من يوافق على هذا البيان

انت بتهزر يا أندرو
يا ريت تكون عند حسن ظني وتكون أعقل من كده
جمال السقا اخواني يا حبيبي ، انت عايز واحد اخواني يقول ايه؟؟
اقرأ التعليقات
د. احمد عبد اللطيف - مصر
مقال مليء بالتعصب الديني - عيب عليك
التعليق: احسست بالقرف من نبرة التعصب التي لم يحاول حتى الكاتب اخفاء تعصبه المقيت. اقول للأخوة الأقباط ان هذا الكاتب لا يمثل المصريين على اطلاقهم، كما اني رغم انني مسلم، ومعارض للتمديد والتوريث، الا انني سأترك مصر للآبد اذا وصل الأسلامويون للحكم وبدءوا في الحجر على الحريات الشخصية وحولوا مصر الي افغانستان جديدة.
-----
Amir

التعليق: Sir, first of all let me clarify that, we – Copts – never rely on the US to protect us from anybody, we believe in our Lord to protect us, United States never existed through our Copts church history, Copts stood – with the help of our Lord - against many great empires and they all were defeated and vanished, yet still the Coptic faith exists, and it’ll exist to the end of days, protected by the Copts not by the US nor the EU. We support Mubarak because we see him the best among the presidency candidates, at least he wouldn’t thinking of turning Egypt into middle century country as Taliban did to Afghanistan.
-----
وبعدين عايزك تركز كده
مصر من الأول للآخر تحكمها المؤسسات الدينية وما تقدرش أبدا تنكر سيطرة الأزهر على الحكم وعلى مجريات الأمور
والمسلمين بيعاملوا غيرهم من منطلق نظرتهم هم للأمور ، يعني لو عايزين يتكلموا مع الأقباط يبقى بيتكلموا مع المؤسسة الدينية القبطية وهي الكنيسة القبطية الأرثوذكسية
عايز الكنيسة تسكت ، يبقى الأزهر يسكت الأول ، افصل الاسلام عن الدستور وسياسة الدولة ، والكنيسة هتنفصل عن السياسة أوتوماتيك
انما مش تسيب الحمار وتمسك في البردعة لمؤاخذه
الكنيسة بتقول رأي ولا تقول حكما دينيا ، والكنيسة ليس لها سلطة سياسية ، والكنيسة ليست الحاكم ، فما تقوله الكنيسة هو رأي لا فرض ديني
اللهم الا اذا استخدموا آيات من الكتاب المقدس لدعم مبارك
وده عمليا مستحيل
ولازم تفرق بين الرأي والقوانين الكنسية
وما تزعلش من الشتيمة ما احنا من ألفين سنة بنتشتم ، اذا كان المسيح اتشتم هنبقى أحسن منه؟؟

[afanous]

ساويرس، اسلوبك في الكلام مش عاجبني. ياريتك تسيبك من اسلوب التريقة بتاعك وتكلمني جد شوية.
اولا، ايوه، انا معاك ان السقا اخوانجي. انما مين اللي ادّاله الفرصة انه يكتب اللي بيكتبه؟ لو قداسة البابا ما كانش طلّع البيان اياه ودخّل نفسه في حاجات مالوش فيها ماكانش السقا قال اللي قاله.
ثانيا، مش معنى ان المسلمين بيدخّلوا الدين في السياسة يبقى مبرر اننا نعمل نفس الغلط ونمشي وراهم. احنا نور العالم وملح الارض. يعني لما نشوف الغلط نصلحه مش نعمل زيه!
ثالثا واخيرا، السيد المسيح اتهان بدون سبب. انما شتيمة السقا وبعض اللي علّقوا على المقالة سببها الكلام اللي لبابا قاله، يعني بصراحة كده ذنب الشتيمة ديه في رقبة قداسته.

ردا على أولا : هو امتى الاخوان سكتوا ولا قالوا على الأقباط حلوين وكويسين؟؟ الاخوان من ضمن أهدافهم ان الأقباط يبقوا مجرد رعايا لا مواطنون في بلدهم مجرد أهل ذمة وليس لهم حقوق المسلمين ، يبقى اتكلم ما اتكلمش مش هتفرق
ردا على ثانيا : المسلمين لا يتدخلون في السياسة ، في الدولة الثيؤقراطية زي مصر ، الدين هو منبع السياسة ، والدين الرسمي للدولة كما ينص الدستور هو الاسلام ، يعني كل شيء لازم يسير على طريقة الاسلام ، وزي ما قلت ،اننا ولا هننجح مبارك ولا هنسقطه ، والبيان مجرد رأي بعض الأشخاص المنتمين للكنيسة وليست فرضا أو قانونا كنسيا
ردا على ثالثا وأخيرا : المسيح بالنسبة لنا اتهان بدون سبب لأنه قال الحقيقة ، لكن اللي أهانوه وشتموه وضربوه وبصقوا في وجهه ما يعرفوش انها الحقيقة
البابا له سبب في الوثيقة دي ، ومهما كان السبب ، هو بطريركنا وواثقين في حكمته وعارفين ان حاجة زي دي ما تطلعش بدون دراسة مكثفة للموقف وردود الفعل ، يعني بكل بساطة هو عارف هو بيعمل ايه
ومصر هتفضل دولة ثيؤقراطية يحكمها الاسلام حتى يزيد عدد الليبراليين ، ويستطيعوا قلب هذا النظام الثيؤقراطي
وساعتها لو اتدخلت الكنيسة في السياسة أو قالت رأي سياسي ممكن نعترض انما والنظام كده
مش هتيجي تقول لأ كده غلط ، لأن الموضوع ده بقى عرف عام