أحمد عز ملعون من الله " حسب قول طنطاوي " !

[موسي الأسود]

الغريب يا شيخ طنطاوي أن الشعب المصري بياكل كل أكله مغشوش .. حتي الجبنة البيضاء عملوها من الفورمالين و بودرة البلاط ..

طيب لما عز ملعون طيب ومن يتاجر بأكل الشعب و بيأكلهم بودرة بلاط يعني أحجار و فورمالين سام ايهههههههههههههههههههههههههههه .

المشاركة الأصلية بواسطة موسي الأسود

.. حتي الجبنة البيضاء عملوها من الفورمالين و بودرة البلاط ..

طيب لما عز ملعون طيب ومن يتاجر بأكل الشعب و بيأكلهم بودرة بلاط يعني أحجار و فورمالين سام ايهههههههههههههههههههههههههههه .

انت بتتكلم بجد ياجدع انت؟ الكلام ده صح؟ وازاى يعملوا من بودره البلاط ولفورمالين جبنه؟ عاوز افهم ازاى ؟؟؟؟؟؟؟؟؟

[churchill2]

المشاركة الأصلية بواسطة 3nter

انت بتتكلم بجد ياجدع انت؟ الكلام ده صح؟ وازاى يعملوا من بودره البلاط ولفورمالين جبنه؟ عاوز افهم ازاى ؟؟؟؟؟؟؟؟؟

انت مش عايش في مصر ولا اية يا عم عنتر
موضوع بودرة البلاط دي كانت موضوع مشهور جدا واكتشفوا انها بتتحط ع الجبنة بكميات رهيبة
دة غير عبوات المياة المعدنية اللي اكتشفوا انها بتتعبي من الحنفية
http://www.egypt-developers.com/foru...ad?thread=2369

[موسي الأسود]

المشاركة الأصلية بواسطة 3nter

انت بتتكلم بجد ياجدع انت؟ الكلام ده صح؟ وازاى يعملوا من بودره البلاط ولفورمالين جبنه؟ عاوز افهم ازاى ؟؟؟؟؟؟؟؟؟

مع الأسف يا عنتر هذا هو واقع مصر الآن الشعب المصري بياكل بودة بلاط و فورمالين و يوريا علي لانها جبنة

وما خفي كان أعظم

بكل براءة كتبت في أحد المنتديات بتكلم عن الحاجات الغريبة الي بناكلها زي الجبنة الي كل ما تكون طرية أكتر و قابلة
للدهن دا معناه ان نسبة الفورمالين (الي يحنطو بيه الجثث) فيها أكبر و مرقة الدجاج الي ملهاش علاقة بالدجاج و عبارة عن مواد كيماوية و بهارات، و تطرقت للغش التجاري و اللبن المغشوش الي بيحطو فيه بودرة سيراميك و سماد اليوريا...
لقيت واحد كتر ألف خيره الظاهر أنه عالم ببواطن الأمور رد عليا مستنكرا وكتب:
هيّ المشكلة في اللبن ؟
خد عندك
- اللبن النيدو المصري مضاف اليه دقيق- عن تجربة عملية - خصوصا البتاع
الصغير بتاعو ابو جنيه وربع
- عصير المانجو اللي في محلات العصير 70% منه مش ليه علاقه بالمانجو
اصلا..ده قرع عسلي.. بمرأى العين.. وسلامي للحاج فرغلي
-اللانشون والبسطرمة.. اللي المفروض مكتوب عليها لحم بقري خالص حلال..
مفيهاش ريحة اللحمة اصلا.. دي سقط حيوانات مدبوحه مفروم مع بهارات وتوابل
وجيلاتين وعضم فراخ وبالسم الهاري.. تحياتي للحاج صلاح والمعلم عبفتاح..
- انواع الهامبورجر المنتشره في السوق (عدا نوعين تلاتة) كوكتيل من البهارات وماده جيلاتينية بتبقي مبطنة لجلد الحيوانات بعد الذبح وبتتباع من المسلخ الطن منها بـ 250 جنيه تقريبا ..
الطن منها بيستخدم (بعد الغلي في قدور كبيرة مقززة في مناطق لاادمية باستخدام عصاية شبه المجداف كده للتقليب) وبيعمل حوالي 500 عبوة (زنة 1 كيلو برجر) بتتباع بـ 10 جنيه الصحة تقفل المصنع (أو بير السلم) وصاحبه يلبس قضية غش تجاري محترم ياخد في الآخر حكم غرامة بـ 10 الاف جنيه او حبس سنة ..وغالبا بيدفع الغرامة ويخرج يأجّر بير سلم تاني وتبدأ عجلة العمل من جديد.
**********
- علب الزيت الـ1 كيلو بتاع القلي ام 2 جنيه وربع و3 جنيه دي- اللي لونه غامق قوي ومش شفاف دي - اصلا زيت مستخدم من محلات الفول والطعمية بيعاد تجميعه في عربيات بتنك زي بتاعة اللبن كده وبتتفلتر بادوات بدائية جدا عشان تشيل بواقي القلي اللي فيها ويعاد تعبيتها في زجاجات - مستعملة مسبقا ومعاد غسلها بالمية والصابون- وبتتعبى يدويا بقمع بلاستيك وتتبرشم بماكينة برشمة تمنها 3 الاف جنيه.. وبيع يامعلم
الزجاجة البلاستيك من الزبالين.. الدسته بجنيه..
طن زيت مستخدم الكيلو بيتاخد من المطعم بـ 25 قرش..
قمع بلاستيك قول 10-5 جنيه ..
وماكينة برشمه بـ 3 الاف بالكتير
تكسب في الطن 2000 جنيه مستريح جدا.. ويتحرق اللي بيشتروا بجاز.. جاز مش نضيف زي الزيت اللي اشتروه
- الحلاوة الطحينية اللي في المحلات.. عليه اكسيد تيتانيوم عشان تاخد اللون بتاعها وبعضها مفيهوش ريحة السمسم اصلاً.. عليها دقيق وفورمالين عشان تمسك نفسها..
اصل الدولار بقي غالي فالسمسم غالي والزبون عاوز الارخص مش الانضف
- فلاتر ميه الشرب.. بتفلتر الطعم (عبر ازالة الكلور) والريحة (عن طريق الفلتر الكربوني) لكن المعادن التقيله اغلبها مبيتفلترش اصلا الا في الفلاترالاكتر من 3 مراحل.. سلام كبير اوي لفلاتر تانكة
**********
- سمك المزارع السمكية..بياكل دم ومخلفات عمليات الذبح عشان يكبر بسرعة
- فراخ المزارع.. من كتكوت عمره يوم لفرخه كاملة وزنها كيلو علي الاقل الي كيلو و200 جرام بياخد 19 يوم..حقن هرمونات في الاكل وميه الشرب.. علما ان الفرخة الطبيعه عاوزه 4 شهور عشان تقرب من الحجم ده
ده غير مزرعة فراخ امريكانا اللي في برج العرب اللي بتورد الفراخ لمطاعمهم.. اول مره في حياتي اشوف فرخه وزنها 4 كيلو ونص كان هناك.. ومش بتعرف تمشي.. وعندها حاجة من الجنب كده بالتدقيق اكتشفت انها: مشروع جناح
-طلمبة البنزين الـ 92 والـ 95 في البنزينات دلوقتي.. الطلمبتين بياخدو من خزان ارضي بنزين واحد ..مهي اصل الطلمبة ذكية ..بتميز الـ 92 من الـ 95

- محلات الحلويات اللي بتبيع الحلويات للشرقية بالسمن البلدي.. ولابلدي ولانيلة دي معموله بسمنة صناعي وعليها مكسبات طعم زي اللي بيستخدموها فـ المصانع
-الجبنة الرومي القديمة.. مش قديمة ولانيلة برضه..هما يعني هيعتقوها عشان حضرتك تستمع ويركنها في المخزن شهور؟ لييه؟
بيضيفو هيدروكلوريد اسيد تركيز 30 %.. عشرة لتر لكل طن جبنه وتتكتم في قبو قديم معفن 24 ساعه وتطلع قديمة وطالع عين امها كمان
**********
- اكياس البلاستيك: اكياس البلاستيك اي لون (غير الشفافة المفروض انها بتتصنع من رولات بولي ايثيلين خام)
الواقع ان اغلبها عبوات بلاستيك (ميه وبيبسي) وبيتم تسيحهم في افران وسحبهم على شكل رولات تاني.. ودي ارحم من الاكياس البلاستيك السوداء اللي مصدرها مخلفات المستشفيات والمراكز الطبية (حقن - سرنجات - كانيولا - فلاتر -اكياس دم مستعمله - قساطر بوليه مستعمله..)
- عبوات المياه المعدنية اكوافينا (انتاج مصانع بيبسي) عن مصدر مقرب الميه دي لابئر جوفي ولانيله.. حتي مفيش عنوان للمصدر علي عبوات القزايز دي بخار الميه الناتج عن التكثيف في خطوط انتاج البيبسي .. بدل ماتتهدر وهم بيدفعو عليها فلوس لمصلحة المياه قرروا يجمعوها في تانكات ويعبوها في قزايز ويستغلو شبكة التوزيع الضخمة بتاعتهم توزع ميه مع البيبسي وبسعر ارخص من سوق المياه المعدنيه باكتر من 50 قرش ق الزجاجه..(محدش خد بالو من طعم البيبسي
في الميه دي؟)
- صابون غسيل الوجه وكريمات البشرة والشعر المنتشره في السوق(من غيرالانواع المعروفة) ياريت حد يبقي يحللها يمكن نعرف نوصل للمركبات اللاارضية اللي بيستخدموها فيها
**********
السادة بقي ضرّيبة المخدرات (طالما بنتكلم عن الغش التجاري باعتبارهم مستهلكين هم كمان):
- الحشيش..مش حشيش ولاحاجة ده عجينة من الحنا واللبان الدكر ونسبه بسيطة لاتتجاوز .,4 من الكميه والزيت اللي ع الحشيش ده مش زيت دخ ماكستون فورت..
في الاخر .. كلها اعشاب طبيعيه
- البانجو..في الاغلب مش بانجو..نعناع وبذر طماطم مجروشين وعليهم شويه شاي محروق (عشان الريحة بس) ..اهي كلها نباتات
- البودرة.. مش بودرة بردو.. دي اقراص ريفو مطحونة ..كل 10 اقراص عليهم
قرص رهبانول وبيتحطو في ورقه فويل وتتسخن تحتها ولاعه (عشان ياخد اللون البيج بتاع الهورايين)
وقسم وبيع تذاكر يامعلم .. كلها ادوية صداع
**********
انتهى كلامه أثابه الله و انتهت معه كل ثقة لي في اي حاحة في الدنيا دي..
فاضل في الدنيا (الي فاكره يعني): الشكولاته معرفش عنها حاجة وحشة و بحبها
الي يعرف حاجة عن دي كمان أو الي عنده أخبار كويسة تفرحنا شوية يا ريت يحط تعليق او يبعتلي و أنا أكتبها علشان الي لسا مش عارف ياخد قرار الانتحار يشد حيله أو يرجع في كلامه

احترس قبل الشراء


اللبن الملوث تفوح منه رائحة السمك أو التفاح

حوار: إيمان صلاح الدين

أدى امتداد الفساد إلى اللبن ومنتجاته إلى تبديل خصائصه ليتحول اللبن من مصدر يمد الجسم بالفيتامينات والمعادن التى تساعد على النمو وتجديد خلايا الجسم وتكوين المخ عند الأطفال وتقوية الجهاز المناعى، إلى وسيلة يعبر خلالها إلى الجسيم مواد مسرطنة وسامة تؤدى إلى الاصابة بالفشل الكلوى والسرطانات بل والوفاة.
ولمزيد من التفاصيل حول طرق غش الألبان والمواد المستخدمة فيها وأضرارها على صحة الإنسان وطرق الكشف عنها كان للأهالى هذا الحوار مع د. جمال محمد حسن أستاذ غش الألبان بقسم الرقابة الصحية على الألبان ومنتجاتها بكلية الطب البيطرى - جامعة حلوان.
- ما الطرق المتداولة لغش الألبان؟
-- هناك العديد من الطرق لغش مستهلكى الألبان أولها بيع الألبان الملوثة بالبكتريا على أنها سليمة، فعلى سبيل المثال قد يكون للبن رائحة غريبة مثل رائحة التفاح أو السمك وهذا يعنى وجود ميكروبات تعطى هذه الرائحة.
ومن أنواع غش الألبان نزع الدسم - أو القشدة - لبيعها بسعر عال، وإضافة ماء إلى اللبن ويقوم بعض منتجى الألبان بإضافة مواد حافظة للبن لحفظه فترة طويلة مثل الفورمالين وهى من المواد المحرمة دوليا، بالإضافة إلى الحفظ باستخدام أقراص الأسبرين وماء الأكسوجين وأملاح الكربونات وحمض البوريك وكبسولات المضادات الحيوية وكلها تصيب الإنسان بتليف الكبد والسرطان والحساسية.
وما تم كشفه مؤخراً هو إضافة مواد تعطى المواصفات الشكلية الطبيعية للبن المغشوش مثل بودرة السيراميك وزهرة الغسيل وسماد اليوريا.
- كيف يتم غش باقى منتجات الألبان؟
-- يتم غش القشدة بنوع من الكريمة المكونة من النشا والجيلاتين مع إضافة ألوان صناعية لإكسابها اللون الأصفر المرغوب من قبل المستهلك.
كما يتم غش الزبد أو السمن بإضافة زيوت نباتية مهدرجة أو ما يعرف بالسمن النباتى إليها
- من المعروف أن الجبن المطبوخ يدخل فى صناعته العديد من المكونات فهل من الممكن أن يتعرض للغش؟
-- يتعرض الجبن المطبوخ - أو النستو - إلى أخطر أنواع الغش حيث تقوم العديد من الشركات بتصنيعه باستخدام أنواع من الجبن الفاسد لديها بعد طبخها عند درجات حرارة عالية وإضافة مكسبات طعم ورائحة محببة لدى الأطفال إليها. وهذه الحرارة العالية إن كانت تقضى على الميكروبات الموجودة فى الجبن التالف إلا أنها لا تقضى على السموم والانزيمات التى أفرزتها الميكروبات فى الجبن وهى مواد شديدة الخطورة على صحة الإنسان خاصة سموم الفطريات التى تسبب تليف الكبد وتنكرز الكلى والسرطان وغيرها من الأمراض المسببة للوفاة.
-كيف يتسنى للمستهلك العادى الكشف عن غش الألبان؟
-- هناك العديد من طرق كشف غش الألبان أولها رائحة اللبن الطازج المميزة غير أن لون اللبن دليل على سلامته فإن للبن البقرى لونا أبيض قريبا إلى الأصفر أما ال*****ى فلونه أبيض ناصع ويميل بدرجة بسيطة إلى اللون الأزرق وغير ذلك يعنى أن اللبن غير طبيعى بالاضافة إلى أنه على المستهلك ملاحظة العبوات جيداً للتأكد من سلامتها وعدم احتوائها على صدأ أو ما شابه ذلك من ثقوب من سوء التخزين وكذلك يجب ملاحظة وجود أى انتفاخات أو غازات بالجبن.
كما يستطيع المتخصص التأكد من سلامة الألبان لأن للبن الطبيعى ثوابت ومكونات يصعب التحايل عليها مثل معامل الإنعكاس الضوئى ودرجة التجمد والغليان فاللبن الطبيعى يتجمد تحت الصفر بنصف درجة ويغلى فوق 100 درجة مئوية بنصف درجة وكثافته النوعية تختلف من البقرى إلى ال*****ى إلى غيرها من أنواع الألبان وكذلك لكل نوع نسب ثابتة من اللاكتوز ودرجة الحموضة وأخرة هيدروجينى وكلها تميز اللبن الطبيعى ويصعب التحايل عليها.

[churchill2]

- فراخ المزارع.. من كتكوت عمره يوم لفرخه كاملة وزنها كيلو علي الاقل الي كيلو و200 جرام بياخد 19 يوم..حقن هرمونات في الاكل وميه الشرب.. علما ان الفرخة الطبيعه عاوزه 4 شهور عشان تقرب من الحجم ده
ده غير مزرعة فراخ امريكانا اللي في برج العرب اللي بتورد الفراخ لمطاعمهم.. اول مره في حياتي اشوف فرخه وزنها 4 كيلو ونص كان هناك.. ومش بتعرف تمشي.. وعندها حاجة من الجنب كده بالتدقيق اكتشفت انها: مشروع جناح

يا نهارررر !!!!!!!!!!!!!!!!!!!!!!!!!!!!!!!!!!!!!!!!!!!!!!!!
وسلملي علي الجماعة بتوع حماية المستهلك