من يوافق على توريث مصر لجمال مبارك ؟

[MeGoO]

المشاركة الأصلية بواسطة nosha

ليه بس الإحباط دة ؟
اللى احنا فيه دة سببه التفكير السلبى و النظرة التشاؤمية دى
طول ما احنا بنفكر بالطريقة دى حالنا حا يفضل يتدهور من سيئ لأسوأ ،

مش انت مؤمن إن " إله السماء يعطينا النجاح و نحن عبيده نقوم و نبنى " ؟
و إنى " أستطيع كل شئ فى المسيح الذى يقوينى " ؟

يبقى لزومه إيه التشاؤم اللى ها يجيبنا ورا دة ؟

مش تشاؤم ولا حاجه,

لكنه واقع, و انا نفسى ان كل حاجه تتغير زى ما انتوا بتقولوا

لكن ياريت نعمل مقارنه و نشوف اذا كان الطريق اللى انتوا ماشيين عليه ده بيجيب نتايج فعلا ولا لأ؟ يعنى نعمل دراسه فعلية للواقع , و الماضى للمنظمه و الأقباط عموما, و نشوف ايه اللى حصل , و حصل فى وقت اد ايه, و ايه اللى ما حصلش

بالمقارنه باليهود اللى بنوا دولتهم فى 50 سنه, لانهم ما كانوش بيرغوا, كانوا بيعملوا, لووا دراع أمريكا, فباست رجلهم, و الأقباط مش هياخدوا حقهم أبدا علشان سواد عيونهم, لكن علشان هم لووا دراع حد, شوفوا طريقه إلووا بيها دراع أمريكا أو اى دول تانيه تقدر تساعد الوضع

الكل ناسى اليونان, مع انها بنت عم مصر فى كل حاجه, و اليونان عضو فى الإتحاد الأوروبى, يعنى مش قليله, و انا شخصيا أعرف يونانيين فى مصر متعاطفين, لكنهم من العامه زيينا, فى وجهة نظرى لازم الموضوع يتصعد اكتر
وكمان لازم رأى الشعب الامريكى كمان يبقى متعاطف معانا
الامريكان ما يعرفوش حاجه عن الاقباط, كان فيه واحده بكلمها بقوللها Copts افتكرتها Cops البوليس, و قاليتلى بعد ما عرفتها بيهم انها عاوزه تعرف امثله للإضطهاد اللى احنا بنقول عليه, فاديتلها لينك الموقع ده, دخلت لقيت حاجات مالهاش علاقه بالآقباط اساسا, ووشى جاب ألوان ساعتها

يبقى احنا محتاجين تنظيم تانى لحياتنا ولا لا؟؟؟

شكرا

[marimina]

اخى الحبيب بافلى
اولا : انا باحب اسمك اوى عشان الانبا بولا من القديسين اللى باتشفع بيهم

ثانيا : انا لم اقل ان مصر تعجز عن ايجاد بديل لمبارك سوى الاخوان ولكن قصدت انه لو لم ياخذ جمال الحكم فاول من سينتهز الفرصه هم الاخوان لان ده هدفهم ولانهم اصبحوا متشعبين دلوقتى فى كل حاجه فى مصر وليهم كلمه رغم غبائهم السياسى


انا لا اعتقد ان الاقباط الان سلبين سياسيا ولكنى عن نفسى اعترف انى سلبى سياسيا لاقصى درجه .. ربما الاحباط هو السبب .. فانت تقول ان الاقباط اذا انتخبوا يمكنهم ان يغيروا النتيجه .. ومن ادراك يا سيدى ان النتيجه تنتظر اصوات المنتخبين اساسا وانها ليست محدده من قبل ان تبدأ

بالطبع انا اؤمن ان ربنا يسوع المسيح هو الذى يحافظ علينا ويحمينا سواء فى ظل حكم مبارك او الاخوان .. ولكننا هنا نتكلم عن اوضاع سياسيه واقتصاديه سوف تسؤ جدا بالنسبه للاقباط فى حال تدخل الاخوان .. انها مجرد رؤيه لما سوف تؤول اليه الاوضاع وليس خوف منها

اشكرك جدا على اهتمامك
سلام لك

[honeyweill]

انا عايز جمال يمسك بدل ما الاخوان يمسكوا

[nosha]

المشاركة الأصلية بواسطة honey

انا عايز جمال يمسك بدل ما الاخوان يمسكوا

يا أخى حرام عليك ، أمال احنا بنقول إيه من الصبح ؟

نفوذ الإخوان عمال يزيد فى عهد مبارك ، و لو إبنه ( التابع لنفس الحزب الغير وطنى ) مشى بنفس السياسة ، الإخوان ها يزيدوا ، مش ها يقلوا ، و البلد كلها ها تبقى إسلامية رسمى

[BAVLY]

المشاركة الأصلية بواسطة honey

انا عايز جمال يمسك بدل ما الاخوان يمسكوا

(نقول ثـــــــــــــــــــــور يقول إحلبـــــــــــــــــــوه)
بالذمة مش حاجة تحرق الدم؟ الناس دى بتفهم منين؟

[BAVLY]

نشأ أيمن نور فى منزل سياسى خالص حيث كان والده الأستاذ عبد العزيز نور نائبا فى مجلس الأمة فى عهد جمال عبد الناصر وكان أيضا من قيادات حزب الوفد فتربى أيمن نور على يد فؤاد سراج الدين وعندما كبر إحتل هو الآخر موقعا فى حزب الوفد وصحيفة الوفد0 وكان موضوع التعذيب فى السجون من أكبر المواضيع التى أثارت ضجة فى مجلس الشعب حيث سرب نور كاميرة إلى أحد السجون داخل رغيف خبز وتم تصوير التعذيب وقدمت الصور لمجلس الشعب قبل أن يكون هو عضوا فى المجلس وكان لهذه الصور ضجة كبيرة حيث قدم أحد أعضاء مجلس الشعب إستجوابا لوزير الداخلية آنذاك /زكى بدر وفى الجلسة صفع أحد الأعضاء زكى بدر على وجهه بعدها أقيل زكى بدر0 وعندما ترشح لمجلس الشعب عن دائرة باب الشعرية أمام نائب الحزب الوطنى / صبحى وهدان (والد / يحيى وهدان عقيد أمن الدولة الذى أنجحته الحكومة زورا فى إنتخابات مجلس الشعب الأخيرة) إكتسح نور الإنتخابات مما تسبب فى وفاة صبحى وهدان كمدا وغيظا وفى الدورة التالية ترشح أمامه نجل صبحى وهدان العقيد إياه وخسر أمام نور خسارة مدوية0 وبدأ نجم أيمن نور يسطع حيث كان أكبر إهتماماته المواضيع التى تمس فقراء الوطن ومنها البطالة ورغيف العيش حيث كان وزير التموين يتصبب عرقا خلال الجلسة (مع إن القاعة كما تعلمون مكيفة) وعندما وجد نعمان جمعة (محامى يوسف والى وزير السرطان)الذى ترأس حزب الوفد بعد فؤاد سراج الدين أن نجم نور بدأ يطغى على الساحة بدأ يتصنع معه المشاكل حتى فصل أيمن نور من حزب الوفد0 فبدأ أيمن نور يفكر فى تأسيس حزب (الغـــــــــــــــــــــد)