ضيعنا فرصه ذهبيه

[elmafdy]

أنتهت الانتخابات بفوز الرئيس مبارك بنسبة 88.6% من اجمالى الاصوات البالغ عددها حوالى 7.3 مليون صوت , هل تتخيلون معى يعنى ايه كل اللى ادلوا باصواتهم 7.3 مليون ناخب , يعنى احنا المسيحيين نملك بطاقات انتخابيه تفوق ذلك العدد , انا شخصيا لا أعرف ان كان الدستور ينص فعلا على وجوب ان يكون رئيس الجمهوريه مسلم ام انه يجوز ان يكون مسيحيا , و لكن ان جاز فمعنى ذلك انه اذا كان هناك مرشح مسيحى و تخيلنا نحن اقباط مصر عن سلبيتنا و ذهبنا جميعا لترشيحه لفاز بالثلث , بل وحتى اذا لم يكن الدستور يسمح , اما انا الاوان ان نطالب بذلك و فى حالة الدعوه لاستفتاء على الموافقه على مثل ذلك التعديل فلن يختلف عدد من سيدلون بأصواتهم فى الاستفتاء عن هذه النسبه , اى اننا نحن الاقباط فى مصر نستطيع بأيجابيتنا ان نؤدى لتغيير الدستور , و من ثم لترشيح رئيس مسيحى .
ربما يكون ذلك حلم به بعض الخيال و الطموح الزائد , الا ان الحقيقه المؤكده هى اننا نحن اقباط مصر يمكن ان نكون اكبر قوه سياسيه تتحكم فى مصير البلد اذا تخلينا عن سلبيتنا المعهوده , تخيلوا معى لو كنا قد تفاوضنا مع اى مرشح من المرشحين و فرضنا شروطنا و ربطنا تأييدنا له بأخذ حقوقنا و تنفيذ طلباتنا , فمن الواضح ان عددنا كمسيحيين كفيل جدا بقلب نتيجة اى انتخابات .

أعرف ان كلامى غير منظم و لكنه مجموعة خواطر جالت فى خاطرى و انا اقرأ نتيجة الانتخابات و احببت ان اشرككم فيها .

و الرب يبارك و يهدى الجميع

المفدى

[الخواجه]

المشاركة الأصلية بواسطة elmafdy

أنتهت الانتخابات بفوز الرئيس مبارك بنسبة 88.6% من اجمالى الاصوات البالغ عددها حوالى 7.3 مليون صوت , هل تتخيلون معى يعنى ايه كل اللى ادلوا باصواتهم 7.3 مليون ناخب , يعنى احنا المسيحيين نملك بطاقات انتخابيه تفوق ذلك العدد , انا شخصيا لا أعرف ان كان الدستور ينص فعلا على وجوب ان يكون رئيس الجمهوريه مسلم ام انه يجوز ان يكون مسيحيا , و لكن ان جاز فمعنى ذلك انه اذا كان هناك مرشح مسيحى و تخيلنا نحن اقباط مصر عن سلبيتنا و ذهبنا جميعا لترشيحه لفاز بالثلث , بل وحتى اذا لم يكن الدستور يسمح , اما انا الاوان ان نطالب بذلك و فى حالة الدعوه لاستفتاء على الموافقه على مثل ذلك التعديل فلن يختلف عدد من سيدلون بأصواتهم فى الاستفتاء عن هذه النسبه , اى اننا نحن الاقباط فى مصر نستطيع بأيجابيتنا ان نؤدى لتغيير الدستور , و من ثم لترشيح رئيس مسيحى .
ربما يكون ذلك حلم به بعض الخيال و الطموح الزائد , الا ان الحقيقه المؤكده هى اننا نحن اقباط مصر يمكن ان نكون اكبر قوه سياسيه تتحكم فى مصير البلد اذا تخلينا عن سلبيتنا المعهوده , تخيلوا معى لو كنا قد تفاوضنا مع اى مرشح من المرشحين و فرضنا شروطنا و ربطنا تأييدنا له بأخذ حقوقنا و تنفيذ طلباتنا , فمن الواضح ان عددنا كمسيحيين كفيل جدا بقلب نتيجة اى انتخابات .

أعرف ان كلامى غير منظم و لكنه مجموعة خواطر جالت فى خاطرى و انا اقرأ نتيجة الانتخابات و احببت ان اشرككم فيها .

و الرب يبارك و يهدى الجميع

المفدى

الاخ المفدي تحيه طيبه -- لقد فتحت موضوع جديد -- بعنوان -- منتدي جديد للافكار فاتمني ان تشارك في الموضوع بهده الفكره ادا تحقق لنا هدا المنتدي -- لاننا نحتاج لتجميع الجهود والافكار -- سلام المسيح

بالعكس كلامك جيد جدا ويظهر ما في تخيالتك وافكارك تماما ... ولكن الامر اعقد مما تتخيل .. فحتى لو كان هناك ترشيح بمصداقية تامة جدا ..... فهل تعتقد ان يكون هناك مرشح مسيحي بين 5 مرشحين مسلمين ويستطيع الفوز بتلك السهولة ؟؟

لا تنسي يا عزيزي فارق النسبة المهول بين المسلمين والمسيحين

[sammy]

أقسم أننى فى هذه الحالة سأنتخب المسلم... هى رحلة ولا مسابقة تكسب فيها شوية أصوات بقيت الفائز؟؟؟ ربنا يفتح عيونكم...

طب ممكن اعرف لية يا سامي واشمعنى بتقسم انك تنتخب المسلم .. ياتري حب في المسلمين وحكمهم ولا يأس من قدرة المسيحين على الحكم ولا مجرد خالف تعرف ؟

[elmafdy]

أخوتى جميعا فى المنتدى مسيحيين و مسلمين
انتوا مسكتوا فى المثال اللى انا حطيته و سبتوا جوهر الموضوع , انا زى ما قلت مثال انه يكون فيه مرشح مسيحى قلت كمان مثال اننا كلنا كمسيحيين نختار مرشح واحد مسلم و نوضح له احنا قد أيه قوه انتخابيه , و ازاى ممكن يكون صوتنا ليه تأثير " كل اللى انتخبوا كانوا 7.3 مليون , يعنى 4 مليون صوت كافيين يكسبوا أى مرشح " , و بالتالى لو كان لينا مطالب من حقنا اننا نطالب بيها و من حقنا اننا نحس بنفسنا كقوه مش مهمله و ليها تأثير فى القرار السياسى فى البلد .

الكارثه الاكبر يا اخوتى المسلمين هيه فيكم انتوا كمان , اذا كنا احنا المسيحيين اتزرع جوانا بفضل الاعلام و خلافه اننا اقليه مستضعفه فى الارض , و ان مكاننا الطبيعى اننا نمشى جنب الحيط , انتوا بقى ايه حجتكم , ازاى تكونوا بالسلبيه دى و انتوا بتختاروا اللى يحكمكم , بأى وش ممكن بعد كده نرجع مسلمين او مسيحيين و نشتكى من اى حاجه فى الحكم , ما الكره كانت فى ملعبنا جميعا و بمنتهى السلبيه اهدرناها , تخيلوا اغلب المصريين فضلوا يكتبوا لافتات و مقالات نفاق لحسنى مبارك , و مش متخيليين انهم كان في ايديهم انها ما يبقاش رئيس البلد , هل هى سذاجه و تعود على الاستعباد و المطاطيه , ام انها بعد نظر و حكمه من المصريين اللى كانوا عارفين النتيجه مسبقا و عارفين ان اللى ها ياخد اى مواقف عنتريه ها تطلع على جتته بعد كده .

و جايين تفولولى مسيحيين و مسلمين , جتوا خيبه و لا مؤاخذه

المفدى

[BIANCO]

المشاركة الأصلية بواسطة غلاباوي

طب ممكن اعرف لية يا سامي واشمعنى بتقسم انك تنتخب المسلم .. ياتري حب في المسلمين وحكمهم ولا يأس من قدرة المسيحين على الحكم ولا مجرد خالف تعرف ؟

انا كمان من رأى الاخ سامى لان الحكاية مش بس الفوز فى الانتخابات لكن القدرة على الحكم و الاستمرار فيه .بمعنى ان المسيحى حتى لو كان أصلح الاشخاص المرشحين للحكم لا يمكنه حكم شعب اغلبيته مسلمة وبحسب اعتقادها الدينى بترفض ولاية غير المسلم .لذلك فمنطقيا يجب انتخاب المسلم الذى يتعهد بان يحكم بالعدل بين طوائف الشعب (ان وجد).
يعنى فى النهاية المسألة مش حب او كره لكن مسألة منطق و عقلانية

[sammy]

المشاركة الأصلية بواسطة غلاباوي

طب ممكن اعرف لية يا سامي واشمعنى بتقسم انك تنتخب المسلم .. ياتري حب في المسلمين وحكمهم ولا يأس من قدرة المسيحين على الحكم ولا مجرد خالف تعرف ؟

لاسباب منطقية طبعا... شغل السياسة والمصالح لا فيه حب ولا كره ولا يأس وأنا أكبر من أن أخالف لمجرد أن أعرف... الأسباب هى:
1- كيف من الممكن أن ينفذ مسيحى -لو فرض يعنى فى الأحلام- خطة ما لو صار رئيسا لدولة أغلب شعبها مشعوذ وعليه عفريت اسمه إسلام وحجاب ولحية وولاء وبراء ومخالفة كفار وأفكار عدائية الى أقصى مدى... دعك طبعا من الخطط التآمرية على كل ما يفعله مسيحى فى أى من بلاد الإسلام... مثال على ذلك منع أطباء مسيحيين من قسم أمراض النساء بكليات الطب... منافسة المسيحيين فى المجالات التى برعوا فيها من قدم كمثل الصيدلة والبنوك والمحاسبة... والنتيجة صيادلة يتاجرون فى المخدرات, ومديرى بنوك يرتشون ويسهلون قروض وهمية وشركات يلعب محاسبوها فى الدفاتر لتطلع كسبانة بالأونطة... فهل فى مثل هذا مجال ثقافى وقيمى ينفع حاكم ولو كان ملاك؟؟؟ فكر كده هل يستطيع مدير -مجرد مدير- فى قسم مش فى شركة بحالها أن ينفذ سياسة خاصة به؟ وطبعا السياسات مسألة تتنوع بشأنها الأراء فأول نقد للسياسة التى سوف يراها هو أنه كافر والعياذ بالله وبهذا بدلا من تسيير المصالح تتعطل.

[sammy]

ثانيا: أغلب المسيحيين خضعوا لإرهاب الرأى المتأسلم, وأصبحوا متأسلمين بأكثر من الإسلامويين. يعنى خوفهم ورعبهم من أن يقال أنه طائفى أصبح القبطى طائفى لكن من الناحية الأخرى.. يعنى يضطهد القبطى لكيلا يقال أنه يجامله. ويجامل المسلم السفلى بأكثر مما يجامل المسلم العادى لأن السفلى له طول وباع أن يكفره فى لحظة ولو بدون سبب كأن يشرب المدير مش الرئيس ميه فى حفلة مثلا فيقسم السفلى أنه شرب الخمر وأنه كان يأكل سندوتش خنزير... ويبقى الرئيس مش ملاحق ينكر ما يدعى عليه ولا يقبض بقى على كل السفليين وهم أغلبية المفتين والشيوخ الذين يقودون الدهماء ...ولا يمشى الدولة بالعدالة والحق ويموت بعد نصف ساعة من توليه الرئاسة.
ثالثا: الإدارة عموما وطبعا الرئاسة سياسة أولا والقرارات تتخذ حجيتها وقوتها من الرضا العام أولا ثم من قوة وسيف القانون ثانيا... يعنى تخيل مثلا أن مسيحى بينه وبين مسلم مشكلة ما... فهل للحكم العادل الذى يصدره مسلم قبول وقوة أكثر أم الحكم العادل الذى يصدره مسيحى؟
حتى الظلم الذى يأتى من عدو لى هو أقرب للإحتمال من الظلم الذى يصيبنى من صديقى أو ممن يفترض فيه الحياد على الأقل... صح؟ صدقنى ياغلباوى أنا إتظلمت من مجموع من الناس قادهم واحد مسلم سفلى... وإثنين مسلمين حاولوا يردوا عنى الظلم لكن مش بإصرار يعنى وعندما أنكر عليهم السفلى فعلهم إنضموا له, لكن حاولوا, وإتألمت طبعا جدا... لكن اللى أجهز عليا كان واحد قبطى للأسف... كمان إعتراف تانى أنا نفسى مرة رفضت أجازة لموظف مسيحى لمجرد إنه مسيحى...كنت صغير ومتشرب برضه بالبعد عن الطائفية لكن للناحية التانية... ربنا يسامحنى.
ولغاية دلوقت لو احتجت لأى خدمة أو طلب خصوصا لو كان واسطة أو ما شابه أطلبها من مسلم وعمرى ما أطلبها من قبطى أولا لأنى أعذره وثانيا لأبعد عنه الشبهات أنه فعلها بسبب طائفى, وثالثا أنا أثق فى كلمة الصديق المسلم أكثر لأنه لو كان بنى آدم ومش متعصب -فى رأيى- أهل للثقة أكتر من المسيحى من ناحية الشجاعة والمسلم لأسباب إجتماعية وعقائدية أكثر فجرا من المسيحى بكتير...

طبعا فيه شواذ وفيه أبطال مسيحيين وفيه لا مؤاخذة فئران مسلمين لكن أنا باتكلم عن الأغلب الأعم...

[الخواجه]

المشاركة الأصلية بواسطة ashraf shawky

انا كمان من رأى الاخ سامى لان الحكاية مش بس الفوز فى الانتخابات لكن القدرة على الحكم و الاستمرار فيه .بمعنى ان المسيحى حتى لو كان أصلح الاشخاص المرشحين للحكم لا يمكنه حكم شعب اغلبيته مسلمة وبحسب اعتقادها الدينى بترفض ولاية غير المسلم .لذلك فمنطقيا يجب انتخاب المسلم الذى يتعهد بان يحكم بالعدل بين طوائف الشعب (ان وجد).
يعنى فى النهاية المسألة مش حب او كره لكن مسألة منطق و عقلانية

الاخ اشرف -- ده لامنطق و لا عقل --1 انت قلت لو المسيحي هو الاصلح 2 ولو منتخب من الشعب تعني معاه الشرعيه -- ليه بقه لايمكنه من الحكم -- هو ها يكون رائيس للدوله له جميع الصلاحيات و الاصلح و طبعا الاءمن و الاطهر و هايكون الاعدل و غير متعصب -- عاوز ايه تاني لو كل ده توفر فيه هاتفرق كتير يا باشا ساعتها كل الناس تناصره -- لانه سوف يعمل لصالح البلد و اهم حاجه هي الحاله الاقتصاديه للشعب -- لو نجح في تحقيق رخاء وتقدم اقتصادي الناس تحته فوق دمغهه -- فمنطقيا الرئاسه للاصلح

المشكلة كلمة الاصلح دي كلمة نسبية اوي ....... الاصلح من وجهة نظرك تختلف عن الاصلح من وجهة نظر غيرك .. مع ان النهاية هو ان القيمة ذاتها هي الاصلاح او التغيير للصالح .. لكن زي ما قلت ممكن الصالح في نظرك غير اللى في نظري ..

[الخواجه]

المشاركة الأصلية بواسطة غلاباوي

المشكلة كلمة الاصلح دي كلمة نسبية اوي ....... الاصلح من وجهة نظرك تختلف عن الاصلح من وجهة نظر غيرك .. مع ان النهاية هو ان القيمة ذاتها هي الاصلاح او التغيير للصالح .. لكن زي ما قلت ممكن الصالح في نظرك غير اللى في نظري ..

الاصلح للوطن الدي يعمل علي محاربة الفساد و المحسوبيه -- يعمل علي تحقيق المساواه بين الجميع - و الاولاويه الاكفاء -- و يحقق للشعب حد مناسب للمعيشه -- و يرسخ مبادئ حقوق الانسان - و المواطنه - و و و و و و هدا الاحسن للوطن وليس لفئه واحده او لنظره واحده - او لدين معين علي حساب الاخريين -- و مهم للاغلابيه و ليس لوجهة نظر عنصريه عقيمه لاتصلح لغير المتصحريين الرجعيين و الاديولوجيات التي عفي عليها الزمن و ضد الحضاره و الانسانيه

كلام نظري ممتاز يا خواجة .. بس المشكلة في التنفيذ .. يعنى مثلا لو كان برنامج ايمن نور برنامج صالح وكويس .. تلاقي ناس فجأة طلعت بصور له وهو بيصلي مع مرشد الاخوان دلالة انه عميل لهم وبيحبهم .. و و و و الخ ....

دة على سبيل المثال

[الخواجه]

المشاركة الأصلية بواسطة غلاباوي

كلام نظري ممتاز يا خواجة .. بس المشكلة في التنفيذ .. يعنى مثلا لو كان برنامج ايمن نور برنامج صالح وكويس .. تلاقي ناس فجأة طلعت بصور له وهو بيصلي مع مرشد الاخوان دلالة انه عميل لهم وبيحبهم .. و و و و الخ ....

دة على سبيل المثال

الاخوان المسلمين هم ايضا مصريين و من حقهم ان يتخدوا الموقف الدي يناسبهم او كما يعتقدوا انه الموقف الصح -- بالنسبه امعتقداتهم -- اما عن صلاة ايمن نور معهم بده مش المعضله - بس لو ايمن نور يحالف معهم او اتخد نهجهم في الحاله دي -- من حقنا اتخاد الموقف المناسب منهم سويا-- و طبعا الرفض لتحالف ايمن - اخوان -- لكن نحن و انتم اعطيتم الاخوان حجم اكبر بكتييييير اوي لحجمهم الطبيعي -- في نظري لايتعدوا 1% و يمكن اقل

اذا لا اختلاف في وجهة نظرنا يا خواجة ..... بخصوص نسبية لفظة الاصلح ...

اما بخصوص ان الاخوان حجمهم لا يتعدي 1 % فقد جانبك الصواب هذه المرة ..
فالتقديرات النسبية حتى تؤكد ان نسبتهم بين الـ 12 الي 16 % من اجمالي مسلمي مصر