|
|||||||
| المنتدى العام يهتم هذا القسم بالأخبار العامه |
|
|
خيارات الموضوع | طريقة العرض |
|
#18
02-09-2005
|
|||
|
|||
 سويرس : شكرا يا عم ساويرس ونجاملك كدة في الافراح ويكون قريب ان شاء الله وانت فاهم قصدي ...... شششششش  shero4jesus : هي المدورة اللى فيها اسلاك وكابلات دي قنبلة ؟!!  وانا اللى كنت فاكرها صباع كفتة وقع تحت الكرسي ؟؟ عموما امانتك في الحفظ والصون .. انا كلتها ...هههههه وربنا يقوينى كدة وارد هديتك باحسن منها ( صاروخ بالستى) fanous2102: ولو انى كنت زعلان منك شوية وواخد على خاطري انما برضة مفيش حد يقدر يزعل من اخوه مهما كان خصوصا لو كان اصغر منة ... وبعدين دول شوية لعب اطفال لولادي .. الكترونيات دقيقة وتقنية عالية اية بس ... قالولك عليا جيمس بوند ؟  كيرلس: شكرا يا عم كيرلس والقلوب عند بعضها ... وكل واحد ربنا شايف اللى جواه وعارف هو بيفكر ازاي .. وربنا يكرمك  elmafdy : الصديق العزيز والاخ الغالي المفدي .. فعلا ليك وحشة كبيرة يا راجل والمعزة متبادلة طبعا واضح ان في مواضيع كتييرة اوي اثيرت وانا مش موجود ... وربنا يسهل واقدر المها كلها .... بس مش على طول كدة يا مفدي .. لازم الواحد ياخد نفسة شوية اما وجود على اول الاصدقاء هنا دة طبعا اسبابة معروفة . لانك راجل محترم وبتحترم نفسك وبتجبر الناس على احترامك .. وعمر ما كان اختلاف الاراء سبب للكراهية او الحقد او التطاول بالكلام او بالفعل مهما كان ........... نيجي بقي لأسالتك بالنسبة لسؤالك الاول .. المشكلة الكبيرة ان الاعلام في امريكا للاسف دايما مش مدي حد حقة ابدا ..ومش احنا بس .. يعنى دايما لو شوفت الافلام الاجنبية دايما الروس باردين جدا ومعقدين نفسيا وساديين لاقصي درجة .. والهنود بيلبسوا دايما لبس غريب وكلامهم كتير وغالبا حمقي .. واليبانيين دايما بتوع كاراتية ونينجا وحركات .. الخ لدرجة ان في فيلم لجاكي شان كان بينضرب في الفيلم من بعض الاشخاص .. وواح دصاحبة كان مستغرب اوي ازاي انه بينضرب كدة من الاشخاص دول ومش عارف يرد ... رد علية بعبارة مثيرة اوي وقالة ( مش كل الاسيويين بروس لي ) .. وطبعا الصورة المعروفة لمصر هي الفراعنة والاهرامات ... مع التداخل العربي والخيم والجواري العرايا وقصور الف ليلة وليلة ... للاسف مش قادرين في الغري يتخليوا الشخص المصري بدون اهرامات ومعابد ومسلات وجمال .ولعنات وكهنة .... لذلك الامر عندهم زي رد الفعل الشرطي بتاع بافلوف والكلـب .. مجرد ذكر مصر او المصريين بيفتكروا المعابد وابو الهول والكلام دة ... اما التفرقة في امريكا على اساس الدين او الجنس او العرقية فموجودة وشوفتها بعينة في التعامل بينهم هناك ... بس زي ما بنقول السياسة المعلنة شيء والحقيقة شيء تانى ... السعودية مثلا بتحرم السرقة والدعارة والمخدرات مثلا .... والاشياء دي للاسف موجودة هناك ... نفس الامر في امريكا .. المفروض مفيش تمميز لكن لسة بتسمع كلمة الزنجي او الاسيوي او المكسيكي .. او اليهودي او الوثنى في وسط كلاهم لو بينادو على بعض ... دة غير الحساسية المفرطة للاعراق المختلفة ... يمكن تواجدي هناك كسائح بيفرض عليها احترامي عشان قاعد بفلوسي والدولار هو سيد الموقف .. لكن اعتقد لو انى رايح للعمل او الاقامة هناك النظرة والاسلوب هتتغير تماما ... وزي ما في ناس بتقدرك وتحترمك دون النظر لاي شيء في برضة اللى عايز يخنقك لانك مصري او عربي او مسلم ... وترجع نظرية صوابعك مش زي بعضها تسود الموقف كله .... الموضوع التانى : انا جاوبت عنه وقلت انا عارف ان في ناس بتحبنى وفي ناس بتكرهنى ودة شيء طبيعي جدا في البشر لاننا مش ساواسية ومش كاملين .. لكن على الاقل الاحترام المتبادل بيعمل جو من الحب ولو ظاهري بيبعث على الراحة ....وانا عارف كويس ان في اعضاء هنا بيحترموني جدا وبيحترموا كلامي رغم اظهارهم عكس ذلك او استخفافهم المتواصل بكلامي ومش عيب ابدا انى احترمي عدوي ... دة في حالة انى اعتبرتة عدو من الاصل .. ودة شيء خاطيء ثالثا: عجبنى جدا كلمتك وانت بتقول إقتباس:
ولو مسلمين مسملين سنة ولا شيعة ولا ولا ولا ولا الخ .... ( الفتنة نائمة لعن الله من ايقظها ) واخيرا كلمه اخيرك يا مفدي : انا مفيش على باب اوضتى عسكري ..  يمكن تقصد البيت .. وفي الحالة دي المدام هتكون افضل عكسري في الدنيا بالنسبة لي هي وولادي sammy: من نحية كسبت ... كسبت فسحة جميلة وتجديد جو وسياحة لذيذة اوي واستجمام واسترخااااااااااااء .. اما لو قصدك المكسب اياة .... انا بس بروح العب pinball >>> لانى بحبها وبتفرج على اللي جوا بدافع الفضول مش اكتر .. بس اوعى تقول لحد للكلام ينتشر وانضرب في البيت .... الطيب احسن  مار مينا : شكرا يا مينا على الترحيب وعلى  ولو ان بقك معكوك طبيخ .. بس برضة مقبولة منك يا عم .... بخصوص امريكا انا قلت وجهة نظري فيها قبل كدة اكتر من مرة في اكتر من موضوع .. وعجبنى اوي رد احد الكتاب عنها في معرض الكتاب من سنتين قال الامريكي انسان ظريف وطيب وصاحب ابتسامة ولبق وابن بلد جدع .. لكن لما امريكي بيقف جنب امريكي جنب امريكي .. وبتبص للكيان كله مرة واحدة بتشوف هيروشيما ونجازاكي وفيتنام والعراق وافغنستان وبتشوف الوجه الكريه للسياسة في ابشع صورها اما موضوع كنيسة المرج الحقيقة لسة معرفش حاجة عنه ولا ابعاد المشكلة تماما ... اما موضوع الجنسية صدق او لا تصدق ... انا كان في ايدي اخد الجنسية دي من 3 سنين وانا اللى رفضت رفض قاطع ... احتمال كبير اوي متصدقش ... لكن دي الحقيقة ومش مطلوب من كل الناس انها تصدق حاجة زي دي ... مشمش: واخد لجوء سياسي من اية ؟؟؟ انا مش خايف من حاجة واللى على راسة بطحة بيحسس عليها يا عم وانا راسي سليمة وشكرا يا سيدي لو كنت افتكرتني في صلاتك وانا غايب ومسافر ونجاملك كدة والواحد بيدعي في صلاة التروايح في رمضان NasaGirl: يابنتى بقولك مراتي وولادي معايا .. نسوان اية بقي الله يخرب بيت شيطانك ... انتى عايزانى بدل ما يبقي اسمي غلاباوي اخد لقب مرحوم ولا اية ... وكلمة في سرك .. الحمد لله رب العالمين مراتي في نظري احسن من مليون ملكة جمال ربنا يخليهالي هي وولادي ويبارك فيهم وبعدين جلالايب اية اللى هجيبها من اطلانطا .. الموضع وما فية رحت زيارة لكنيسة هناك اثرية بس مش فاكر اسمها اية بس هي كبيرة وتصميماتها الفنية حلوة اوي .. لقيت فيها حاجة زي بازار صغير لبيع الانتيكات او الكادوهات ... جبت كام ايقونة على كام صليب على شوية حاجات بتتعلق في العربية ... وكلهم لكام واحد صحبي وجيراني ... حاجات بتكون بسيطة ومش غالية يا ناسا .  . بس اسمي افتكرتهم وانا في الغربة ولو بشيء بسيط knowjesus_knowlove: إقتباس:
شبيب رامه: شكرا على المعلومة والمحكمة اتنورت .. Safnat_Fa3nash007: يا صفصف دي معلومات عامة واي جـحش لمواخدة لازم يكون عارفها .. وملهاش اي علاقة بجزيرة المعيز وشكرا على تواجدك 
|
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
| خيارات الموضوع | |
| طريقة العرض | |
|
|
النمط المتطور