تحذير الى كل من بالمنتدى

[موسي الأسود]

المشاركة الأصلية بواسطة ديديموس

ايه يا جماعة!!!
ما تهدوا شوية
الآيبيهات دي مجرد أرقام
بتيجي منين؟؟
لو بالايميل ، الياهو بيطلع الآي بي بتاعك الحقيقي ، أما الهوتميل فبيدي آي بي سيرفر شركة مايكروسوفت ( عشان كده ايميل الهوتميل أبطئ بالنسبة للياهو )
حاجة تانية
بالنسبة للتعامل العادي من غير ايميلات ، في الشات يعني ، ما بيظهرش الآي بي الا لما بتبعت ملف أو تستقبل ملف ( وده عايز أوامر وشغلانة تانية خالص ) ، غير كده بيظهر الآي بي بتاع سيرفر الشركة ، ده في كل أنواع الشات ما عداICQ لأنه بيستخدم نظام peer-to-peer
بالنسبة لرقم التليفون يا عم كشكش ، فده عايز جهاز دولة هو اللي يعمل الكلام ده ، ولازم حضرتك تكون متراقب من الدولة وده ما ينفعش غير لو كنت بس بتستخدم ديال أب، لأنهم هيعملوا التالي :
1- بيحصلوا على رقم الآي بي بتاع حضرتك
2- بيحددوا الوقت بالظبط اللي حضرتك كنت فيه أونلاين
3- بيوصلوا من رقم الآي بي للشركة صاحبة السيرفر اللي دخلك أونلاين
4- في الشركة بيحصلوا على رقم التليفون اللي تم اعطاؤه الآي بي ده على السيرفر في الوقت اللي كنت فيه أونلاين
لو بتستخدم دي إس إل أو حاجة أحدث هنا تختلف ، لأن الآي بي نوعين في الحالة دي
ثابت ومتغير
الثابت بيدخلك على الانترنت بآي بي ثابت ما بيتغيرش بتاعك انت لوحدك وبكده ممكن يوصلولك ( مش للتليفون ) بل للشركة اللي اعطتك الآي بي وبعدين للشبكة اللي انت فيها ، وده برضه عايزة أجهزة دولة
والمتغير ده مش هينفع حد يوصل لك من خلاله أبدا ( الا أجهزة الدولة )
يعني في كل الأحوال لا تخف من الاسلاميين بل خف من أجهزة الدولة الرسمية

احييك اخي ديديموس علي هذه المداخلة الرائعة و الموضوع لابد ان يؤخ بعين الجدية فالامن لا يهمنا في شيء حاليا فنحن لا نخطئ و لكن الحذر و كل الحذر من الصداقة عبر الانترنت وخصوصا في مواقعنا هذه و انا عن نفسي لا استقبل اي مرفقات من اي احد عبر بريدي و لا افتح اي رسالة مرسل لي عبر البريد لا اعرف صاحبها مسبقا و اثق فيه .
اخي كشكش بيه مشكور يا غالي علي حبك و احترامك للأخرين
اخي لونلي وولف ارجو منك عدم الغضب و عدم التمادي في اظهار غضبك فنحن جميعا انت و انا وكل الاعضاء مصلحتنا واحدة و نتفق علي مبدأ واحد فلما الاختلاف و الغضب .
مع حبي للجميع
موسي الأسود

[kotomoto]

طب طالما الدنيا أمان اوى كده, يبقى إزاى بيقفشوا الناس اللى بتعمل جرايم من على النت من قفاهم؟
ممكن إجابه؟

[smile]

يا جماعه الموضوع بكل سهولة
انت لما بتبعت رساله من الاميل بتاعك على اى اميل تانى بيبقى متسجل الاى لى بتاعك معاها حلو كده ماشى لما تبعت الاى بى بقى ايه اللى ممكن شخص عادى يعمله انه يروح على اى موقع انترنت ويجيب الاى مكان الدوله وف دول زى امريكا مثلا بتجيب لك الولايه والبلد وكمان الشبكه اللى بتدخل عن طريقها

اما بقى فى ام الدنيا
بما ان اغلبيه الناس بتدخل دايل اب عادى فكل مره بتدخل برقم زى مثلا 07770777 او 07770500 اى حاجه من الارقام دى بتاخد اى مختلف ليه بقى ؟؟؟؟
علشان كل شركة من ISP ليها عدد معين من الايبهات وعدد محدود ومتقدرش تديك اى بى ثابت الا فى حالة واحدة انك تدخل DSL

ازاى الباشاوات بيعرفوا كل حاجه عنك لو عاوزين
الموضوع بسهوله انك لما بتدخل عن طريق شركة معينه للانترنت الشركة دى قبل ما تدخلك على النت بتسجل المعلومات عنك ومنها رقم التليفون بتاعك وبتديلك الاى بى وبتسجل انت دخلت من الساعه كام للساعه كام وعملت ايه كمان والمعلومات دى بتقعد عندهم لفتره معينه بتختلف من شركه للتانيه ( حوالى 6 اشهر تقريبا )

لو فى اى استفسار انا موجود