضه بيقول ويدعو الناس كلها لذلك
أهلا ومرحبا بك صديق جديد معنا و انت موضع ترحيب دائما في منتدي الأقباط
ولك حبي و احترامي

[The_Lonley_Wolf]

صديقي مش انا الي بعمل الهجمات دي الي انت بتقول عليها

انا معاك ان التطرف فى الاسلام بيبقى حوالى 97% و أن فى 3% كويسين زيك بس هل عشان ال3% دول أسامح ال97% اللى عمالين يقتلوا فيا كل يوم و التانى؟؟

ثم هل ال3% دول موقفهم سليم من ال97% بسكوتهم عليهم بل و الدفاع عنهم؟؟

ثم هل الأسلام أشخاص؟؟ الأسلام تعاليم و تعاليم منافية و مضادة للانسانية زى ماكل بصير شايف من خلال القرأن و السنة يبقى اسيب كل ده و أقول مدام FiberOptics تمام يبقى الاسلام و باقى المسلمين كلهم تمام برضو؟؟

انا فاهم و انت فاهم انا مش عايش بره مصر انا عايش فى مصر وسطكم من ساعة ماتولدت و فاهم و عارف و انت كمان فاهم و عارف و اللى فى القلب فى القلب فى الاخر

[FiberOptics]

المشاركة الأصلية بواسطة The_Lonley_Wolf

انا معاك ان التطرف فى الاسلام بيبقى حوالى 97% و أن فى 3% كويسين زيك بس هل عشان ال3% دول أسامح ال97% اللى عمالين يقتلوا فيا كل يوم و التانى؟؟

ثم هل ال3% دول موقفهم سليم من ال97% بسكوتهم عليهم بل و الدفاع عنهم؟؟

ثم هل الأسلام أشخاص؟؟ الأسلام تعاليم و تعاليم منافية و مضادة للانسانية زى ماكل بصير شايف من خلال القرأن و السنة يبقى اسيب كل ده و أقول مدام FiberOptics تمام يبقى الاسلام و باقى المسلمين كلهم تمام برضو؟؟

انا فاهم و انت فاهم انا مش عايش بره مصر انا عايش فى مصر وسطكم من ساعة ماتولدت و فاهم و عارف و انت كمان فاهم و عارف و اللى فى القلب فى القلب فى الاخر

لا انت مش معايا .. لاني مقولتش كده يا عزيزي .. ومن اين لك هذه النسبة !!
عزيزي انا بالرغم من ان موضوعي بعيد كل البعد عن اي حوار او مناقشة دينية بحتة .. الا ان اغلب الردود هنا بلاقيها في الاخر بترجع وتقول الدين والدين
وانا عارف كويس .. محدش يقولي انت في قسم حوارات الاديان ..

وعكس ما قلت انت .. هل تعتقد ان فكري منافي ومخالف للمنطق والعقل ومخالف لأبسط مفايهم ومبادىء الانسانية ؟! ما انا مسلم ومسلم بيحاول على اد ما يقدر يطبق تعاليم دينه .. زي اي مسلم وزي زي اي انسان برضه بيحاول يشوف الاستقرار في بلده ومنطقته وانا ضد كل أنواع العنف بكل أشكاله ومع الحوار والمناقشة السليمة العاقلة
وتعاليم ديني هي التي حثتني على كل هذا .. يعني بجد والله يا أصحاب انا مش بشوف في الاسلام كل الي انتم بتقوله ..
دينا بيدعو للمساواة والحرية وضد القتل والتدمير .. المشكلة ان فيه كتير من الاحاديث او الايات انتم فاهمينها غلط زي ما ممكن انا افهم جمل او كلمات بشكل خاطىء في الانجيل مش حروح اقول ده الانجيل مش كتاب سماوي .. لاني انا مؤمن بكل الكتب السماوية ولان تعاليم ديني ومفاهيمة هي التي وضحت لي ذلك

ما انا كمان عشت زيك في مصر .. وليا أصحاب من وانا صغير أقباط وعلاقتنا متصلة الى الان وكلها حب وود ومحبة ومفيش اي ضغائن او خلافات .. واحنا صرحا مع بعض في مثل هذه النقاط خصوصا بعد الي بنشوفه من أحداث مفتعلة ومتطرفة وأفعال نادرة وجديدة علينا كمجتمع مصري عربي .. وايه هو الي في القلب .. لو قصدك انك مش طايقني مثلا تقدر ببساطة ان لا تدخل على موضوعاتي او حاول ان تتجاهل كلماتي او ردودي .. وانا الي مش حيحترم وجودي هنا ححاول اتجاهله .. وحاول توضح أكتر كلامك بعد كده عشان اقدر ارد عليك واوضحلك وجهة نظري .. على الاقل احنا نقدر نفهم بعض كويس هنا