|
يا حارس السراب يا سابق سنك بلاش تدخل بالموضوع فى العشة و خلى المريشين فى حالهم و إلا ننتف لك الجبة والقفطان و أحط قبل إسمك مش (ص) لا هأحط (ض)
و بعدين يا سابق عصرك و أوانك الموضوع سياسى بحت و آراء الإنجيليين فيه و الذين يطلق عليهم الصهيونية المسيحية لها دوافع مختلفة تماما عن اللى قداسة البابا بيتكلم فيه و لا أعتقد أبدا إن سيدنا لما بياخد موقف مغاير لما ينادون به هو بس قاصد يدخل لهم فى دور عند و الا تبقى المسألة لعب عيال و سيدنا أكبر من كده بكتير!!
ممكن قبل ما تحاول تحط الموضوع فى إطار دينى و حكم الله على اليهود و كل الكلام ده تحاول تقرا مرة تانية ما قاله سيدنا بالضبط - هو قال إنه مش هيروح القدس إلا مع أخواننا المسلمين - هل معنى كده بقى إن لما أخواننا المسلمين يوصلوا لإتفاق و يذهبوا إلى القدس هيسقط حكم الله عن اليهود و ينتفى العائق الإيمانى و الدينى بعدم أحقية اليهود فى الأرض و يبقى ساعتها ممكن إننا نتعامل معاهم ؟؟!!!
و السؤال السهل هو : يسوع على الصليب لما قال إغفر لهم يا أبتاه كان بيتكلم عن مين؟
و من إمتى المسيحيين شغالين فيها تكفير و هجرة و بيقولوا ربنا سامح مين و مسك على مين؟
أما فيما يخص سيدنا فإحنا آخر ناس تعترض على سيدنا و محبتنا و إحترامنا له تفوق تخيل ناس كتير لكن سيدنا نفسه لا يحب شعبه أن يكون منساق كالثيران و إلا هو نفسه مش هيكون عنده أى قدرة ضغط فى أى إتجاه غيرنا - و هنبقى إحنا كده كإننا بنساعدهم فى الضغط عليه بإننا نورى لهم إننا لا نناقش و لا نعترض و بالتالى الضغط عليه وحده يوصلهم لما يريدون - و إخواننا اللى إحنا مش هنروح القدس من غيرهم هيزودوا الضغط عليه للضغط علينا و هيفتكروا إن سيدنا سايقنا و لاغى عقولنا و بالتالى كل مرة عايزين يأكلونا تراب الشوارع ما هيكون عليهم غير إنهم يعملوا فينا اللى هم عايزينه و بعدين يضغطوا على سيدنا بطريقة ما علشان يخرسونا و الا إنتم ذاكرتكم مش جايبة حتى ليوم 5يناير 2004 فى الباتموس و أهو دلوقت سيدنا إلتقى باللواء فلان و اللواء علان و معاهم على البيعة واحد بباوى و نسينا القتيل و الجريح و الخساير و الأرض !!
هى إيه الخيبة اللى إنتم فيها دى يا أقباط
|
24-01-2004
مواضيع مشابهة
النمط المتطور