خريطة الشرق الأوسط الجديد......(مدموج)

[أبرهة العصبي]

مبروك للمرة التمناشر لرجوع المنتدى

في الفترة الاخيرة تصادف تحجب 3 من اللي اعرفهم في اسبوع واحد. انا مكنتش تفرق معايا كتير بس كنت ببص للتلاتة دول بالذات نظرة مختلفة وكنت متوقع منهم بعد ثقافي معين مش مجرد انهم عايزين يستفيدوا باكبر قدر ممكن من شعرهم قبل ما يتحجبوا. طبعا تدين الشخص في حد ذاته لا يعني حد تاني في حاجة بس المشكلة ان التدين دة لما يبقى مرتبط بافعال منفرة زي ان المحجبة تتحول للكلام بعصبية وطريقة كلام مقتضبة و(متكلمنيش في الشارع - لو سمحت متتصلش على الموبيل) ومتضحكش و--و-- بيبقى حواليه طاقة نفسية صعب ان الواحد يستحملها

المهم... بعد تحجب الثلاث اخوات الفضليات خلاني افكر كتير جدا واقرا كتير جدا جدا واكتشفت ان الست في المجتمعات اللي هنا كائنات هشة جدا وثقافتها محدودة جدا واكتشفت ان الحجاب منتشرش بسبب الخطاب الديني ولا الوعي الديني لكن انتشاره كان بسبب زن الستات على بعض واللي كان تأثيرها زي النار في الهشيم. وللعلم فيه محاولات لنشر النقاب بنفس الطريقة (لما كنت في الكلية سمعت واحدة بتحكي لصحابها عن منقبة كانت بتدعوها لاكمال فريضة الله وقالتهلم رحت رديت عليها وقلتلها انا عارفة نفسي كويس)

المهم تاني... من كل القراءات اللي استمرت يوم بحاله اتوصلت ان مفيش اختلاف على ان السبب ايران


ايران اللي هي في الاساس بلد الستات فيها لابسين الحجاب غصب عنهم وليبراليين جوة الدولاب

يعني ناس بيعانوا من كبت قريب قوي هينفجر

فيه ناس كتير متشائمة من ضرب امريكا لايران

انا شايف العكس

العراق لما اتضربت كانت ازازة تطرف واتفتحت

انما في ايران ازازة ليبرالية والحاد وهتتفتح

ومعظم البلاد اللي بتسعى للتحرير بيتغيروا هما الاول
تخيلوا عالم من غير ايران اللي احنا نعرفها
يا ترى المنبع بتاع الفكر المتطرف لسة هيبقى موجود؟

اتاتورك عشان يعمل العلمانية قضى على التطرف من جذوره (طبعا مفهوم هو عمل ايه)
انما الشعوب التانية لما تلبرلت منتبهتش للجذور دي
تفتكروا لما ايران تتغير البلاد اللي اثرت عليها قبل كدة هتتغير هي كمان؟
انصحكم للي ميعرفش كتير عن ايران تشوفوا فيلم:

Ten Persepolis