نبؤة .. تعليق .. أستفتاء ( بمناسبة مرض الرئيس مبارك )......(مدموج)

[youssef1122]

افتكر ان بعد تعديل الدستور وبعد اللعبه اللى عمله حسنى علشان يوسع السكه لابنه

ان جمال هو هيكون الرئيس ايه رايكم لو اصبح جمال رئيس الجمهوريه

[صائد الذباب]

لية كدة ياعم يوسف؟؟؟؟

أنتم فهمين الريس متقال غلط...أقصد الريس مبارك غلط

جمال ..حبيبى وأبن حبيبى وعلى دماغ أهلى من فووووووووووووووووووووووووووووووووووق

جمال رئيس....مبارك رئيس......علاء رئيس

وكل من لة رئيس يصلى علية

[youssef1122]

انا قصدى يا صياد هل هيكون افضل ولا ولا ولا

سونه اجدع ناس

[The_Lonley_Wolf]

راجل كويس و هانتخبه لانه لا ديمقراطية للمسلمين
............................................

[elmafdy]

أعتقد أنه أحسن الخيارات المطروحه , أنا شخصيا أعتقد أنه يمتلك من الحكمه و الكياسه ما يجعله انسب خيار منقطى مطروح .

مع العلم ان الخيارات من عينة حاكم تعينه أمريكا او خلافه هى احلام بعيده عن أرض الواقع فى الوقت الحالى على الاقل .

لذلك فأن أى مقارنه بين جمال مبارك و بين اخوان الخراب ستكون بالطبع فى صالح جمال تماما .

المفدى

[عمانؤيل]

صدقنى 0 على رأى المثل بقول ندل تعرفه أحسن من جيد متعرفوش0
أحسن من غيره لو لزم الامر 0

[الزعيم هيثم]

انا شايف ان جمال مبارك يصلح ان يكون مللياردير

ولا يصلح ان يكون رئيس

هيا مش ناقصه سرقه وفساد وخراب

بس اعتقد ن امريكا عيزا جمال يكون رجل الغد ليها فى مصر

[The_Lonley_Wolf]

المشاركة الأصلية بواسطة الزعيم هيثم

انا شايف ان جمال مبارك يصلح ان يكون مللياردير

ولا يصلح ان يكون رئيس

هيا مش ناقصه سرقه وفساد وخراب

بس اعتقد ن امريكا عيزا جمال يكون رجل الغد ليها فى مصر

الراجل مولود و فى بقه معلقة دهب
ابوه سرق و عنده فلوس متلتلة اد كده
هايسرق و ينهب ليه؟؟؟

ثم بفرض انه حرامى و فاسد طيب لو جيه واحد غيره هايبقى ايه؟؟؟ برضو حرامى و فاسد ايه اللى هايخليه يختلف يعنى؟؟؟

و اه طبعا امريكا عاوزاه يمسك بعد أبوه
أمال واحد من اخوان العناكب بتوعك هو اللى يمسك عشان يبقى ارهاب و دبح زيادة عالسرقة و الفساد كمان؟؟؟

المشكلة اكبر من مبارك و جمال
المشكلة مشكلة شعب بحاله
و هايمشى عم احمد هايجيلنا عم محمد
هانستورد رؤساء يعنى؟؟؟

[عمانؤيل]

مقبرة الاحياء
؟
؟
؟
؟
؟
؟
؟
؟

[sant1]

انسوا انة ابن الرئيس ان شوفت جمال مبارك فعلا فى الحقيقة عن قرب كمان(طبعا هو معيرفنيش) راجل تحس انة واثق من نفسة ذو بنيان قوى (ربنا يديلة الصحة)حتى فى التليفزيون بيتكلم بطريقة مختلفة عن اى سياسى اخر(على فكرة انا مش بعمل دعاية لية )متعلم فعلا مش زى ناس تانية !
وهو هيكون افضل من الاخوان المسلمين الى لو مسكوا البلد لا يهمهم بلد ولا شعب ولا العالم كلة .
طلب مهم جدا : لازم نشارك فى الاستفتاء على التعديل ويشوفوا اسماء الاقباط مليان الكشوف الانتخابات

[meto]

عيلة مبارك النفسية و العقلية هى سبب بلاء هذة الأمة. هذة العلل تجعل صاحبها مهوس بالسيطرة و التحكم و لذا فهذة العيلة تركز السلطة و الثروة فى يدها.


حكم مبارك هو تشكيل عصابى



نظام حكم مبارك نجد أن:

(1) زعيم العصابة هى عيلة مبارك.

(2) أفراد العصابة هم مسؤلين مثل الشريف و سرور و عزمى و العادلى و غيرهم و أيضا شركاء البزنيس مثل منصور و عز و غبور و غيرهم و جميعهم شخصيات مريضة نفسيا تطابق توصيف و تعريف علم الإجرام لتكوين شخصية اعضاء التشكيلات العصابية و لذا فإنهم على أتم إستعداد لتنفيذ ما يأمرهم بة الزعيم مهما كان الفعل إجراميا.

(3) الأوامر هى أختلاس المال العام و نهب أموال الشعب و تعذيبة و تكديرة و إعتقال و إغتصاب أبنائة و التخلص من الخصوم "بتجريسهم" أو بتلفيق إتهامات لهم أو بقتلهم مع التنكيل بأقاربهم، تزوير الإنتخابات، تضليل الشعب و الكذب علية، توريث الحكم إلى أخرة. مثلهم مثل أى زعيم عصابة عيلة مبارك لا شرف أو كلمة لها فهى مخادعة و كاذبة و لا يمكن الوثوق فيها أبدا.

[meto]

التشكيل العصابى لعيلة مبارك



عيلة مبارك أصبحت تتنافس فيما بين أفرادها على الثروة و السلطة و الأضواء


النظام الساسى و الإقتصادى فى مصر يصنف على إنة "أوليجاركى" و هو نظام يشبة إلى حد كبير نظام الدولة فى العصر المملوكى (مبارك و ولدة أعادا مصر لغياهب العصر المملوكى) حيث يحتكر السلطة و الثروة و الإقتصاد و القانون و البزنيس و السوق و كل مقاليد الأمور فى البلد الطبقة الحاكمة و تتكون من حفنة صغيرة من الناس تربطها مصالح مشتركة و تشتمل على الحاكم و عائلتة و بعض أعوانهم و بعض رجال الأعمال. عدد أعضاء الأوليجاركى المباركية يقل عن 100 فرد إقتسموا مصر بمن عليها فيما بينهم فكل مملوك من مماليك مبارك يمتلك حصريا شريحة من السوق و المستهلك معا و يصيغ القانون الذى يحكمة و ينظمة و من ثم فإن عصابة مبارك تتحكم فى مصير و مقدرات مصر و شعبها. أهم أفراد عصابة أو مماليك مبارك هم الأشخاص الأتية أسمائهم. (هؤلاء لا يدفعون ضرائب كما إنهم لا يدفعون مقابل السلع و الخدمات التى يحصلون عليها و لا يردون القروض المجانية التى تمنح لهم. كل ما يدفعونة كمماليك سواء كانوا رجال أعمال أم مسؤلين كبار هو نصف ما ينهبونة لمبارك و عيلتة).

[The_Lonley_Wolf]

هو التصويت امتى ياجماعة؟؟ و نروح نرقع بالصوت فين؟؟