|
|||||||
| المنتدى العام يهتم هذا القسم بالأخبار العامه |
 |
|
|
خيارات الموضوع | طريقة العرض |
|
|
|
#1
13-05-2008
|
|||
|
|||
|
مشاركة: حرام عليكم ما تولعوش فيها
يا استاذ موسى اذا كان المسلمين بيقولوا على المسيحيين انهم كفرة فالمسيحيين كمان بيقولوا عليهم كده لان الطبيعي ان كل واحد فاكر ان ديانته هي الصح و اللي مش عليها يبقى غلط و هايروح النار اظن انك متفق معايا في كده
انا عارف ان مصر طول عمرها كانت منتجة للغذاء حتى بعد دخول الاسلام و ما زالت قادرة على ذلك لكن ازاي هو دا اللي لازم نفكر فيه بدون الرجوع للدين اقصد بدون ما كل واحد يفكر في دين التاني و كل واحد يخليه في نفسه انا عارف كمان ان جمال عبد الناصر اللي فيه مسيحيين كتير لعلمك بيحبوه غلط لما ساعد باقي الدول العربية على استقلالها و رغم كده هم بيكرهونا برضه و بينكروا الجميل و المعروف انا معاك ان مش ممكن يجبر المسيحي على تعلم القران في مناهج اللغة العربية و ان القران يتم تعليمه في مناهج التربية الاسلامية بس و انا عارف ان دا مش كويس لان زي ما المسيحي مش عايز يدرس القران المسلم برضه مش عايز يدرس الكتاب المقدس فا ما ينفعش حد يجبر حد ان يدرس حاجة غصب عنه لكن انا الصراحة مش معاك ان الازهر يشيل احاديث و كلام من القران لان هو دا الدين الاسلامي اللي عايز يتبعه كله براحته لكن ما ينفعش يتبع حته و التانيه لا و اظن عندكم كده برضه بالنسبة لشيوخ الفضائيات دول ناس عايزة تكسب فلوس من ورا الدين زي القس اللي اسمه زكريا بطرس تماما و دول عقابهم هايكون شديد بالنسبة لعقيدة الاسلام لان الامام ابو حنيفة كان بيهرب من الناس عشان ما يفتيش فتوة ممكن تكون غلط و يتحمل وزرها و هو كان اعلم من كل نجوم اقصد شيوخ الفضائيات دول و المسلمين عارفين كده كويس و اي شيخ في الجامع لو قال على المسيحيين كلام لا يليق فهو يعبر عن نفسه و انا بأكد لك من حكم تجاربي ان ما بيقولش عليهم كده غير الشيوخ الجهلة لان هنا احب اعرفك ان مش كل الشيوخ اللي بيخطبوا خطبة الجمعة على علم بالاسلام و الله العظيم فيهم اللي ما يعرفش يكتب جواب بوسطة صح و انا لي تجربة مع شيخ سألته عن هل للمسيحيين حق في بناء الكنائس و بجد انا مش باقولك الكلام دا عشان اكذب عليك و لا حاجة دا حصل فعلا قالي ان ليهم الحق قلت له هاتلي كلام يثبت كده جابلي لكن انا بجد مش فاكره و الراجل دا كان الله يرحمه على قدر كبير من العلم مش زي شوية الشتامين اللي انت تقصدهم انا مصدقك ان فيه ناس مش كويسة و بتسعى لقتل المسيحيين لكن انت تنكر ان فيه ناس مالهاش اي عداوة معاكم؟ و كمان بيحبوكم و هم اكتر من اللي بيكرهوكم و الله كل حاجة مش كويسة بتحصل ليكم من اي واحد مسلم دا بيبقى جاهل و ربنا هايحاسبه حسب العقيدة الاسلامية دا كان بالنسبة للاخ موسى اما بالنسبة للاخ التاني شوتافار احب اوضح لك حاجة رغم انك برضه شميت على ضهر ايدك اني باضحك عليك و عامل نفسي كويس و انا مش كويس عموما يا سيدي ربنا يسامحك و انت مش ربنا علشان تعرف اذا كنت انا كويس و لا لأ اول حاجة احب اعرفهالك اني احب جدا ان المصريين يرجعوا يتكلموا بلغتهم القبطية الاصليه و نفسي بجد اتعلمها لكن مش لاقي حد يساعدني تاني حاجة انا مش عايزك تنكر ان المسلمين اللي في مصر دلوقت مصريين و بيحبوا مصر زيك بالضبط تالت حاجة بقى انت مين اللي قالك اني باقتبس عموما ربنا يعلم اني ما اقتبستش حاجة و اني دخلت المنتدى هنا بس علشان اكلم الناس سواء مسلمين او مسيحيين انهم يرجعوا لمصريتهم و يتعلموا لغتهم الاصلية و احب اعرف المسلمين ان ايران مسلمة لكن بتتكلم فارسي و برضه تركيا و كمان المسلمين في الصين و الهند و اوروبا و امريكا بيتكلموا لغتهم الاصلية مع معرفة اللغة العربية علشان يدرسوا القران و دا اللي انا نفسي نبقى عليه في مصر خاصة اني اعرف ان اللغة القبطية لغة ثرية و جميلة و حتى لو مش جميلة فهي لغتنا الاصلية اخر حاجة بقى ارجو منك انك تهدي معايا الحوار شوية مش معنى اني باتكلم باحترام انك تتهجم عليا و تتهمني بالكذب لاني متأكد ان اللي بيشتم على النت دا ما يقدرش يقول كلمه واحدة لو هو واقف قدام الشخص اللي هو بيشتمه في الحقيقة و ما اسهل الشتيمة و طولة اللسان على النت لانك مش هاتعرف تاخد حقك مني فاخليك محترم شوية و حسن النية يا استاذي a tot alleur mes freres christians et muslims 
|
|
#2
13-05-2008
|
|||
|
|||
|
مشاركة: حرام عليكم ما تولعوش فيها
إقتباس:
 انت داخل تكدب كده من اولها... هات لى كلمه من الكتاب المقدس بتكفير غير المسيحى !!!!! وكفى 
__________________
We will never be quite till we get our right. كلمة الصليب عند الهالكين جهالة و اما عندنا نحن المخلصين فهي قوة الله "كور 1 -1:18" ( سيظل القران اعجاز لغوى فى نظر المسلمين الجهلاء فقط.
لان معظمهم لايستطيع الكتابه بدون اخطاء املائيه )
|
|
#3
13-05-2008
|
||||
|
||||
|
مشاركة: حرام عليكم ما تولعوش فيها
عاشت ايديك يا زجل
 إقتباس:
زكريا بطرس دخل السجن في مصر وخرج من مصر باعجوبة سمائية و لم يكن في أحد الأيام بيجري وراء الفلوس .. فهل تقارن بين الشعراوي صاحب البترودولاريات السعودية و التمويل السعودي له لأسلمة مصر وما بين انسان تحطم بيته !! ومات أخوه لأنه مسيحي و بيعلم المسيحيين المسيحية !! سبق و أخبرتك ارجع الي السبب نحن لا نريد جلسات العرب وكل شيء ألسطا يا سعادة الريس و صورتين يتنشروا في الجرايد الحكومية و بعدها بكام يوم يتكرر نفس المشكلة كما حدث في الكشح و الي الآن الفاعل مجهول و الجناه حكم عليهم بالبراءة في القضاء النزية ابن النزيه المصري .    ايه ذنب البنت دي  ايه ذنب الراجل العجوز دا اخبرني الآن كم مسلم مات بالكشح !!! وكم مسلم أصيب !!
__________________
كلمة الصليب عند الهالكين جهالة و اما عندنا نحن المخلصين فهي قوة الله "كور 1 -1:18 لى النقمة ان اجازى يقول الرب رفعنا قلوبنا ومظلمتنا اليك يارب الأقباط يصرخون و المسلمون يعتدون و الشرطة يطبلون إن الفكر الخاطئ يضعف بمجرد كشفه
|
|
#4
13-05-2008
|
|||
|
|||
|
مشاركة: حرام عليكم ما تولعوش فيها
إقتباس:
http://www.copts.net/forum/showthread.php?t=28374 مصر وردة الروح.... أنا معجب بهدؤك ورازنتك في الحوار لكن غير مقتنع أنك مسيحي ... وده حقك ... سر في ودنك الأقباط عندهم حساسيه تكشف غير المسيحي علي طول .... بنفتح المندل ...وكله مكشوف في الفنجان المقلوب...  سيبك من النقطه دي علشان ما نختلفش في شئ فرعي غير أساسي برغم أن هدفك جميل ونبيل وكل الأقباط بيحلموا بيه من سنين طويله  ... وأتمني أن يكون هناك كتير من أمثالك الطيبين .... لكن للأسف منطقك وأسبابك ووسيلتك غير سليمه بالمره ....نسيب الخلاف الديني وغيره ... فمثلا لما الجراح يلاقي دمل وعامل صديد ...هل يغطيه و يديلك مسكن للألم ويقولك بكره حتبقي كويس ... ما ينفعش طبعا ...لا زم يفتح الدمل وينظف الجرح كويس ويسبب ألم وقتي ... بس علي المدي الطويل علاج شافي ... طبعا أنت عارف الجواب ده.... نطبق علي الواقع أهانه يوميه في المدارس وفي الشارع وفي الشغل ولما تروح البيت من الجيران وفي الفضائيات ... وبعد كده أضطهاد وقتل مباشر في حوادث كبيره ذي ما جابلك الأستاذ موسي صور شهداء الكشح ... حيث الصوره تقول ألف كلمه.... خد عندك ...الخانكه... الزاويه الحمراء... منشيه ناصر ... الكشح 1 ... الكشح 2 ... العديسات ... الكتدرائيه في قلب القاهره من قوات الأمن المركزي .... الأسكندريه داخل الكنيسه يوم جمعه ختام الصوم ... وأختفاء بناتنا القواصر و غيره وغيره وغيره ... "وجاي تقولي نرجع زي زمان قول للزمن أرجع يا زمان " أم كلثوم بتقول ماينفعش ...  لو أحنا عايزين الخير لمصر .... أول خطوات علاج الدمل هو حساب المسئول عن هذه الجرائم البشعه دي ضد أصحاب البلد المسيحين ... يعني الكشف عن سبب الجرح الطائفي ....وتقديمهم للمحاكمات العادله مش تبرائت كل المتهمين في قضايا الكشح ... و تبرائه متهم الأسكندريه والأيحاء أنه مختل عقليا وأنه بمفرده هجم علي 3 كنائس ... الكلام ده ليس له أي دعوه بفضائيات أو شيوخ جهله كما تدعي .... لكن تخطيط وتنفيذ منظم ومدعوم من نظام مصر السياسي والتنفيذي الأمني + تمويل نظام الوهابيه السعوديه .... ومرحبا بك ... ياريت تقدر تقول بصراحه مين حيولع في مصر ذي العراق ولبنان وفلسطين ....و الجزائر .... 
آخر تعديل بواسطة El-Basha ، 13-05-2008 الساعة 06:08 AM
|
|
#5
13-05-2008
|
|||
|
|||
|
مشاركة: حرام عليكم ما تولعوش فيها
إقتباس:
قل لى من فضلك هل انت مصرى ام عربى؟ اذا تفضلت باجابة السؤال سأكمل تعليقى
|
|
#6
13-05-2008
|
|||
|
|||
|
مشاركة: حرام عليكم ما تولعوش فيها
إقتباس:
shootafar انت محتاج تشم على ضهر ايدك علشان تعرف انه مصرى ... زى ما انا عملت و شميت وعرفت انه داخل يكدب ... يابتاع الورده ... سألتك سؤال ولم تجيب و لكن دخلت فى موضوع الشم !!!  يعنى انت ماعندكش اى خلفيه عن المسيحيه وتعاليمها وجاى علشان تقول ان العيب عندنا !!!! ياريتك تروح تقول الفمين دول فى المنتديات الاسلاميه ... بالسلامه
__________________
We will never be quite till we get our right. كلمة الصليب عند الهالكين جهالة و اما عندنا نحن المخلصين فهي قوة الله "كور 1 -1:18" ( سيظل القران اعجاز لغوى فى نظر المسلمين الجهلاء فقط.
لان معظمهم لايستطيع الكتابه بدون اخطاء املائيه )
|
|
#7
14-05-2008
|
|||||
|
|||||
|
مشاركة: حرام عليكم ما تولعوش فيها
إقتباس:
وأنا قلتلك أنها نقطه فرعيه ... أنا عن نفسي لا أهتم لا بشكل أو لون أو دين أي شخص محاور وأنا كنت أتمني لو أنك لم تذكر بند الديانه لأنه ليس شرط الحوار هنا .......... أنا حسيت أنك بتقلل من ذكاء من يتحاور معك أو بالعربي ...... بتستنصح علينا أو ماشابه لسمح الله.... لكن حضرتك وضحتك أسبابك بصراحه تشكر عليها ... ما علينا نقطه فرعيه وعدت بسلام إقتباس:
هوه فين ياعم الجوافه وله البرتقال أللي بتقول عليه ... المره الجيه متنسناش في البطيخ و الشمام...... معليش القافيه تحكم أستاذ ورده ... أنت بتنط ليه بين السطور ... أنا بأقولك أن هدفك نبيل وكل أقباط مصر والمهجر بيطالبوا بيه من زمان "الدين لله والوطن للجميع".... لكن الطريقه والوسيله والأسباب غلط ....الفرق كبير ... أنت عايز تستخدم أسلوب المسكنات من نوعيه أن أحنا كلنا بنعاني بس ده.... نص الحقيقه المسيحين بيعانوا من فساد الحكومه + أضطهاد ديني من معظم المسلمين ... أنت تقول أن إقتباس:
 وبرضه الكلام بصفه عامه وليس محدد بحادثه واحده لكنه ... القاسم المشترك في كل الحوادث التي تحدث ضد الأقباط أول العلاج يا عزيزي هو تشخيص المرض ... ماندفنش راسنا في الرمل ذي النعامه في مواجه الخطر....أنت أعتبرت أن الحكومه الفاسده هيه المشكله فقط..... وأنا بأقول لحضرتك أن علاج الدمل لا زم من فتح الجرح وتطهيره كويس " بمحاكمه منفذي ومنظمي وممولي الفتنه الطائفيه ضد أهل البلد الأصلين الأقباط ..." لعلاج المشكله لا تطالب الضحيه تستحمل تضحيات أكتر .علشان القاضي يتأكد قبل ما يحكم بالعدل ..... فده ليس علاج بل مسكنات لمشكله أكبر ....ولو حضرتك فكرت في العامل المشترك بين العراق, لبنان, فلسطين ,الجزائر ... حتلاقي السبب واحد هو الهوس الأسلامي بين السنه والشيعه في العراق ولبنان.... والهوس السلفي السني في الجزائر و فلسطين حماس .... أنت بتقول خلينا عملين و أبداء بنفسك ..... يا أستاذ ورده الروح... بتقولوا العيب في الحكومه ...مارائيك أنت ... أنا بأطلب منك بصفتك ... الشخصيه كفرد يحب الخير لمصر و تدعوا بالأتحاد ضد الطغيان والفساد بين المسيحين والمسلمين ... ما هو رائيك الشخصي في هذه القضيه ... قضيه الغلبانه بهية السيسي ......القبض علي بهية السيسي شقيقة شادية السيسي بنفس التهمة ..... http://www.copts.net/forum/showthread.php?t=28374 إقتباس:
إقتباس:
لك كل أحترام سعدت بالحوار معك .....  آخر تعديل بواسطة El-Basha ، 14-05-2008 الساعة 04:16 AM
|
|
#8
15-05-2008
|
|||
|
|||
|
مشاركة: حرام عليكم ما تولعوش فيها
يا زميل زجل لم يشتمك ولم يسبك كما تدعي بل وصف تقيتك التي تتكلم بها في الموضوع
دا كلام الاخ موسى طيب لو افترضت معاك ان دي تقية انا هاعملها ليه على النت؟ مانا ممكن اقول اللي انا عايزه مثلا اني اشتم و لا اقول اي كلام هو حد هايعرف يجبني و لاخر مرة احب اعرفك اني و الله مانا عايز اتكلم في حاجة الا اللي تجيب الخير لمصر بدون الدخول في حوارات دينية و يا ريت تصدقني لاني مش هاعرف اثبتلك غير انك يا اما تصدق او لا مين من المسلمين وشيوخ الأزهر المتعلمين قال أن ذبح الأقباط في الكشح أو الأسكندريه مثلا أرهاب ديني ليس في الأسلام ... طبعا لو كان حد عنده الجراءه يقول كده.... كان أغلبيه المسلمين أللي "بتقول عليهم بيحبونا ومعتدلين" كانوا كفروا هذا الشيخ و أحلوا دمه .....هل هذا صحيح أم لا في أنتظار دا كلام الاخ الباشا بص يا سيدي بجد لو انت سألك اي شيخ ازهري هايقولك ان هو مش موافق على اي عنف ضد المسيحيين من اي شكل من اشكال العنف لكن انا باعيب على شيوخ الازهر انهم بيخافوا يقولوا رأيهم بصراحة اذا كان الرأي دا هايزعل الحكومة ارجو ان كلامي يكون وصلك لاني جربت دا كتير مع ناس و شيوخ ازهريين و متعلمين كمان بقى يا باشا بمناسبة مين السبب في الحريقة اللي ممكن تحصل في مصر غير الحكومة انا باقول من رأيي انهم الجماعات السلفية و اعتقد انكم عارفين الفرق بين الجماعات السلفية المتطرفة بزعامة الحويني في مصر و باقي المسلمين يعني الحويني دا لاني من نفس بلده و حضرت له خطب كذا مرة علشان اعرف بيقول ايه الراجل دا بيشتم في كل الناس يعني لو قال الشمس بتطلع من الغرب و الناس كلها قالت لأ من الشرق هو هايقول عليهم مجانين و هو بس اللي عاقل عموما انا مش عايز اصلا افتكر كلامه بس اللي هاقوله ليكم عنه حاجه واحدة هي دي المهمة في موضوعنا ان الراجل دا كان راجل من اسرة عادية جدا مستواها المادي تحت المتوسط يعني بالعربي كده يا دوب عايشين و فجأة و بدون سابق انذار راح السعودية قعد لا يزيد على الخمس سنوات رجع بقى عامل ايه؟ عنده الان برج في كفر الشيخ و متجوز اربعة عنده تلات عربيات طيب دول بقى منين؟ انا سألت ناس ازاهرة هم اللي حفظوه القرأن و بالرغم من كده بيشتم فيهم دلوقت قالولي انه اتجه للوهابيه و السعودية هي اللي بتموله علشان ينشرها في مصر و لعلمكم بقى الوهابية دي لو انتشرت في مصر و الله لا هايفضل مسيحي و لا مسلم هانبص نلاقي الاهرام اتهدت و النيل جف و القاهرة بقت صحراء جرداءزالت الهوية المصرية نهائيا و دا مش علشان الاسلام ينتشر لا دا علشان السعودة تنتشر بعاداتها القذرة اللي يقرف منها ال*** و نبص نلاقينا سعوديين لكن بدون بترول و ييجوا هم يتخذوا بناتنا جواري سواء المسلمين او المسيحيين لانهم و الله بيكرهونا كمصريين و انا مسلم و عايش هناك و عارف هم عايزين ايه لكن انتم لو فيه واحد فيكم رد على التساؤل اللي انا طرحته و ازاي هانحل مشكلة المغتربين المصريين هناك لما يرجعوا كنت هاكملكم كلامي بان ممكن الايه تنقلب عليكم و ناخد احنا بترولهم لانهم عاملين زي المجانين عايزين وصي عليهم بجد انا مقتنع بالكلام دا جدا لاني عايش معاهم وشايف اما بالنسبة لقضية السيسي انا بجد ما قريتش الرابط لكن تأكد يا باشا انها لو مظلومة ان شاء الله ربنا هاياخد لها حقها سواء في الدنيا او في الاخرة او في الاتنين معا اى محبة بالظاهر ابتسم فى وجهك و لما تمشى اقول عليك ابن كذا و كذا اهذا هو حب الآخر فى الاسلام شئ جميل يعنى الحب عندكم مرائية اشكرك على توضيح ذلك الحب الذى نراه من اخواننا المصريين الذين يتبعون محمد ابن امنه. دا كلام الاخ شوتافار يا سيدي انا باقول على افتراض دا لكن انا بجد باحب اصدقائي كلهم سواء المسيجي منهم او المسلم و باقول كده من منطلقي الشخصي و انا ما دخلتش في قلب كل المسلمين السنا فى معاهدة سلام معهم؟ هل نقدوا معاهدتنا معهم ام ما تقول هو عنصرية لا يقدر اى مسلم على اخفائها؟ الموضوع دا يطول شرحه لكن انا هاققولك رأيي فيه باختصار اسرائيل لو لقت اي فرصة انها تحتل مصر مش هاتتراجع و هم فعلا ناقدين المعاهدة معانا مش كل يوم نسمع عن جواسيس ليهم في مصر؟ مش كذا مرة نسمع عن قتل للجنود المصريين على الحدود؟ و لو هم فعلا جادين في الاتفاقية يشيلوا عبارة اسرائيل الكبرى من النيل الى الفرات كمان بقى فيه حاجه انا حسيتها في كلام ناس كتير في المنتدى و هي انهم حابين اسرائيل اكتر من المسلمين المصريين و دا مجرد احساس ممكن يكون صح و ممكن يكون غلط فاياريت حد يقولي اذا كان غلط و لا صح اخيرا اسألك اين قلت انك كاذب .. اانت مصرى ام عربى اين ولاؤك حتى تغضب لكلمتى ان اللسان العربى لسان كاذب، واضيف الآن بعد ان وضحت لنا ان حب المسلم لغير المسلم هو من الظاهر ان المسلم كاذب و لا مصداقية لحب المسلم لشخص او لبلد مثل مصر. انا مصري ناطق بالعربية زيك بالظبط سواء كان دا بمزاجي او حصل غصب عني و انا اسف اذا كنت فرضت انك تقصدني باكذب و الله يعلم ان كنت انا كاذب ام لا اما بقى حب مصر فانا متأكد ان المسلمين و المسيحيين المصريين بيحبوها زي بعض و بيتنافسوا على حبها بغض النظر عن الحويني و امثاله ممن يصفون الوطن بانه مجرد تراب في نظرهم ربنا يعمي نظرهم اخر حاجة بقى طلبين الاول هو ان الناس ترد عليا في المشكلة اللي انا عرضتها و نقترح ليها حلول لانها من وجهة نظري المتواضعة اول خطوة على الطريق الصح بدون الدخول في امور دينية ابوس ايديكم التاني هو ان يا ريت حد يديني اي افادة بشأن تعلم اللغة القبطية لاني فتحت منتدى تعلم اللغة القبطية لكن ما لاقيتش فيه حاجة اما بالنسبة للباشا فان شاء الله لو قدر لينا و شفنا بعض هابقى اجيبله كل الفواكه اللي هو عايزها و بيحبها بس يديني موقع تعلم اللغة القبطية عموما شكرا ليكم و انا اسف على تأخر الرد نظرا لانشغالي a tot alleur mes freres christians et muslims
|
|
#9
15-05-2008
|
||||
|
||||
|
مشاركة: حرام عليكم ما تولعوش فيها
إقتباس:
سبق قبل ذلك ان الباشا أخبرك ان لو انت دكتور عاوز تعالج دمل في الجسد فلابد أن تظهره و تنظفه و تطهره و تأخد المضاد اللازم له .. لا ان نغطيه ونداريه عن أعين الناس و ننتظر الفرج من عند ربنا و ندعي ونقول يارب الدمل يخف .. يا زميل ما وصلت اليه مصر الآن هو بفعل الجماعات الاسلامية و الاخزان المسلمون و ايات صريحة من القرآن تحلل اموال و نساء المسيحيين و قوانين دولة تنفي حقوق المواطنة علينا وتمنعنا من أداء صلواتنا وطقوسنا بل و تغلق كنائسنا و تضعها تحت الحراسة وقوانين تبرء المذنب و القاتل كما حدث في قضية الكشح كل القتله في هذه القضية لم تثبت عليهم الادانة و أخدوا البراءة . قاتل الاسكندرية الذي اقتحم الكنيسة و قتل عم نصحي طلع متخلف عقلي !! قاتل الزقازيق .. متخلف عقلي . قاتل العسكري عماد لم يستدل عليه الي الآن و ان استدل عليه سيكون متخلف عقلي . أحداث العياط و المنيا و غيرها الي الآن لم يبت فيها و الدولة بتداري علي الفتنة و تشجع عليها . أنا واثق انك انسان شريف ونبيل لكن كم عدد أمثالك في الدولة الوهابية المصرية ليس لنا الا أن ندعو لك و نقول ربنا يكتر من امثالك
__________________
كلمة الصليب عند الهالكين جهالة و اما عندنا نحن المخلصين فهي قوة الله "كور 1 -1:18 لى النقمة ان اجازى يقول الرب رفعنا قلوبنا ومظلمتنا اليك يارب الأقباط يصرخون و المسلمون يعتدون و الشرطة يطبلون إن الفكر الخاطئ يضعف بمجرد كشفه
|
|
#10
15-05-2008
|
|||
|
|||
|
مشاركة: حرام عليكم ما تولعوش فيها
إقتباس:
أتفق معاك في النقطه دي كمان ذي ماقلك الأستاذ موسي أن أخوان الخراب و الجماعات الأسلميه السلفية بتستعرض عضلاتها علي الأقباط الغلابه .... وده أللي بيخليني أقولك ذي الأستاذ موسي أنك شخص طيب ولايوجد مثلك كثير .... ولذلك للأسف أغلبيه المسلمين ساعه الجد والمحك الأصلي تجدهم في حاله صمت ... قول الحق يا أستاذي الفاضل لا يحتاج دعوه من أحد ... خوف الله المفروض عند الشيوخ دول أكبر من الخوف من الحكومه .... أنا مقدر أنك بتعيب علي شيوخ الازهر لكن للأسف أنا وأخواتي بندفع الثمن من أهلنا وأعرضنا و خطف بناتنا إقتباس:
قضيه الغلبانه بهية السيسي ......القبض علي بهية السيسي شقيقة شادية السيسي بنفس التهمة ..... http://www.copts.net/forum/showthread.php?t=28374 التي لن تأخذ من وقتك أكثر من دقيقاتان والتي تمثل ملخص معانات شركاء في الوطن ....برغم أن دعوتك جميله لكن لا تعطي رائ واضح وصريح وهذه هي مشكلتنا مع المسلمين الذين تقول أنهم غير موافقين علي أعمال الوهابيه السلفيه في مصر إقتباس:
أخوتنا في المنتدي عندهم قسم مخصص لتعلم اللغه القبطيه منتدى تعليم اللغة القبطية coptic language http://www.copts.net/forum/forumdisplay.php?f=12 الأستاذ الكبير مكاكولا عنده كمان موقع خطير لتعلم اللغه القبطيه برامج لتعلم اللغة القبطية http://shababchristian.com/shabab/in...p?showforum=49 كلمات عامية اصلها قبطى http://www.copts.net/forum/showthread.php?t=18494 بعض الكلمات والتعبيرات المستخدمة إلى الأن باللغة القبطية http://www.copts.net/forum/showthread.php?t=27358 أنت طريقه كلامك بتفكرني بأخ عزيز علينا مسلم معتدل في كلامه ذي حضرتك ... وأنا شخصيا أكن له أحترام و محبه أسمه ماجد منيب.... وده أللي بيخليني أقولك ذي الأستاذ موسي ... أنك شخص طيب ولايوجد مثلك كثير ليس لنا الا أن ندعو لكم و نقول ربنا يكتر من امثالكم .... لخير مصر
|
|
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
| خيارات الموضوع | |
| طريقة العرض | |
|
|
النمط الشجري
