عيد ميلاد مبارك

[egypt_coptic]

عيد ميلاد الرئيس محمد بن حسنى بن مبارك

عمال تظلم فى القبط وتيجى على حقهم ياعم حسنى واحنا ساكتين وبرغم كل دة بنعيد عليك وبنقولك
كل سنة وانت طيب
وبنصليلك فى القداس كمان
يارب احفظ رئيس ارضنا عبدك
++++++++++++++++++++++
ياترى كل واحد هيدخل الموضوع دة هيقولك اية ياعم حسنى

[samozin]

يارب احفظ رئيس ارضنا عبدك
بالرغم من كل سلبياته
هو أفضل من غيره
انتم نسيتم يوم ما إستلم البلد من إلسادات كان وضع البلد أيه
وكيف كان وضع الجماعات إلإسلأميه فى البلد
وعملوا ايه فى أسيوط
بالرغم من كل اللى بنشوفه كل يوم بعد 27 سنه من حكمه لمصر تخيلوا لوكان نشاط الجماعات المتطرفه إستمر بنفس الوتيره كان الوضع يبقى أيه
رأيي إلشخصى مبارك أفضل من غيره
وابنه أفضل منه لوحكم بعده
ندعى مع بعض أن يولى الله من يصلح حال هذه البلد أيا كان ماعدا إخوان الشيطان

[knowjesus_knowlove]

نكتة طاااااازة




الريس جاب شيخ الازهر وسأله إن كان في الآخرة فيه ملاعب إسكواش ولا لأ......؟



شيخ الأزهر طلب يومين مهله علشان جوابه يبقي دقيق ....!

بعد يومين شيخ الأزهر راح للريس......

الريس: إيه ياعم الشيخ ....إيه الأخبار؟

شيخ الأزهر يتصبب عرقا: و الله ياريس ....فيه خبر حلو والتاني موش حلو

الريس: إبدأ بالحلو..........

شيخ الأزهر: ثبت باليقين إن الآخرة فيها ملاعب إسكواش...!

الريس: حلو خالص أمال إيه هو الخبر الوحش....؟

شيخ الأزهر: عندك ماتش الأسبوع اللي جاي......!

[El-Basha]

شديده يا KK .... يسمع من بقك ربنا وتبقي نبوءه مش بس نكته ....

[elmafdy]

حلوه جدا يا K K . . . ها يفضل قلمك و مداخلاتك مميزين و لاذعين للأبد .

بس انا سمعت عن شيخ الازهر نكته تانيه

النكته بتقول ان جمال مبارك راح يسأل شيخ الازهر و يستفتيه و دار بينهم الحوار التالى

جمال : هل ينفع أبقى رئيس مصر بعد مبارك و لا ما ينفعش ؟؟
شيخ الازهر : لا
جمال مبارك : ليه يا مولانا ؟؟
شيخ الازهر : لان النص القرأنى بيقول " و لا تنكحوا ما نكح ابائكم " .



بس لو ها نتكلم جد بقى . . . أنا رأيى من رأى اخى سامو و الباقين . . . مبارك افضل لنا من أى حد تانى فى حكم مصر . . . و الاحسن و احسن لو خلفه جمال ابنه . . . انا فعلا بأتمنى كده . . . . المشكله مش مشكلة أخوان و بس . . . المشكله ان الجيل اللى جاى كله بقى أصولى و عنده توجهات دينيه اصوليه مرعبه . . . يعنى سواء ربى دقنه او ما ربهاش . . . هوه برضه اسلامى اخوانجى من جواه على الاقل .

جمال مبارك من النماذج النادره اللى متقبل فكرة الدوله المدنيه و بيعرف يفصل بين الدين و الحياه و السياسه .

و ربنا يحمى بلدنا و يحمى ولاده فى كل مكان

المفدى

[El-Basha]

شديده يا أستاذنا المفدي ....

وخد عندك الحتتين دول من كتاب "بلال فضل - مهازل من مصر"..

*يحسب للرئيس مبارك أنه حكم مصر وهي تتحدث عن نفسها..... وبعد ربع قرن من الحكم جعلها تتحدث مع نفسها!

*سألني: إنت ليه مش فارق معاك تعيين نايب للريس؟ قلت له: عشان كفاية النايبة اللي إحنا فيها!
*كلما لمست حرص الرئيس مبارك على البقاء في الحكم أفهم لماذا يحرموننا هذه الأيام من الاستماع إلى عبد الحليم حافظ وهو يغني: «إن كنت حبيبي ساعدني كي أرحل عنك.. إن كنت طبيبي ساعدني كي أشفى منك.. إني أغرق أغرق أغرق»!

*لا أدري لماذا يتحامل العديد من الكتاب والصحفيين قلالات الذوق على سيادة الرئيس فيسألون هل سيقدر على تنفيذ وعوده في عام 2008. ألا يكفي أن سيادته وعد؟! كمان عايزينه ينفذ؟! لا ده كتير، كان يمكن أن لا يعد أصلا، يا ريت لكي نطاع نأمر بما يستطاع!

نشرت الصحف حادثة مفزعة عن قيام سيدتين في الفيوم ببيع طفل رضيع بخمسة وثلاثين جنيها فقط لا غير، وأخذت تتعجب كيف ينخفض سعر الإنسان في مصر إلى هذه الحد! في اعتقادي أن سر انخفاض مثل هذا الرضيع هو أنه وهو في بطن أمه لم يقل نعم لمبارك، وإلا كان ده فرق في سعره كتير ...

نتكلم جد ..... أختلف معك أستاذي المفدي و samozin المشكله ليست في شخص الرئيس ... المشكله في النظام السياسي و رجال الحكومه والتنفذين ...

السؤال هوه ماذا قدم جمال لمصر ليستحق التوريث ... أنا ضد أعطاء شيك علي بياض لأي شخص فكيف أعمل كده مع رئيس دوله ....ولو جمال كويس دلوقتي علشان حلم التوريث ...أنا متأكد حيكون ذي أبوه بعد ما يمسك الحكم ....للأسف جمال يملك 20-30% من الشركات الخاصه في مصر عن طريق البلطجه علي أصحاب الأعمال عملا بمبداء فيها لأخفيها ... فكيف يحكم بلد

أنا بره مصر وقد أكون بعيد عن الصوره لكن زياراتي لمصر تؤكد أن كله ذي بعضه .... وذي ما قالوا علي بشار الأسد أنه دكتور و متعلم في أنجلترا لكن كل شئ ذي ما هوه في سوريا...

مثلنا الشعبي بيقول... قالوا لفرعون أيه فرعنك ... قال مالقيتش حد يوقفني ...

[الذهبيالفم]

كل سنة وانت طيب يا عم .....

والأسعار ولعت و الحمد لله وسلملي بقي علي 30%.