مدرسة الراهبات ترفض تنفيذ حكم بإدخال المحجبات بالقوه للمدرسة

[Egyptian-dream]

دى اول مشاركة ليا هنا فى هذا الموقع
و مش هقول انا مسيحي و لا مسلم مش علشان حاجة خالص بس علشان بجد تبصولى على انى انسان .. بجد انا انسان و لو الحيوانات فى الغرب ليها حقوق ده مش علشان هي خدت الحقوق دي بالعافية زى ما كتير من الناس بتقول الحق يؤخذ و لا يعطي و الكلام بتاع حالة مرار و الاتجاه المشاكس و كل طبال بيقولها

الحيوانات هناك خدت حقوقها علشان لقت الرحمة فى قلوب الناس و لقت ناس بتقدر ان دى روح ربنا خلقها و لازم تحترم ,, لو في قلب كل واحد رحمة هنا مسلم و لا مسيحي هيقبل يتكلم مع غيره من غيره ما يسلب منه حقه كنفس و روح و نصيحة النت هنا ممكن نعمل فيه كل حاجة من غير ما حد يخوفنا انا عن نفسي ممكن اشتم اى حد هنا و معحدش هيطولنى بس ربنا طايلنى و لو فضلت اشتم هاجى يوم القيامة سواء كنت من اتباع المسيح او اتباع محمد هلاقى نفسي مع اللى بيشتموا من دول و اللى بيشتموا من دول ، ده حتى الحيوانات مش هتبقى مع الشتمامين، اتوسل لك قبل ان تشتم راعى ربك ، و قول كل اللى نفسك فيه ن قول الدين ده محرف و الدين ده كذا و كذا بس من غير ما تشتم .. و الأم اللى بتشتم هنا دى لو شوفتها فى مترو و لا مواصلة تأكد انك بالرحمة اللى فى قلبك هتقوملها علشان تريحها و ارجوك قبل ما تقول محدش بيقوم لست مسيحية كبيرة فى السن ، لا انتا غلطان ده مش علشان انها مسيحية ده علشان التناحة و الاستعباط اللى فى كل شاب او شابة ربنا مديهم الصحة و معملوش بيها .. مستنى ردكم بس ارجوكم امى و اهلى غاليين عليا اوى و بربك سواء كنت مسلم او مسيحى متشتمهمش
و شكرا

[amoni]

و مين قال لحضرتك احنا بنشتم
احنا بنقول حقايق في كتب
و حقايق في عالم واقعي

لو انت مسلم يبقي اكيد شفت الائمة في الجامع في كل يوم جمعه بيشتموا في الكفار الي هوا احنا الي برضوا بتقولوا علينا و علي اليهود اهل الكتاب

لو كنت مسيحي فاانصحك تلبس صليب و تمشي بيه في شوارع مصر في يوم و تشوف ها تتسب قد ايه و الناس ها تبصلك و المعامله ازاي

مرحبا بك في مناقشة حرة من غير شتايم بس فيه حقائق

و محمد عبده الخليجي غني اغنية سماها كلنا انسان و ما فهمتش منها و لا حاجه

[Egyptian-dream]

على فكرة كل اللى بتقوله ده مش مشكلة مسيحي و لا مسلم
دى مشكلة المصــــــــــــــــــــــــــــــــــــــــــــــ ـــــــــري
روح يا عم اي سفارة و شوف بجد بجد الذل مش كلام جرائد
لكن لو انتا مش مصري و حاطط 100 صليب و لا فى نص راسك نص كيلو زبيب صلاة و ماشي فى الوطن الحبيب هيضربلك تعظيم سلام من الحكومة قبل الناس عارف ليه
علشان المصري ده شخص مطحون مسلم و لا مسيحي مطخون فى تفكير و نظرة الآخرين و قبل الآخرين فهو مطحون لدرجة اصبح فى مرحلة ما بعد البودرة لدرجة الذرة فى نظر المصريين اهله مسلمين و مسيحيين عارف ليه علشان الفقر كله و المرض اقعده و الجهل أعماه مسلم و مسيحى على حد سواء
هقولك حاجة فى فقير بيعرف يهاجر؟ بالذات لو مسيحي قبل المسلم؟
طبعا لأه لازم يزبط ورقه تمام و حساب بنك تمام و يحبكها تمام علشان يقبلوه
المشكلة مش اننى داقق صليب و لا فى راسي زبيبة صلاة المشكلة بالنسبة للأخرين انى مصري .. و مشكلتى مع نفسي انى مصري مخلص لمصريتى و كل متهان فى الاعلام و التسفيه من شأن عقلى و حقوقى المهضومه و المواصلات الزبالة و الشغل اللى الكدابين ملوه و الحرامية نهبوه و التجار النصابين و الجشعين و التاكسجيه اللى معندهمش رحمة كل ده مش مختاج يعرف انك مسلم و لا مسيحي و انتا مش بتلحق تعرف هو مسلم و لا مسيحي

[john mark]

أزمة طالبات «الفرنسيسكانيات» تتجدد وأولياء أمور جدد يطالبون بحجاب بناتهم

10/04/2008 - 08:50:59 CEST
المصري اليوم - كتب/ هشام شوقي: شهدت أزمة حجاب طالبات مدرسة «الفرنسيسكانيات» تطورات جديدة، حيث انضم أربعة أولياء أمور إلي ولي أمر الطالبة نشوي محمد جميل، الحاصل علي حكم قضائي بأحقية ابنته في ارتداء الحجاب داخل المدرسة، وتقدموا بشكوي جماعية إلي الدكتور يسري الجمل، وزير التربية والتعليم، ضد المدرسة نفسها.
قال الدكتور رمضان محمد، المحامي الخاص بالطالبة نشوي، إنه في حالة استمرار عدم تنفيذ الحكم القضائي من قبل جهة الإدارة، فإن ولي أمر الطالبة سيقوم برفع جنحة عدم تنفيذ علي الدكتور عبدالعظيم وزير، محافظ القاهرة، والدكتور يسري الجمل، وزير التربية والتعليم.
من جانبه، قال الدكتور رضا أبوسريع، رئيس قطاع التعليم العام لـ «المصري اليوم»، إنه تلقي تأكيداً من مدير مكتب متابعة الوزير بأن الأمر الخاص بتلك المدرسة قد انتهي.
في السياق نفسه، أكد حسن الشيخ، مدير عام مكتب المتابعة التابع للوزير، أن الأمر قد انتهي ولا يوجد مانع من جانب المدرسة لارتداء الطالبات الحجاب

http://www.copts-united.com/08_copts...4/10/4177.html

[عاطف المصرى]

المشاركة الأصلية بواسطة john mark

أزمة طالبات «الفرنسيسكانيات» تتجدد وأولياء أمور جدد يطالبون بحجاب بناتهم

10/04/2008 - 08:50:59 CEST

قال الدكتور رمضان محمد، المحامي الخاص بالطالبة نشوي، إنه في حالة استمرار عدم تنفيذ الحكم القضائي من قبل جهة الإدارة، فإن ولي أمر الطالبة سيقوم برفع جنحة عدم تنفيذ علي الدكتور عبدالعظيم وزير، محافظ القاهرة، والدكتور يسري الجمل، وزير التربية والتعليم.
من جانبه، قال الدكتور رضا أبوسريع، رئيس قطاع التعليم العام لـ «المصري اليوم»، إنه تلقي تأكيداً من مدير مكتب متابعة الوزير بأن الأمر الخاص بتلك المدرسة قد انتهي.
في السياق نفسه، أكد حسن الشيخ، مدير عام مكتب المتابعة التابع للوزير، أن الأمر قد انتهي ولا يوجد مانع من جانب المدرسة لارتداء الطالبات الحجاب

http://www.copts-united.com/08_copts...4/10/4177.html

من سيوقف هذا الغزو المحمدى الاثيم - وهل سترضخ المدرسه لمثل هؤلاء الرعــاع بدعوى التحضر واحترام القانون ؟؟؟

-----------------

من سيفصلنى عن محبه المسيح
المصــــــــرى