|
|||||||
| المنتدى العام يهتم هذا القسم بالأخبار العامه |
 |
|
|
خيارات الموضوع | طريقة العرض |
|
#1
20-02-2004
|
|||
|
|||
|
مناقشة فى مصراوى
http://forum.masrawy.com/arMessageVi...&firstPages=10 ونقلت منها التعليقات دى وكنت عايز أنقل أكتر لكن لقيت إنى هأنقل المناقشة كلها --------------------- عمرو موسى ياما بلاش واحد غيروا ما ينفعناش ------------------ ياجماعه سيبكم من حكايه نائب و لا مش نائب انا مش فرحان و طاير من الفرحه الا بالشباب اللي شاركوا في المناقشه دي و قالوا كل اللي هما عايزينه من غير مايخافوا و لا يترعبوا بس ياتري ده معناه اننا بقينا احرار فعلا بقينا مابنخافش بجد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟ للاسف ماظنش كل الحكايه ان كل واحد بيكتب الكلام ده فاكر ان ماحدش شايفه و لا حايعرف يجيبه علشان كده بيتكلم و فاتح صدره اوي وبيتجرا علي الكل حتي علي اكبر راس في البلد هاهاهاههااهاههاهاهاها مش صعب اننا كلنا نتشد بس للاسف ان اللي حايحصل انهم ممكن يقفلوا مصراوي كله زصدقوا ممكن تحصل احنا في مصر ياولاد في مصر في مصر في مصر في مصر فاتلموا و لايموها احسنلكم و ماتنسوش نفسكم انا باقول الكلام ده بمنتهي الاسف و الاسي ---------------------- هو دة الكلام الصح ...وخصوصا فى اعلان نزل فى الجرايد اكتر من مرة عن تدريب وتنظيم دورات لمدة 6 شهور للخريجين الجدد على الحاسب الالى وواضح من اسلوب الاعلان انة شغل مخابرات والشبكة حتتراقب ويظهر حنتشد كلنا على الهلفطة دى واننا بنجيب سيرة الاكابر وعموما انا عن نفسى دى اول حاجة اكتبهاوبعدكدة حبقى اقراء الى بيتكتب بس ,,,,,,,حتى انا ما بعرفش اقراء ---------------------- بلاش تتكلم كلام اكبر منك يا شاطر علشان متتشدش فى امن الدولةو لا حاجة -------------------- اتق الله فينا يا من وليت خادما لهذه البلاد ---------------------- كفايه كلام احنا عايزين نبعد عن الحرب مصر الان تبني نفسها حتي تكون مستعده اما ما يقال ان الريس مبارك عميل فارجو ان اعرف من ليس عميل وانا ارشح جمال مبارك ايكون رئيس لمصر واكون اول من يدلي بصوته له وانا اعلم انه سوف يقال اني عميل ونعم انا اعترف اني عميل بس لمصر --------------------- انا من راى نطالب الاخوه اعضاء مجلس الشعب بتعديل الدستور لكى يسمح بترشيح اكثر من واحد لمنصب رئيس الجمهوريه زى كل العالم ده حتى الدول الشيوعيه بتعمل كده وعيب نستمر بهذ الدستور من اكثر من اربعين سنه والدنيا كلها بتتغير واحنا لسه بنستنى الريس علشان يعين نائب له و المصيبه ان فى بعض الآراء بتنادى بالشباب فى الرياسه. فى ظل هذا الدستور من مصلحه الشعب ان يكون النائب كبير فى السن و يا ريت يكون خطوتين والقبر علشان مانتدبسش فيه مده كبيره ذى كل الرؤساء السابقين شوفوا الريس مبارك مثلا تم تعينه رئيس لمصر وعمره اثنان وخمسون عام وجلس على كرسى الحكم عشرون عام و لسه ما حدش عارف حيستمر الى متى تخيلوا لو واحد مسك البلد ولسه فى الثلاثينات ها يبقى اكبر مقلب شربناه و شربناه لابناءنا او قولوا كمان احفادناو ربنا يديكوا ويدينا طولة العمر ويفتح مخنا ونشوف الدنيا بعيون الدول المتقدمه و كفايه سلبيه ده ولا واحد من اصحابى ولا اقاربى ولا يمكن انتو كمان معاه بطاقه انتخابيه ولابينتخب يبق حلال فينا او علينا اى حد ---------------------- الاخ اللي شايف نقسه عميل لمصر مقالش هو عايز يختار جمال مبارك ليه ------------------- وايه رائكم في شخصيه بعيد عن انظاركم خالص د.علي الدين هلال وزير الشباب الراجل ده من افضل الكفاءات في البلد و كاريزما بشكل مش حاتقدروا تتخيلوه بس هو اترمي في وزاره الشباب و اهدرت كفائته في وزاره خيبانه علي فكره انا مش قريبه و لا حاجه بس كان العميد بتاعي في كليه الاقتصاد و العلوم السياسيه واد ايه شفته و هو بيقود وحده صغيره صحيح بس استطاع في خلال سنوات معدوده ان ينقل الكليه نقله كبيرهههههه جدا مين تاني ينفع ياشباب د.مفيد شهاب رجل جد اوي و مايسمحش بالتسيب و مابيدورش علي مناصب او حاجه لا كل اللي يهمه مصلحه البلد و متواضع جدا انا عارف انكم يمكن بتتريقوا علي الاسماء دي بسي مش دول احسن مليون مره من الناس التانيه ؟؟؟؟؟ ------------------------------------ يا جماعة انا مقتنع تماما ان مصر لازم اللي يحكمها يكون قائد عسكري لان من الواضح ان بلدنا مطمع من جيراننا اليهود بالاضافة لدول اخرى كثيرة طمعانة في مصر وخيراتها اللتي لا تنضب. -------------------------------- الموضوع كله يا جماعه تنويم و الريس دايما بيتسئل السؤال ده. المهم أنا عندى إقتراح جيد جدا إن رئيس حى مدينة نصر يمسك نائب الريس ربنا يكتر خيره الشوارع كلها وسادات هوائية و البحر بين كل شارع و شارع يجنن. و المهم إنه راجل مكبر دماغه .. خلى الناس تشتكى بدام الكبار مبسوطين مفيش مشاكل. أيه رأيكم فى عبد السلام المحجوب محافظ الأسكندرية ؟؟ مش سياسى ؟ و هو مين كان أتولد منا سياسى المهم التربية 
|
|
#2
20-02-2004
|
|||
|
|||
|
والله يا جماعة أنا كنت ماشى من هنا بالصدفة وشفت الكلام الجميل المكتوب
بصراحة حاجة تفرح. المهم قررت أقول الكلمتين واللى يحصل يحصل. وياريت كل (واحد منكم يبقى يجهز القبقاب الخشب (لأنه مهم جدا فى معتقل الواحات ـ ليس بــالضرورة أن يتولى نائب رئيس الجمهورية الحكم(الدستور لا ينص على ذلك ـ بالاضافة ان جمال عبد الناصر كان له 3 نواب) ـ مجلس الشعب المبجل هو الذى يتولى الترشيح (الكل عارف المجلس جه ازاى)ـ ـ توجد قاعدة شهيرة بتقول "أى نظام لابد وأن يحافظ على وجوده واستمراره" يعنى مثـلا الشرطة تنقى أعضاء مجلس الشعب. والرئيس يعين وزير الداخلية ومجــــلس الشعب يعين الرئيس (أو ابنه) وكده تبقى الحلقة تمت واكتملت. ـ دورنا احنا كشعب اننا نكسر الحلقة دى ونمنعها من الاستمرار. وده ابتدأ من اختيار أعضاء المجلس وانتهاء بالاستفتاء على اختيار رئيس الجمهورية حلم : أحلم بأن يتنازل مبارك عن الحـــكم بارادته وأن تتم انتخابات حرة لاختيار رئيس جمهورية (أى شخص يختاره الشعب بعيدا عن تدخل مجلس الشعب)ـ رأى : مبارك استلم البلد والأمـــور سيئة جدا جدا ودى حقيقة لكن توجد الأن حقيقة أخرى مهمة وهى أن الاقتصاد المصرى فى خطر وتم تركيزه فى أيدى فئة قليلة. كما أن الزراعة المصرية انهارت تماما (بسبب البيه وزير الزراعة) والحــال بأختصار ان الغنى بيزيد غنى والفقير بيزيد فقر وعشــان محدش يفهمنى غلط (الغنى هو من يملك أكثر من 20 مليون) وده معناه ان فى لحظة معينة الفقراء لازم يثوروا(أتمنى ما يحصلش)ـ أسئلة: ماهـــى حقيقة هروب المستثمرين من مدينة 6 أكتوبر؟ ماذا حدث للقطن المصرى (لماذا أحرق الفلاح القطن بدلا من جنيه)؟ لماذا حققنا الاكتفاء الذاتى من التفاح ولماذ لا نحققه من القمح وماهى حقيقة التعاون مع اسرائيل فى مجال الزراعة ؟ كم عدد الشباب العاطل عن العمل ؟ كم تبلغ نسبة الأمية فى مصر ؟ وكم تبلغ فى كوبا ؟ أين ذهبت كرامة المواطن المصرى وكيف أصبح الشعب فى خدمةالشرطة لماذا تم اقالة كل الناس الكويسة فى مختلف المجالات (أحمد رشدى فى الداخلية - أبو غزالة فى الجيش - الجنزورى فى الوزارة) ؟ أتمنى نعرف كلنا الاجابة على هــــذه الأسئلة ونكون رأى فى النظام وبعدين نفكر نختار مين يحكم. فى الختام أنا أرشــــــح الدكتور غنيم مش نائب للرئيس لكن الرئيس ذاته ناس كتير متعرفش مين دكتور غنيم. باختصار الدكتور غنيم ده راجل ادارى من الدرجة الأولى تولى الاشراف على مستشفى جامعى صغـــــير فى جامعة المنصورة وبفضل ممجهوده وحسن ادارته تم تحويل المستشفى الــى مستشفى دولى (مستشفى الكلى) أو مستشفى غتيم زى أهل المنصورة ما بيسموه عارف انى طولت عليكم وأسف. لكن والله لسه عندى كلام قد اللى اتقال 100 مرة الصايع ------------------------------ ربنا يعطي حسني مبارك طولة العمر والصحة ... وأنا حاسس إنه هايحصل حاجة قريب زي ما حصل للسادات .. ربنا يستر وأتمنى النائب يكون عمرو موسى أو الفريق حتاته أو الدكتور الجنزوري ------------------------------ على فكرة ياجماعة الرئيس الاسد الكبير سأل عن تعيين ابنة نائب فانكر ذلك وقال ابنى ليس لة دخل بالسياسة وبعد فترة هيأ لة المنافقون الامر فعينة فهل يتكرر ذلك بمصر اظن نعم ويااخ وجدى لا ترشح نفسك كنائب والا اطلقوا عليك ****هم المسعورة واتهموك بالجنون وبان جدك كان مرتشى وخالتك مش ولا بد والسلام ------------------------------- بالتأكيد سوف لا يكون سيادة المشير طنطاوي الذي أمر بهدم دير مار يوحنا الحبيب على طريق القاهرة - السويس سنة 1996 - وبكل بجاحة كانوا يصرخون الله أكبر كأنهم يهدمون معبدا للأوثان - و بالتأكيد سوف لا يكون إرهابيا لا يعرف دينه. ----------------------------- السلام عليكم لقد اكتشت اخيرا ان هذا الموقع تبع الحكومة وقد اعذر من انذر فاحترسوا لانهم توصلوا لاسمى الحقيقى وعنوانى -------------------------------- فى رأيى يوجد شخصيتين جديرين بهذا المنصب وهما اللواء / عبد السلام المحجوب محافظ الأسكندرية و الدكتور / محمد عبداللاه . لا يصلح أى وزير حالى لهذا المنصب بأستثناء د . عمرو موسى
|
|
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
|
|
مواضيع مشابهة
|
||||
| الموضوع | كاتب الموضوع | المنتدى | الردود | آخر مشاركة |
| ما مدى صحة هذا الخبر ( من موقع مصراوى التعبان ) | FERO | المنتدى العام | 12 | 21-09-2008 06:24 PM |
النمط الخطي
