|
تعرف ياويكا الجماعة دول حقيقى يضحكوا
مرة زمان قالوا ان الضريبة على التركات حرام لانها تجعل من الحكومة وارث بدون نص... فعملوا ايه؟؟؟ شالوا ضريبة التركات اللى هيه حرام ورفعوا تسعيرة دمغة التركات اللى هيه مش حرام...فهمت حاجة؟؟؟
بعد كده قالوا الفوائد البنكية حرام لانها ربوية وعملوا حاجة مشوهة اسموها البنوك الاسلامية وبدال الفايدة عملوا حاجة اسمها المضاربة وهى هى فوائد لكن ماسمهاش فوائد اسمها مضاربة لان الفوائد حرام لكن المضاربة لآ...فهمت حاجة؟؟؟
وده بيفكرنى لما شركات توظيف الاموال نصبت على الناس وكانت بتدى كبار الفقهاء المحترمين جدا وعلى رأسهم الشعرواى(زوج شادية بعد الحجاب) وكمان كبار العاملين والمسؤلين فى الدولة فلوس على كشوف سماها العامة كشوف البركة لان الناس اللى كانت بتلهف الفلوس دى كانت ناس بركة ولما عملية النصب اتكشفت خرج علينا رئيس الوزراء يومها وكان اسمه عاطف صدقى ليستهبل ويقول مافيش حاجة اسمها كشوف البركة ...لكنه بالطبع لم ينفى ان فيه ناس فقها ومسؤلين كانوا بيلهفوا فلوس من شركات توظيف الاموال لكن فقط نفى اسم الكشوف واستراح واستكرد المودعين والشعب...فهمت حاجة؟؟؟
على العموم اى حاجة حرام عندهم ممكن توضحها لهم وهما هايشوفوا لها اسم حلال والمشكلة تتحل.
وسلملى على الترماى
__________________
إعط ما لله لله وما لقيصر لقيصر
|
03-07-2003
مواضيع مشابهة
النمط المتطور