يوساب وأبو طرطور والشيطان

ولا انتش صادق يا يوساب
المحاورة بتاعتكم هي بالظبط بالظبط
أقصى اليمين وأقصى اليسار
الأقباط ما يعرفوش وسط
لازم يا علماني على الآخر يا ما شاء الله متدين على الآخر
يا جماعة بالراحة شوية
الخلاف في الموضوع ده على نقطة واحدة
وهي تحالف عدلي أبادير مع الشيطان عشان يسترد حقوق الأقباط
طبعا مفيش قبطي حقيقي واحد يوافقه
وعموما بالنسبة للأرض
للرب الارض و ملؤها المسكونة و كل الساكنين فيها (مز 24 : 1)
بالنسبة لحياتنا
لانه ما هي حياتكم؟؟ انها بخار يظهر قليلا ثم يضمحل (يع 4 : 14)
والمسيح يعني ما وعدناش بحاجة هنا ، غير الضيق والظلم والاضطهاد والقتل لأجل اسمه
انا عايز واحد بس يقول لي
هل المسيح وعدنا بحياة كريمة؟؟ هل المسيح وعدنا بأرض نحكمها؟؟
أم وعدنا بالخلاص الأبدي والراحة بعد التعب ان ثبتنا في اسمه ؟؟
اشرحولي
لأني مش لاقي كلامكم في الانجيل