برلمانيون مصريون يطالبون بإعدام 350 ألف خنزير

[Dr.Yousef_Matta]

المفروض يكون عندنا تربية في مزارع نموذجية صحية زي كل العالم ولا داعي للهلع

قريت في الجرايد ان هيتم اعدام القطعان وتعويض المربين

وبعدين قالوا لا ده مش هنعدمهم ده هندبح ونحطهم في التلاجات وبعد ندة تتباع اللحمة وبالتالي مفيش تعويض

تاني غيروا كلامهم وقالوا في الجرايد ان هيصرفوا 500 ميون جنيه تعويضات

وتضيع الحقيقة هل اعدام ام ذبح ؟ وهل بتعويضات ام لا؟

الناس اللي بيربوا الخنازير دي فقراء فقر مدقع ويعيشون في ظروغ تحت الانسانية ولو فقدوا مصدر رزقهم ده مش هيلاقوا ياكلوا بدون أدنى مبالغة معتقدش حد شاف حالتهم بس فعلا حالتهم لا تسمح ابدا بقرار متهور كهذا

المفروض كان يكون في مزارع نموذجية صحية ورعاية بيطرية بدل تغذية الخنازير على الزبالة اللي مليانة أمراض وتلوث وتركهم وسط التجمعات السكنية

موقف الكنيسة كان المفروض يكون محايد فلا يبرر أفعال الحكومة

مش هتصدقوني لو قلتلكم ان في عز انفلونزا الطيور كان بيحصل ايه؟

كان مفتشين الصحة والبيطريين بيروحوا المزارع وياخدوا كميات كبيرة من الفراخ وهم عارفين انها سليمة
لكن بياخدوها بلطجة من أصحاب المزارع كرشوة بالاجبار وعلى اساس انها عينة او او او ...

واهي فرصة فراخ ببلاش عشان العيال تاكل ونخزن في الفريزر لكام شهر قدام

ومحدش من اصحاب المزارع يقدر يقول بم دي انفلونزا الطيور على أشدها وممكن يعدموا كل طيور المزرعة لو صاحب المزرعة غلس عليهم

بلد المهازل

لك الله يا مصر.