مشكله الرجاء محاوله حلها

[scorpion_man]

حدثت هذا المشكله فى كثير من الايملات التى تاتى لى
هل هناك من حل لها
الرجاء ان وجد اخبارى به
ولكم جزيل الشكر

[steven]

اعتقد ان هذه المشكلة تحدث إذا كتبت الرسالة بفونت غير موجود بالكمبيوتر.
او فونت الكمبيوتر عندك غير مضبوط لكن طالما الكمبيوتر بقرأ رسائل اخرى باللغة العربية - اذن فونت الكمبيوتر مضبوط لكن ينقصك زيادة فونات اللغة التي اتت بها الرسالة ....

[ashrafb]

مش عارف اشرحها لك ازاي بالعربي لكن انت عندك المتصفح بيقرأ النص على انه عربي لكن النص مكتوب في كود utf-8 فمن menu view أو right click على الصفحة اختار encoding>utf-8 بدلا من arabic(widnows)
اتمنى اني ماكنش لعبكت الامور وتقدر تفهم انا اقصد ايه

[abomeret]

دة ايميل جالى لحل مشكلة اللغة العربية فى الياهو...يمكن يساعدك

أخوتى فى الجروب

أنــا احب اديكــم فـكــرة عن الاعضــاء اللى بيعـانوا من لخبطـة حـروف الرسـايل المستلمـة او المـرسلـة ، انا الحقيقــة مررت بنفس المشكلــة أكثـر من مــرة و أحب اوضح ان أخــر مــرة و بعــد مــراسلــة مـوقـع يــاهوو على العنـوان اللى هـاوضحـة اسفـل الايميـل و بعد ما ذكـرت لهم بالتفصيل المشكلة فى ارسال و استقبـال الرسايل و كلهـا ملخبطـة ، كان رد اليــاهــوو كالآتــى:

بالنسبــة للـرسـائل المستلمــة يتم حل مشكلة اللغـة كألآتى

هتدخل على رسالة رسالة من الملخبطيــن و تنــزل ألى اخــر الصفحـة هتــلاق اليــاهــوو أضـاف خاصيـة جديدة موجودة بس فى الرسائل الملخبطة و هى انكودين جديد ، هتفتحة و تختار الميدل ايست ( الشرق الاوسط) و بعـدين تختـار الفونت وينـدوز ارابيك 1256 هتـلاقى الصفحـة اتعـدلت بقـدرة قـادر و عرفت تقـرأ محتواها

و لكن الحل دة غير عملى بالمرة فى حالة لو بتنزل عندك بـ 40 رسالة يوميا و كما شرحت المشكلة للياهوو ان العضو فى الياهوو مش ممكن هيفتح رسالة رسالة دة اسمة تضيع للوقت و المجهود و طبعا هو حل غير عملى على الاطلاق و رد الياهوو على التعليق بأن دة حل مؤقت و انهم بيحلوا الياهوو الكلاسيك القديم الى النيـو كلاسيك ( و هو اسوأ بكثير من القديم) و فى خلال عمل التحديث دة واجهتم مشكلة الفونتات العربى و لسة بيدرسوا كيفية ايجاء حل للمشكلة

بالنسبـة للـرسـائل المرسلـة منـك لبـاقى الاعضاء و الجروبات

ايضا بعد ارسال ايميلات للياهوو اطلب حل للمشكلـة انى كل اللى بأكتبـة للجـروبات و الاعضـاء غير مقـروء بالمـرة ، كان رد اليـاهوو اعتــراف واضح و صريح بأنة ليس لـديهم حل حتى الان بخصوص المشكلـة دى و اعتـذارهم عن عدم امكانيتهم المساعدة

اصدقائى من الاخر كدة ما تحاولوش تحلوا المشكلة و لا تفتحوا ايميلات جديدة فى الياهوو لأنها هتتكرر فى كل ايميل جديد و بالتالى يا جماعة انا اقترح عليكم فتح ايميل جديد خالص فى الهوت ميل و البعض يمكن يفضل فى الجوجل ( جى ميل) حسب الرغبة و انت كعضـو فى الجروبات هتغير البروفايل بتاعك فى جروب واحد و هتلاقى بعد كدة باقى الجروبات اتغيرت تلقائيا بعد خطوة هيطلبها منك الياهـوو اسمها

(Verify)

دى بتكون مطلوبة بس علشان التأكد من انك نفس الشخص اللى عمل ايميل جديد هو نفسة اللى غير فى شروط الاشتراك فى الجروبات

لو حبيبتوا تتأكدوا من ردود موقع الياهوو و عايزين تراسلوة ، ارجو ارسال الشكوى بالانجليزية على العنوان

mail-classic- errors@cc. yahoo-inc. com

و دة كان ردهم على عدم امكانية حل المشكلة:

Hello,

Thank you for writing to Yahoo! Mail.

We understand that you would like to compose emails using the Arabic
language.

We're sorry, but right now Yahoo! doesn't offer the feature you've
described. It is currently not possible to compose emails using
non-Roman characters. Thanks for your suggestions about Yahoo! Mail.
People like you help us continually improve our service, and we really
appreciate it.

We're already starting to build a database of user suggestions for our
next round of enhancements. We've forwarded a copy of your message to
the Yahoo! Mail team as a product suggestion.

We're continually working to improve our services and input like yours
helps us do just that.

و بالتوفيق للجميع

سلام

اختكم ليلى

منقول

[الذهبيالفم]

المشاركة الأصلية بواسطة ashrafb

مش عارف اشرحها لك ازاي بالعربي لكن انت عندك المتصفح بيقرأ النص على انه عربي لكن النص مكتوب في كود utf-8 فمن menu view أو right click على الصفحة اختار encoding>utf-8 بدلا من arabic(widnows)
اتمنى اني ماكنش لعبكت الامور وتقدر تفهم انا اقصد ايه

سلام ونعمة أخونا الحبيب ashrafb

الراجل ده كلامه صح ، المشكلة دي عيب في الكود ويجب اختيار العربي كما شرحها اخونا الحبيب .

[scorpion_man]

الف الف مليون شكر انا تعبتكم معى
مش عارف ارد جمايلكم ازى على