مصير الأقباط لو وصل الأخوان للحكم !!!......(مدموج)

[الزعيم هيثم]

يا حج هيثم

على فكره أنا مش حج

من تعليقاتك حسيت والله ما أجعله خير ... أنك شخص تحب الدعابه و خفت الدم المصريه فأسمحي نتبحبح شويه مع بعض

يا باشا بحبح براحتك ده أنتا فى بيتك وانا ضيف عندك

أنا سمعت أشاعه من الصحافه العالميه المغرضه الشريره.... بتقول أن فيه 88 عضو بينتموا للجماعه المحظوره كتله الأخوان المسلمين ... طب مش يبقي ضحك علي الدقون أنهم محظورين بس عندهم نواب ....حتي مش فارقه معاهم أنهم يخشوا تحت عباءه حزب العمل ذي زمان ... .وسلمي علي المحظوره .....أصل أنا مش من هنا ... أنا من هناك

أنا عارف أنك بتتريق يعنى بتقول الكلام بطريقه ساخره مضحكه

الكلام مظبوط أن 88 عضو أخوان فى مجلس الشعب وعلى فكره كانوا حيبقوا اكتر من كدا بكتير يمكن كانوا حياخدوا اكثر من 60 % من كراسى مجلس الشعب

الحزب الوطنى كان يعتقد أن ليه أرضيه شعبيه فى الشارع المصرى وطبعا ده بفضل بعض المبخرتيه اللى بيقولو للريس الشعب بيحبك ووراك ياريس وكانت المفاجئه فى المرحله الاولى من الانتخابات كان الاخوان ابتدوا يكتسحوا ولو كان فى حد متابع قناة الجزيره كان حيشوف ان المرحلة التانيه والتالته كان فيها عنف وقتل لبعض الاشخاص

وممكن تتعب شويه وتدخل على موقع قناة الجزيره وتتاكد من كلامى

أما كلمة محظورة دى كلمه مطلعاها الحكومه على الاخوان عشان يخوفو اللى مش فاهم

وعلى فكره الاخوان فعلا ليهم شعبيه كبيره فى مصر وبتزيد كل يوم لاسباب كتيره

أنا فعلا معجب بوجهت نظرك بأن السادات ليس أخوانجيا

يا باشا الف شكر ليك

يا حج أنا راضي ذمتك ....هل أنت مقتنع بألي أنت بتقوله ... لم كل الأحزاب كانت منحله و المعارضه السياسيه و الكتاب و الصحفين مرمين في المعتقلات و الباقي ممنوعين من الكتابه ....

للمره التانيه أنا مش حج

ههههههههههههههههه

يا شباب من كلامكم بدنكم انتم بتغنوا وبتردوا على نفسكم ياباشا أنتا وغيرك بتقولوا ان الأقباط يغتصب حقهم ويعتقلوا ووووو وحضرتك بتقول دلوقتى أن السادات لم كل الاحزاب منحله والمعارضات السياسيه والكتاب والصحفيين مرمين فى المعتقلات والباقى ممنوعين من الكتابه

يعنى الكل يعنى الجميع وليس أفراد معينين

رغم ان اللى حصل ده كان ليه اسبابه عند السادات بردو لان كان فى معاهده مع اسرائيل وكانت اى بلبله كانت ممكن اسرائيل تتلكك وتقول مصر مش عيزا سلام ووو

المهم ياباشا أنتا عامل ايه

.... صادق يا حج هيثم من غير حلفان ... أنما الأعمال بالنيات ... الرجل السادات كان نيته سليمه وكان بيصلي ويصوم ويدعوا الله في كل ركعه للسياسين علشان يمتلا الشارع السياسى.... بس السياسين و الكتاب و الشيوعين همه ألي كانوا بيجروا علي المعتقلات علشان يستجموا ويقضوا وقت ظريف في ضيافه الأمن .... السادات يصلي ويدعوا من هنا و الشارع يفضي من هنا.... سبحان الله

ياريت الشارع فضل فاضي

للمره التالته أنا مش حج

وبجد كلامك ضحكنى كتير

ودلوقتى أرد على الزعيم موسى