نظرة نقدية لاحداث محرم بك و بحب السيما

[afanous]

المشاركة الأصلية بواسطة saweres

1- اسمه بولا ، لكن باللفظ الجديد اتغير اسمه لبافلي لكن الاسم الأصلي بولا ، زي دياكون اتغيرت وبقت ذياكون ... الخ

ما فرقتش في النقطة اللي بتكلم فيها، رغم اني مش مقتنع برضه بالكلام ده. يعني يوم الأقباط راحو الكنيسة سمعوا المعلم بيقول "بينشتي افا انتوني نيم بي-اسمي افا بولا..." ورجعوا الكنيسة يوم الحد اللي وراه لقوه بيقول "بينشتي افا انتوني نيم بي-اسمي افا بافلي..."؟؟؟ بالزمة الكلام دا معقول؟ ويعني مش في مدينة واحده انما في كل مصر؟ دا عامل زي المسلمين اللي بيقولوا ان الكتاب المقدس اتحرف!!!

المشاركة الأصلية بواسطة saweres

2- هو أمون بس لما تكتبه باليوناني أو اللاتيني يبقى أمونيوس

ماقلناش حاجه، زي بالظبط ما اندرياس بالقبطي واندراوس بالعربي بس اهلي عايزين يتمنظروا راحوا سموني اندرو بالانجليزي. وده نفس اللي حصل في موضوع امون/امونيوس بسبب تأثير اليوناني زي ما قلت.

المشاركة الأصلية بواسطة saweres

3- قبل شمبليون ، كام واحد كان يعرف مينا نارمر وكام واحد كان يعرف مار مينا العجايبي؟؟

وأيام ما أم مارمينا العجايبي سمته مينا كان كام واحد عارف مارمينا العجايبي؟ وليه سمته مينا؟ ما كانت تسميه امين مثلا! السبب ان مارمينا العجايبي اسمه مينا ان ده اسم مصري كان معروف ومتداول وقتها. وبعدين ماهو في اقباط اسمهم رمسيس وايزيس، ولا دول كمان قديسين؟

المشاركة الأصلية بواسطة saweres

4- لوب أخد استمارة ستة لأني مش ناقص وجع دماغ بصراحة ، ومعدش عندي خلق أدي تحذيرات

الف شكر. طلعت جدع في دي.

[iwcab]

[QUOTE=afanous]ما فرقتش في النقطة اللي بتكلم فيها، رغم اني مش مقتنع برضه بالكلام ده. يعني يوم الأقباط راحو الكنيسة سمعوا المعلم بيقول "بينشتي افا انتوني نيم بي-اسمي افا بولا..." ورجعوا الكنيسة يوم الحد اللي وراه لقوه بيقول "بينشتي افا انتوني نيم بي-اسمي افا بافلي..."؟؟؟ بالزمة الكلام دا معقول؟ ويعني مش في مدينة واحده انما في كل مصر؟ دا عامل زي المسلمين اللي بيقولوا ان الكتاب المقدس اتحرف!!!

إيه ياأخ فانوس .. إنت مش عايش فى الدنيا ؟ مش عارف إن البابا كيرلس الرابع غير القراءة القبطية وحرفها بغرض تخريبها ، وإن القراءة إتغيرت فى مصر على مدى 100 سنة ، وإن الصعيد لم يتغير بسرعة فسموا النطق الأصلى بإسم النطق الصعيدى

المشاركة الأصلية بواسطة afanous

ما فرقتش في النقطة اللي بتكلم فيها، رغم اني مش مقتنع برضه بالكلام ده. يعني يوم الأقباط راحو الكنيسة سمعوا المعلم بيقول "بينشتي افا انتوني نيم بي-اسمي افا بولا..." ورجعوا الكنيسة يوم الحد اللي وراه لقوه بيقول "بينشتي افا انتوني نيم بي-اسمي افا بافلي..."؟؟؟ بالزمة الكلام دا معقول؟ ويعني مش في مدينة واحده انما في كل مصر؟ دا عامل زي المسلمين اللي بيقولوا ان الكتاب المقدس اتحرف!!!

انا مش قلتلك النقطة دي قبل كده؟؟
طيب أريحك خالص
تعرف الفرق بين اليوناني القديم واليوناني الحديث؟؟ الكتابة القبطية لما نقلت أحرف يونانية نقلتها بأصواتها اليونانية القديمة
ولما تغيرت في القرن السادس عشر فواحد ابن حلال ما يعرفش التغيير ده وكان المعلم الوحيد للغة القبطية بالاكليريكية فتم تغيير الحروف على اعتقاده هو ان النطق اليوناني الحديث هو النطق الأصلي
الأدلة كتير جدا على أصالة اللفظ البحيري القديم
البابا كيرلس الخامس نفسه كان بيصلي بالبحيري القديم

المشاركة الأصلية بواسطة afanous

وأيام ما أم مارمينا العجايبي سمته مينا كان كام واحد عارف مارمينا العجايبي؟ وليه سمته مينا؟ ما كانت تسميه امين مثلا! السبب ان مارمينا العجايبي اسمه مينا ان ده اسم مصري كان معروف ومتداول وقتها. وبعدين ماهو في اقباط اسمهم رمسيس وايزيس، ولا دول كمان قديسين؟

انا كنت بتكلم على الفترة ما بين استشهاد القديس مار مينا لحد اعادة اكتشاف التاريخ المصري
واسم مينا كان متداول لكن مفيش دليل ان حد كان يعرف وقتها مينا نارمر، ودلوقتي اللي بيسمي اسم ابنه مينا بيسميه على اسم مينا نارمر موحد القطرين؟ ولا مار مينا العجايبي؟!!

المشاركة الأصلية بواسطة afanous

الف شكر. طلعت جدع في دي.

يعني انا مكنتش جدع قبل كده ولا ايه؟؟
الملافظ سعد يا أندرو