طلب صلاة لأجل غلاباوي

حمد الله على السلامة يا غلاباوي

[الخواجه]

المشاركة الأصلية بواسطة غلاباوي

.. احم ..

الحقيقة مهما قولت فمش هقدر اعبر عن اللى حسيتة بعد العودة ... طبعا كلمة شكرا مش كفاية ابدا ولو شكرت كل واحد في رسالة خاصة باسمة مش هوفية حقة .. لكن اللى حصل دة مش بيدل غير على شيء واحد بس ... ان مهما اختلفنا في الاراء ومهما حدث صراع فكري بينا وصل لدرجات عالية في الحدة والسخونة الا اننا في النهاية لا نتمنى اي سوء او مكروه لبعضنا البعض ...

الحقيقة كنت اعلم انة سيصل الخبر للمنتدي ولم اصدق ان سيكون الخبر بصورة طلب صلاة لغلاباوي ... وانما بصورة ( غلاباوي هيعمل عملية ويا يجي يا يغور في داهية للابد )
وتوقعت بصورة طبيعية جدا ردود على غرار ( في داهية - المركب اللى تودي - خد الشر وراح .......... الخ )
لكن اخر ما تخيلتة ان يرجو لي الجميع بلا استثناء واكرر بلا استثناء السلامة ويدعون لي بالشفاء العاجل حتى اشخاص كان بينى وبينهم الكثير من الصراعات والمشدات الكلامية ... الا انهم برهنوا في النهاية انهم افضل بكثير من غلاباوي ....

لن اطيل عليكم واتمنى من كل قلبي للجميع الصحة والسعادة كما تمنيتموها لي ...

واتمنى ايضا تحتملوا غلاباوي مجددا ...... ههههههه

تحياتي

الاخ غلاباوي - انت تستاهل كل خير و نشكر ربنا علي رجوعك بالسلامه لعائلتك الكريمه

للمدام و الاولاد و لكل ناسك و لاخوتك في المنتدي - انا قريت مداخلتك اكثر من مره لانها

طالعه من القلب و توصل لقلب كل واحد يقراها - و ده ان دل فهو يدل علي المعدن الاصيل لكل مصري اصيل - محب لبلده و اهله و ناسه و تراب بلده و ابناء بلده

[baby]

اولا الف حمدالله على سلامتك يا غلباوى ويارب تكون دلوقتى باحسن حال وربنا يكمل شفاك على خير ثانيا لو على المدام اكيد هتقول فى سرها" يا ريت" وبعدين ده منظرواحد وش كسوف واخيرا منتى بتقول كلام كويس اهو متشكر يا بيبي وربنا يبارك في حياتك ( حلوة حكاية ربنا يبارك في حياتك دي ) امال مالك بقى على طول سانن لسانك علينا ليه خليه حلو كده
كده عدت مرحلةالاكياس

شكرا ليكم يا جماعة بجد والله دة كتير عليا ... وشكرا لكل واحد باسمة عشان منساش حد..

وانتى كمان يا بيبي وربنا يستر والمدام عندي ماتشوفش كلامك الحلو دة .. بعدين الامر ميسلمش .. وبالمناسبة هي مش هتقول ياريت .. هي هتقول ( اللى خدتة القرعة ...... )
هههههههههههههههههههههههههههههههههههههههههههه

[Abou Sefeen]

ألف الحمد لله علي سلامتك ياغلباوي ...... وعوداً حميدا للمنتدي .... صدقني أنا فرحت جدا لما شوفت مداخلتك وعرفت أنك رجعت بالسلامه ..... ربنا يحافظ عليك من كل شر

[elmafdy]

المشاركة الأصلية بواسطة elmafdy

العزيز غلاباوى

اتارينى مش انا بس اللى بأحبك و عمال ابعت لك اطمن على صحتك و خايف عليك خوف حقيقى نابع عن حب حقيقى من القلب ,واضح ان ده شعور عام و موقف الكل هنا , أعتقد أن الادمن لو عملوا دراسه ها نلاقى ان منتدى السؤال عن صحتك و الامنيات بالشفاء العاجل اللى احنا فيه ده حقق رقم قياسى فى عدد المداخلات فى أقل وقت , و هذا أمر يستحق منا وقفه و تأمل للبحث عن السبب :

- هل هو خوف من غلاباوى و فرصه للنفاق و المحلسه بحكم انه رجل مخابرات كبير , لا أعتقد لأن الكثير من أخوتى فى المنتدى يحيون خارج مصر و ليسوا فى حاجه الى تأمين انفسهم او منافقة غلاباوى .

- هل لأن غلباوى أنسان رائع لطيف محبوب , أنا شخصيا أرى ذلك , الا انه ليس الرأى العام و الكثير من الذين أرسلوا يطمئنون عليه من المختلفين معه دائما فى الرأى و طالما حدثت بينهم مناقشات ساخنه حاده .

لا يتبقى الا سبب واحد و هو الحقيقه , هو أننا نحن جميعا كمسيحيين مختومين بروح المسيح , و محبته التى احبنا بها فاضت بداخلنا و خرجت للأخرين , فأصبحنا جميعا نعرف كيف نحب الاخرين , كل الاخرين , حبا حقيقيا صادقا لا يشوبه أى رياء او زيف أو تقلب , أننى - رغم قلقى و خوفى على صديقى غلاباوى - سعيد بما رأيته هنا , فرائحة المسيح العطره مازالت تنسم منكم جميعا , ما زلنا نحب الجميع حبا حقيقيا صادقا باذلا غير مشروط ولا متقلب , صدقهم جميعا يا غلاباوى فى محبتهم فهى حقيقيه , و صدقنى أنا حينما اقول لك ان هذه هى المسيحيه و هؤلاء هم المسيحيين , المسيحيين الذين تسعون بكل ما تملكون لأبادتهم و اخفائهم من الوجود , أما بالاسلمه أو بالتطفيش لخارج البلاد , و صدقنى أيضا حينما اقول لك انه يوم ان تختفى تلك الروح و الرائحه العطره من مصر , فأنها ستكون بداية النهايه لها .

أنا عارف انك تعبان و مش حمل خطب و هتافات علشان كده ها اسيبك و مش ها اقول اكتر من اللى قالوه اخواتى فى المنتدى , ربنا يعفى عنك و يقومك بالسلامه و نشوفك منور وسطنا تانى يا صديقى .

المفدى

علشان تصدقنى لما اقولك انه استفتاء حب مالوش حل و تصدقنى لما اقولك مين هما المسيحيين و تقدر يعنى ايه قيمة وجود بشر زينا بينكم ربنا وضع جوه قلوبهم حب حقيقى من نوعية الحب الالهى اللى البشر ما يعرفوش يقدموه .

حمد الله على السلامه يا صديقى العزيز

هي هتقول ( اللى خدتة القرعة ...... )

عمال تخوفنى و تزود شكوكى العمليه كل شويه , عموما ما فيش احسن من العشره الطيبه و الاحترام المتبادل , خصوصا لما يبقى مش متاح غيره

حمد الله على السلامه كمان مره , و ربنا ما يغيبك عنا تانى ابدا

المفدى

[fanous2102]

اولا انا مبسوط لرجوعك لعده اسباب اهمها
1- رجوعك لعائلتك بالسلامه و ده شئ مهم جدا لزوجتك و اولادك.
2- الاقي و احد اناقر فيه
بس اصبر شويه لما قلبك يستحمل مناقرات و مشاغبات فانوس معاك
مش لازم عمليه يعني كل 6 اشهر قلبك مايستحملش
3- في موضوع جديد ياريت تكتب مذكرات و احاسيس و احد هايعمل عمليه في القلب
دي طبعا راجعه ليك و لارادتك الشخصيه
4- مربا بك خد بالك الهدنه مش هاتستني كتير اول ماتشد حيلك
هابدآ من جديد و تاني تاني تاني
ربنا معاك

[Miro]

اوعى يكون المناقرة معاك فى المنتدى هى الى عملت فى قلبك كدة :)

لا ابدا ,,, الموضوع كان قديم شوية وانا بطنش لحد ما الوضع تفاقم ...
عموما نصيحة خاصة جدا ... لو اردت ان تقوم بعملية في القلب فأنصحك بسباك محترف بدلا من طبيب .... فكلاهما يقوم بالعمل ذاته

[mena_hot]

حمد لله علي السلامة يا غلاباوي وحشتنا ياراجل

بجد الواحد كان قلقان عليك اوي اوي

ربنا يخليك لمراتك واولادك وكل اللي بيحبوك

ويكمل شفائك علي خير باذن يسوع

شكرا يا مينا .. وربنا يوفقك يا رب

[مار مينا]

سلام المسيح معاكم
حمدلله علي سلامتك يا غلاباوي بس اوعي وانت بتفوق من البنج تكون طلعت اسرار المنتدي برّه ههههههههههههه
ياريت تقولنا كان احساسك ايه
وهديتي ليك يا عم لشفائك ....... هتنازلك عن كلمه (( تحياتي ))

ههههههههههههههههه شكرا يا مارمينا على زوقك وعلى تحياتى كمان فوق البيعة

[InnerPeace]

حمدله على سلامتك ياغلاباوى وعلى فكرة ساويرس هو اللى بعتلك معايا (فى المشاركة بتاعتى يعنى) بوكيه ورد .. انا كنت جيبالك بوكيه شبت وبقدونس على اساس انى سمعت ان الورد حرام وكمان مصروفى مش هايكفى

[eymy]

مد يدك للشفاء ولتجر ايات وعجائب باسم فتاك القدوس يسوع
اللى شفى حماة بطرس واقام لعازر من الموت قادر يكون معاك ثق فيه هتلاقيه جنبك مش الدكتور اللى جنبك ربنا معاك وتقوم بالسلامه