مصيبة سذاجة الانبا كيرولس و ذكاء القس الانجيلى على الحقيقة

[أبرهة العصبي]

بردو على نفس البرنامج على حكاية ظهور العدرا جابوا الحنيّن مع كاهن غلبان والتاني عمّال يغلط فيه بطريقة غريبة والكاهن مش عارف يرد وانا وكل اللي بيتفرجوا حسينا انهم جايبين كاهن غلبان مخصوص مش عارف يقول حاجة

[just_jo]

انا مش قصدى كدة "انا بحب جميع الكنائس"

انا قصدى ان الناس كلها غضبانة من اسلوب الانبا كيرولس فى كل تصريحاتة

خصوصا نفية التهديدات الاول يعنى "يبان كداب قدام العامة و هو كاهن"

قولنا مضغوط علية طلع مفيش ضغط

و بعدها شتم النائبة جورجيت اللى قال عليها "وش الخراب"

و بعدين يجى فى البرنامج دة و بيتساير مع بتوع البرنامج اللى معروف عنة احاكتة للفخاخ

دا...... فى رأى أخ مسيحى سورى
على التصريحات بتاعة نيافتة لما قال ان امهات الشهدا بتظغرط و احنا منستاهلش قدوم سيادة النائب العام

كان هيتشل من السلبية بتاعة نيافتة

يعنى لو صرخ فى الاعلام بالكلام اللى كان بيقولة قبل الجريمة مش كنا دلوقتى كنا نلنا بعض من المصداقية يا ناس

دى طريقة رجل دين

اذا كان القس الانجيلى وضح ان البلد عارفة ان فية مخطط لتطهير عرقى و كمان استهداف اقتصادى للاقباط

و انة بلغ البرنامج قبليها ب4 شهور بحتمية وقوع مجازر فى نجع حمادى

احنا هنا بنتكلم عن بداية عمليات منظمة من الدولة ضد التجمعات المسيحية فى الصعيد و غير الصعيد

يجى الانبا كيرلس و يكذب نفسة بنفسة و يصطح الحدوتة بانها ولد وبنت و شرف و هجص عشان يبقى كل المظاهرات و تعب القلب دا كلة على الفاضى

[sky]

للأسف فعلا الانبا كيرلس قدروا يجرجروه ويوقعوه في كلام ساذج

اول ما حصلت المصيبة كان كلامه صحيح لكن دلوقتي للأسف مش معقول ابدا كده اللي بيحصل

انا حاسة انه متهدد للأسف لو ملمش الموضوع انهم يكرروها تاني

ده تخميني لأن بصراحة اللي بيحصل مش طبيعي ابدا

ربنا موجود ويتصرف